ISAYA 8:18 - PIPÏLIA

¹⁸ Omitan yi nko monïng cho kökonanïn ECHOTYON. Kayontecha ECHOTYON Kimuktoghin nyo mi ngacharunyi nyo pö paytagh kutïng pö Sayon* kelïkuna lökoyechi cho söpchot cho kipchini pipö Israel.

ISAYA 8:18 Referans Kwoze

LUKA 2:34

Kusoyön Simion chane akïlenchï Marya, yoto monïng, “Rose, kikïl Tororöt mönïngï kïlïkwï macheypa kipotöt nko sörunöto pich cho chang ompö Israel. Lïku nyinte kiporunöt nyo ngwïno wölo mi Tororöt nyo mölomölo kegh pich cho chang,

SAKARIA 8:3

Omïlenan Sayon amang Yerusalem. Kïkuröy Yerusalem asoni lö, ‘Kanasyan nyo ghanate,’ kekurö kutïng pö ECHOTYON Kimuktoghin, ‘Kutïng nyo tïlil!’

TUMWÖY 71:7

Kalïkwan körkeyïn ompö pich cho möngörï, ompöwölo ichinyi wölo oghïponan nyo awes.

SAKARIA 3:8

Tera nyu we Yoswö, Tïsin nyo Wow nko akwa tïsi walaka cho opöghisïyi tïkwïl! Ochikwa kiporunöto köromnyö nyo pö osis cho tökïpkonöy. Opkokwa mötworintenyan nyo kïkuro Morïn!

ISAYA 53:10

Wölo ki machata ECHOTYON kuwongwï nyinte. Kïlïkwï meghenyi amöros nyo ipu lastaghpa ngokï. Sïwïyi asïyech piko arenyi akïtöpö osis cho chang, akulïtito machata ECHOTYON ompö ewunyi.

TUMWÖY 22:30

Pöghisyechini nyinte pïnwöy cho tökeyiyöy, mwochini pich pïnwöy cho tökïpkonöy lökoyo ECHOTYON.

TUMWÖY 9:11

Otumchinö ECHOTYON nyo möngöy Sayon,* omwochinö pich tïkwïn cho kegh nyinte!

EPRANIA 12:22

Wölo katukwa kutïng pö Sayon* akwa kanasyanta Tororöt nyo satate, Yerusalem nyo pö yïm, wölo nyoryegho malayken cho makïrar.

ISAYA 24:23

Atolapay kïtuwit arawa tökulïwu asis ngat, ompöwölo lïku ECHOTYON Kimuktoghin pöytoghin. Pöytoy nyinte ompö kutïng pö Sayon* nko ompö Yerusalem, atökïsïwa kintöghoghi pich ororyenyi.

ISAYA 12:6

Akwa cho omöngöy Sayon,* oteghyenö atum ompö ngörekyö! Ompöwölo wow Tororöt pö Israel nyo Tïlil.”

ISAYA 7:16

Ompöwölo kisuro koroswechoni otyegheninyi pöytoghikwa kwodeny kïtoma kunkïtï monïngoni wölo kïtöghtoy ghöyityö, akïkïl nyo karam.

ISAYA 14:32

Ekeyokyinecha ne pich cho yonu pipö Pilisti köny? Kïmwochinecha chane lö kakuchïchim ECHOTYON konyi nyo mi Sayon* akakutö pikachi cho kikirey kïryoghchï wöloni tïghume.

1 OTÖPTINO OSIS 23:25

Kïlö Daudi, “Kikutö ye nyu ECHOTYON Tororöt pö Israel pikachi Kalya, akïmöngöy nyinte Yerusalem kokay.

EPRANIA 10:33

Kikimwaghakwa ompö tawu pich akeghapghapekwa kïnyïl cho chang wölo amukakwa tonyoryö nko pikö walaka cho kikinyaril kong le akwa.

ISAYA 7:3

Kïlenchï ECHOTYON Isaya, “Mïta werïngu Syearyasyup wölo mi pöytoghintö Aas. Onyorchinekwa nyinte ara mït ato nöpo pich sïro, ato le sörömu kongpa pögh nyo pkono pögh cho kosini ngarpïl.

ESEKEL 14:8

Oghan nyinte yitïn, tökïlïkwï kitewut akïlïkwï weroptyö. Opesyenan nyinte nko piköchan atenkïtunö lö ochan ECHOTYON.

ISAYA 8:3

Kiwer osiswö cho te, kïsïkisyö korkenyan akïyï weri, kïlenchanïn ECHOTYON, “Kurenö kaynatenyi, ‘Pokyinö Lawel, Ritö Pöröw.’

TOWUNÖT 33:5

Kikany otini kitopöntö Esau, kïsïwa kor nko monïng, kïtep lö, “Ngo pikö chï imitenyi tïkwïl?” Kuyokyï Yakopo lö, “Monïng choni echotyon cho kikonanïn Tororöt ompö kisyonötenyi.”

KINONO KIRURUT 28:46

Lïku chïputchoni macheypa kirwoko Tororöt ompö parakunkwa nko monekwa kokay.

ISAYA 20:3

Kïlö ECHOTYON, “Kïle wölini köwestotö mötworintenyan Isaya ompö könyis sömök kïchïrut akï puryö kwegh, lïku nyoni kiporunöt nko töngönchin nyo igho ompö koro Misri nko nyo pö Etopya.

YEREMIA 44:29

Omwoghan ante ECHOTYON lö omungokwa ompö koronete pö Misri ntökïtenö kïpköchokwa lö pïntoy ngalechan cho kamwaghan ompö kutinyu lö nyorwokwa meghat. Anyï kïgh nyo onkïtunonekwa lö onyorunekwa sitenyan.

ESEKEL 4:3

Atolapay icheng karin nyo tapalal aitö kughyongö kwenungu nko kanasyan. Atolapay iparta okumpö kanasyan airik kanasyantanoni. Kiporunöt nyoni ompö Israel.

ESEKEL 12:6

Ikochenyi koriku pugh kïsïwïyi chane aiyen konyiku tömesïwa ngwïny. Ompöwölo kaghinyi lïkuna machey nyo pö pipö Israel.”

TUMWÖY 9:12

Melö wutyegho kitökinto kisön, chane cho kichopöy kong.

LUKA 2:18

Kïtangany pich nyoman cho kilïm ngalechoni kimwoghöy mösöwö.