ISAYA 8:22 - PIPÏLIA

²² anta topön ngwïny, wölo mösïwïyicha kïgh, kïpoto kömpölelyö nko tuwïn, tuwïn nyo pö otyogh, wölini kïrorchini chane asïyech.

ISAYA 8:22 Referans Kwoze

ISAYA 5:30

Mororchini Israel ato itï asisoni kïmarikit kïkarkegh nko nanam. Arosa koronï! Kilum tuwïn nko nyarïl! Kanyïkwïda tuwïn löpoyïn ompö tuwïntanyi.

MATAYO 22:13

Kïlenchï pöytoghintö mötworichi, ‘Arata morïn nko kelyön awirchï sany wölo tuw. Lïku nyu rirat nko nyaghata kelat ompö kichïr.’ ”

MATAYO 8:12

Wölo kïwirchini wölo tuw pïchini kötöpöyitu Pöyunötö yïm, riryegho nyu chane wöloni akïnyagh kelat.”

YEREMIA 13:16

Akusa ECHOTYON Tororötïngwo, kïtomö kwipkokwa tuwïn, akunöghokwa koghïn kelyön ompö komos. Asala nyinte kïtomö kïwaghach löpoyïn nyo kokönekwa kïlïkwï tuwïn nyo wow.

YUDA 1:13

Karkegh chane nko mïrtino pögho nanam, cho mïlu pïchan nyo pö pöghisyewutkökwa cho pö arasï. Karkegh chane nko kokel cho pestotoy akï cho wetöy Tororöt kïkörchini wölo tuw lömïs kokay.

NGÖTÏNYÖ 14:32

Kïkölöngöy mwokïyon ompö ighisyewutkachi cho ghach, wölo nyoru chi pö man ato ghïpo ompö mantanyi.

AYUPU 18:18

Kïngwïso nyinte löpoyïn aketorchï tuwïn kitulöy kupotö ngwïny lö weng.

MATAYO 24:29

“Otini kewonyö kinyarilata osiswechoni, meghöy asis amelïwunye arawa ngat nyonikïny, chïnuno kokel yïm aketimtimöy owesyotïno yïm.

YEREMIA 23:12

Kïlenyona lïku ortïnekwa ortïna chïtchïtan ompö tuwïn, chityot akupïtyï chane wöloni, ompöwölo nyoru sitenyan otini ketomtö osiswekwa. Mwoghöy ECHOTYON.

ISAYA 9:1

Wölo möminye or nyo chïwïto chane kömpölelyononi. Kigh koro Saplon nko nyo pö Naptali kesas ompö osis cho kipö tagh, wölo kwigh kïtörorit ompö osisweko lötï, kïngetunö nanampa Kwen kutang kongasis ntökwitïta Yordan antakwagh ntökwit ompö nyini le Kalilaya möngöy pipö punton.

ISAYA 8:20

Oyokyinekwa pïchoni lö, “Atera ngalechï mwowokwa ECHOTYON! Moteröy ngala oy, ompöwölo melö onyorunokwa chane löpoyïn pö kiwasan.”

NGONGUT 16:10

Atolapay kïmïlchï malaykayanteto mut tïkwïn cho kimi pakulinyi paraku ngacharu paytaghpa tyonyay. Kuyen tuwïn pöyunöto tyonyay, kïsïr pich ngölyepkekwa ompö ngwonïn.

ISAYA 9:20

Söro kegh pich omisyewut cho kemï kïnyorï ompö kore kïmïkul, wölo melö pïghyongi nyonikïny. Omöy chane ompö chini le monekwa!

ISAYA 30:6

Anyï ngölyon nyo kïmwochini tyonkïn cho pö okumpö ewu tagh kor nyo le surkwen nyo mwochini Tororöt chane lö, “Kirutö pich cho ghyongchini korengwa ompö koroswo puntoni walaka. Kiwerata chane kor nyo ki wow tapan, kor nyo kichang ngötunywö nko moroyut cho kitïng ngwonö nyo wow nko moroyut cho pegho mïröt. Kikasana chane sïkïröy nko tamasay ropöw cho pö olyot nyo wow cho kipetöy kïropchini pich cho kimemukcha kungarak chane.

ISAYA 50:11

Wölo akwa cho ochömöy onoghe mot, cho olentöy tökewangena pikö walaka, wonyokwa lömïs mangwo nyoni. Nyinte ECHOTYON nyo lïtitöy choni, awongunekwa nyu ompö nyarïl nyo wow.

ISAYA 59:9

Kïlö pïchay, “Kakinkïtucha ye nyu lö ompö ne tömösörunenecha Tororöt ewuneko pungköcho. Kikïmitecha kekönöy lö kïnyoru löpoyïn, wölo kimökïnyoruchanye kïpoto tuwïn.

WUWÖT 10:21

Kïlenchï ECHOTYON Musa, “Ghïtenö ewungu kutang yïm atökungwïn tuwïn koro Misri nyo kïnömöy kawagh sör.”

WUWÖT 10:22

Kughïtö Musa ewunyi kutang yïm, kïtuwit lömïs koro Misri ompö osis sömök.

ISAYA 50:3

Omukan owöghököy wölnö le mïröt kïtuwit, alokyï sarankwachtin le ato kïriröy chi nyo kama.”

ISAYA 60:2

Lumöy tuwïn koros pö ngwïny walaka, Wölo lïwchininyi löpoyïn pö ECHOTYON, akïrumuneninyi ororyenyi.