ISAYA 9:7 - PIPÏLIA

⁷ Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

ISAYA 9:7 Referans Kwoze

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

DANIEL 7:14

“Ketö nyinte paytagh nko ororyo nko pöyunöt, atökïpöghisyechï pich nko punton nko kutïw löwïr nyinte. Melö weröy paytaghtanyi nyonikïny, amelö wonyot pöyunötenyi.

2 SAMWEL 7:16

Ghyongöy kongu nko paytaghtangu kokay akuletöy ngacharu pö paytaghtangu kokay.’ ”

DANIEL 7:27

Ketö pipö Tororöt nyo Töror Tya pöyunöt nko ororyö nko owesyö nyo pö pöyunötin löwïr cho mi ngwïny. Pöyitu pöyunötengwa kokay akïkonyïtöy paytagh löwïr chane akïpöghisyechï.’

DANIEL 2:35

Kïpasyangana tïkwïl wölay le karïn nko nyïngwïtyan nko tay nko silpa nko wölay le koltin akïlïkwï le morïr ompö ghatya pagh atay le kömöy, kungwïn yomat kïkutata kupotyö mömi wölo kïsöchini, wölo kïwaghaka koghay kïyetï kïlïkwï kutïng akulum ngwïny kïmïkul.

EPRANIA 1:8

Wölo kimwa Tororöt kïparta Werïnyi lö, “Pö ngacharengu nyo pö paytagh we Tororöt kokay nko kokay. Paytaghpa man kï paytaghto pöyunötengu.

YEREMIA 23:5

“Arosa! Pkonöy osiswö cho okötkötan sakana ara Daudi aghan kïlïkwï pöytoghin nyo pöytoy ompö man nko ngöghomnyö ompö kor.

ISAYA 37:32

Ompöwölo ngötuno pich Yerusalem akïngötunö kutïng pö Sayon, ompöwölo ECHOTYON Kimuktoghin nyo kamach kwigha lenyoni.

ISAYA 16:5

Atolapay nyu kegh chi akonga nyo pö ara Daudi kïlïkwï pöytoghin, atökïpayta pich ompö man nko chomnyogh. Ighöy nyinte kïgh nyo pö man lawel, akïsïwa lö kegha ngölyonto man.)

TUMWÖY 2:8

Somanïn atokonïn pipö punton paytena akïlïkwï nyengu ngwïnya kïmïkul.

2 PÖYTOGHÏ 19:31

Ompöwölo ngötuno pich Yerusalem nko kutïng pö Sayon,* ompöwölo ECHOTYON nyo tötöy lenyoni.

NGONGUT 19:11

Atolapay asïwan yïm kïyata, atanganyan asïwa angole nyo rel. Kikïkuro chichinö kiwegho angolenoni, “Nyo ghanate akï pö man.” Rwokyini nyinte pich ompö man akïsetöy kïporyegho pungkachi.

MATAYO 1:23

“Mirsïyi chepkïltït akïyiyöy worö nyo kïkuro Imanuel,” nyo ato kïwaghach kï, “Mi Tororöt nko acha.”

YOANA 12:34

Kuyokyï tuyonay lö, “Mwowecha kirurut lö söpöy Kristo* kokay. Kwompö ne nyu telentenyi mïchini kesyol Wero Chi parak? Ngo nyu nyo le Wero Chi nya?”

EPRANIA 7:24

Wölo söpöy Yeso kokay, kïlenyona, möngetonye nyinte ighisyo tïsö.

ISAYA 2:4

Linyot koros cho ororöch, akïsat pich cho chang. Tongöy chokonikwa kïlïkwï mökompöy, akutang ngötwekwa kïlïkwï rotwoy cho kïköso pagh. Amelö tökïpöröy kegh ngat koroswö, amelö tökïsetöy ngat kokay.

ISAYA 11:1

Kïlenyona, pituno sanakana ghït pö Yese, akuyinu akwa morïna nyo ngwïno ighinkachi.

ISAYA 26:11

Menkïtcha punköku lö imungenyi chane. Tönö chane arasï, we ECHOTYON aikany kuwongwï chane. Pïsyinö chane kuwongunö nyarïl nyo kitötyinyi chane aiporchï wölo ichömtonyi piköku.

ISAYA 40:10

Ngwïnöy Echotyon TORORÖT atökïpayta ompö owesyö, akumïtu pikachi cho kakïsörï nyinte.

ISAYA 42:13

Setöy ECHOTYON lïk le nyakan omöy sirmoy le chi, le atay chïlöy kegh pich. Kutöy nyinte kontï nyo kurchini pich poryot. Ighchini pungkachi ngal cho echön.

AKAY 2:9

Pïchighitu nyu tya Konyan nyi rel kïtïl nyo pö tagh akwotoni ato osoyönenan piköchan kïsïch tïkwïn.” Mwoghöy ECHOTYON Kimuktoghin.