ISAYA 9:2 - PIPÏLIA

² Kasïwa löpoyïn nyo wow pich cho kipegho tuwïn. Pich cho kimöngöy koro tuwïn nyo kiwur, wölo kelïwchï chane löpoyïn.

ISAYA 9:2 Referans Kwoze

MATAYO 4:16

Sïwïyi pich löpoyïn nyo wow cho kötöpisot tuwïn. Körökyï löpoyïn cho kömöngöy koro tuwïn, pich cho köpestegho rurwo meghat. Kechumchï chane yenyu löpoyïn.”

EPESO 5:8

Kyomitekwa tïkwïl ato le tagh tuwïn, wölo kyalïkukwa ye pipö löpoyïn otini kyolinyekwa nko Echotyon. Otïpinö nyu le monïngo löpoyïn,

YOANA 12:46

Ochan löpoyïn nyo kingwïn ngwïny, atömökïtöpo tuwïn chi anka tïkwïl nyo ghönanïn.

YOANA 8:12

Kïmwochï Yeso Parisaytinechay ngat lö, “Ochan löpoyïn pö ngwïny, chi anka tïkwïl nyo rïpanïn kïsïköy löpoyïn pö söpon amökïwesteghonye tuwïn nyonikïny, wölo sïköy löpoyïn pö söpon.”

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

LUKA 2:32

Löpoyïn nyo ngongchini pipö punton machatengu akwipchini ororyö piköku Israel.”

ISAYA 60:19

“Melö tökïlïku asis löpoyïntöngu atole pöghet. Anta lïkwï arawa löpoyïntöngu ato le oghö. Ani ECHOTYON nyo olïku töpewengu nyo pö kokay. Lïwunyi löpoyïnto töroryenyan.

TUMWÖY 107:10

Kimang walaka wölo tuw lö yuk, ratan ompö nyarïl nko sïrïmtin,

TUMWÖY 23:4

Kïrkegh kowesteghan mpöghoghyo rurwo meghat, kïmelö owöghan ghöyityö, ompöwölo imitenyi nko ani. Ripanïn lïkïngu nko kïwantingu.

ISAYA 50:10

Ngo ompö akwa nyo konyïtöy ECHOTYON nya? Akï ngo nyo rïpöy ngaleko mötworintenyi? Kïrkegh kötuw lö ne or nyo orïpekwa wölo aghanakwa ECHOTYON, otighenö kegh Tororötïngwo.

TUMWÖY 107:14

Kïngwïsuna chane tuwïn nko wölo sïngir akungötiy sïrïmtinekwa kïmïtïkisyö.

YOANA 12:35

Kïlenchï Yeso, “Tökïmi kwenunkwa löpoyïn ompö osis cho ngörï. Apestena otini totïngetenö löpoyïnoni atömelumak tuwïn, ompöwölo menkïtnye chi nyo westegho tuwïn wölo töngöy.

ISAYA 9:1

Wölo möminye or nyo chïwïto chane kömpölelyononi. Kigh koro Saplon nko nyo pö Naptali kesas ompö osis cho kipö tagh, wölo kwigh kïtörorit ompö osisweko lötï, kïngetunö nanampa Kwen kutang kongasis ntökwitïta Yordan antakwagh ntökwit ompö nyini le Kalilaya möngöy pipö punton.

AMOS 5:8

Ayara ECHOTYON nyinte nyo kigh kokel, kigh Kaghis nko Kakoretaran akïwöghököy tuwïn nyo tuw löyuk kïlöpoyit lönga akïwaghach pöghet kïlïkwï oghö nyinte nyo kuru pögho nanam akïropönchï ngwïny kïmïkul.

AYUPU 10:21

Kïtomö owan wölo melö tomïlonan, koro sïngiryö nko tuwïn nyo tuw lömïs.

KIRWOKÏ 5:30

“Kinyorï chane pöröw mi kuporöy Atö kïchöghchï kegh chi anka tïkwïl työ akonga anta odeny, akutö Sisera sïro cho pö olyot nyo wow. Ketö tipichay pöröw cho pö sïro cho kikïnap söremwok akesïlö munytin cho sis tolokyan.”

TUMWÖY 4:8

Orïwan ompö pöghisyö, ompöwölo nyi onkït, we ECHOTYON, nyo ighanïn omöngisyan ompö kalya. Ompö kintöghoghinto tumï kïpöghisyegho pkurerun. Tum pö Daudi.