KIRWOKÏ 1:7 - PIPÏLIA

⁷ Kïlö Adonipesek, “Köghokwanïn ye nyu Tororöt kïgh nyo kyoghchan pöytoghï 70 cho kikïdïng morikwa cho echön cho pö ewun nko cho pö kelyön cho kikwöghöy rarakan cho kichïntegho mesenyan.” Atolapay kemït nyinte kutang Yerusalem, kïmeghchï wöloni.

KIRWOKÏ 1:7 Referans Kwoze

1 SAMWEL 15:33

Wölo kïlö Samwel, “Ompöwölo kigh chokengu kor kïchop monïng kïlïku nyoni tïkwïl ompö yongu.” Atolapay kïtörotör Samwel Akak ompö tawu ECHOTYON ompö Kilkal.

NGONGUT 13:10

Chi nyo kakemutyï kenam akewuw, kenömöy akewuwöy lenyoni nyo mötïny. Akwanka tïkwïl nyo kakemutyï kepara chok, kepöro chok nyo mötïny. Kïlenyona, mïchini pipö Tororöt kïmïkukön ompö kighanat.

YAKOPO 2:13

Ompöwölo ato rwokyini Tororöt pich mesyonchininye chi nyo mötïngnye kisyonöt. Wölo rïntoy kisyonötö kirwok.

RUMI 2:15

Poru ompö otöptöngwa lö, kikekirchï mïkuliskökwa tïkwïn cho mwoghöy kirurut. Söwintönchini chane tïkwïl choghïntino mïkuliskökwa lö, lata choni, ompöwölo muköy kurwokï anta tököwï chane ompö kinonutkökwa.

NGONGUT 16:6

Ompöwölo kiyita chane kisönko kïlanköku nko cho pö werkoy, nka nyoni ketönönyi chane kïgha kisön akömïchï lenyoni!”

ISAYA 33:1

Heywey, ochech pich cho le mosï, akï puryö chi nyo kamas chane anta wïchtö! Wölo itïtoy söröm masatengwa nko wïchtoghtöngwa, chane kegh cho wonyegho masat nko wïchtogh.

WUWÖT 29:20

ipar makalu aicheng kisönkö kareran ainyïra walpa yit pö Aron nyo pö ewu tagh nko walisayi yiti werkachi cho pö ewuno tagh nko walisayi morichi cho echön cho pö ewuno tagh nko walisayi mori kelyön cho echön aisö kisönkö cho köngötï ato kïpelo amöros kuwitwit.

KIRWOKÏ 1:6

Kuperta Adonipesek, wölo kïyonota chane nyinte ntökïnam, kïdïng morichi cho echön cho pö ewun nko cho pö kelyön.

KIRWOKÏ 9:24

Kigh Tororöt lenyoni atö ketaka kisön pö werpö Kidyon chanya le 70 Apimelek nko pipö Syekem cho kingarak nyinte kïpar werkökwa.

KIRWOKÏ 9:57

Kigh Tororöt ngat pipö Syekem kuwongwï ompö ghöyityengwa. Kingwïnchï chane chïpöto Yotam wero Kidyon nyo kichïpisyö.

1 PÖYTOGHÏ 21:19

Mwochinö nyu nyinte lö, kolö ECHOTYON, ‘Kichö otini keparanyi chi, iwechinyi ichenga tïkuchi tïkwïl so?’ Mwochinö nyinte lö kolan, ‘Melo kukïdinö kisönköku otini kamela kisön pö Napot.’ ”

SEPANIA 3:19

Omungan asisoni pich cho chopinyi kong, osörunan piköchan cho ngwolsot, oyokunan kaw cho kikitoyö. Owöghökan arasï nyo kötïng chane kïlïkwï konyït, aghan kukus pipö ngwïny löwïr.