ISAYA 7:3 - PIPÏLIA

³ Kïlenchï ECHOTYON Isaya, “Mïta werïngu Syearyasyup wölo mi pöytoghintö Aas. Onyorchinekwa nyinte ara mït ato nöpo pich sïro, ato le sörömu kongpa pögh nyo pkono pögh cho kosini ngarpïl.

ISAYA 7:3 Referans Kwoze

ISAYA 36:2

Atolapay kïyonta pöytoghinto Asirya Rapsyake kïngeta Lakis kïwö Yerusalem nko lïk nyo wow nyo kiwö kïrirchï pöytoghin Esekia kïsyol ewun. Kitöpunö opisanoni nko pikachi atolekïtö kö pö pögh nyo kimi wölo le parak ompö aramït nyo kipöghisyegho nöpï cho pö sïro, atole kompö pögh nyo kosuno ngarpïl nyo mi ato le parak.

2 PÖYTOGHÏ 18:17

Kïyonta pöytoghintonay pö Asirya Tartan nko Rapsaris nko Rapsyake nko lïk nyo wow ompö Lakis, kïpa kïporyö nko Esekia ompö Yerusalem, kintöghoghchini chane lïkononi. Nyini kitïta chane Yerusalem, kughyongö ara pögh nyo kingwïno ngarpïl nyo kimi wölo to, ompö ara mït nyo wetöy kutöngöy wölo kiwuno

RUMI 9:27

Kimwa Isaya tïkwïl paraku pipö Israel lö, “Kïrkegh köchang pipö Israel le ngayam cho mi sörömu nanam, wölo pich cho ngörï pat ompö chane cho kïsöru,

ISAYA 6:13

Kïrkegh köngötï chi akonga ompö pich taman ompö korononi, kïmöngötunye tïkwïl, le mïsïkyo ket pö oron anta lilwö nyo kökïtör wölo tökïmi tökïsöpöy mïsïkyenyi.” (Kimustoy mïsïk kösïghyon nyo pö kitoröt nyo rel nyo pö pipö Tororöt.)

YEREMIA 22:1

Kilenchanïn ECHOTYON wïyö kö pö paytaghpa pöytoghinto Yuda aimwochï lö,

ISAYA 55:7

Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

ISAYA 10:21

Mïlonchot pipö Israel cho ngörï wölo mi Tororötïngwa nyo awes.

2 PÖYTOGHÏ 20:20

Kirote ighisyewut löwïr cho kigh Esekia nko owesyenyi nko wölo kitekta ngarpïl nko ara pögh nyo kip pögh kanasyan kitapu “Otöptino osiswo pöytoghi Yuda.”

WUWÖT 7:15

Wïyö wölo mi Parao tökwoghö, otini wetöy lalwa Nile aikany nyinte lalwa kamas, ip lïkïngu nyay kikïwaghach kïlïkwï moroy.

NEEMIA 3:16

Kïtek kareranta anka Neemia wero Aspuk nyo kile kirwokinto kareranta anka nyo pö Petsur ntökwit möt pö Daudi akïnam ngarpïlu nko kori pipö lïk.

2 PÖYTOGHÏ 16:1

Kilïkwï Aas wero Yotam pöytoghinto Yuda ompö könyi 17 ompö paytaghpa Peka wero Remalia,

ISAYA 22:10

Atolapay oyitökwa korïn lökïr cho kimi Yerusalem, anganyakwa kori walaka tonyorunö koghïn cho okïno nïyetwekwo kanasyantanoni. Akwompö wölo kyomökekwa onyorune pögh cho chang,

ISAYA 22:11

atekakwa kö pö pögh kanasyan ori nyo toköy pögh cho yinuno koto pögh nyo kipö könyisyok. Wölo melö kyayangakwa Tororöt nyo kitat könyisyok, akïsïwa lö kigha lenyoni.