ISAYA 61:2 - PIPÏLIA

² amwatïta lö kikwitïta ato pöropchini ECHOTYON pikachi, nko asis nyo tökisïyi Tororötïnyo, tökïnyorï saghsaghat pich löwïr cho riryot,

ISAYA 61:2 Referans Kwoze

MATAYO 5:4

Soyönote pich cho sönöniot, ompöwölo syonchini Tororöt chane!

ISAYA 34:8

Ato mi nyu ato söru ECHOTYON Sayon* akutökyï pungkachi ghöyityengwa.

ISAYA 57:18

“Kyasïwan wölo kipetïta chane, wölo osopan chane antöghoghchï angarak. Osoghsoghan pich cho riryot nko chane.

LUKA 4:19

atamwatïtan lö, kikwitïta ato söru Echotyon pikachi.”

1 TESALONIKE 2:16

Kimukyï chane kïtaghenecha kyomchinö pipö punton ngal cho ipchini chane sörunöto Tororöt. Kewanya chane aranoni ompö ngokikwa löwïr cho kighöy chane kïnomnyö. Wölo kechumchï ye nörekyo Tororöt chane.

YEREMIA 31:13

Pkonöy monekwa cho le tipïn akïnyal ompö ngörekyö akwigh mïrön nko poy kïturonchö. Osoghsoghan chane, awaghach sönönötengwa kïlïkwï ngörekyö, owöghökan nyörilwokökwa kïlïkwï turönö.

ISAYA 25:8

Wuröy Echotyon TORORÖT Kimuktoghin meghat kokay! Miso nyinte lok konyi pich lapay, akïchenga arasï nyo kökikuwongunö pikachi ompö ngwïny kïmïkul. Ompöwölo ECHOTYON nyinte nyo kangalan.

YEREMIA 46:10

Asisoni kï asispa Echotyon, TORORÖT Kimuktoghin, Akï asispa kitökötenyi. Mungöy nyinte pungkachi asisoni. Omöy chane ngot ntökïpïghyö akï gha kisön pö pich ntökïnyïghï mu. Ompöwölo asete ato tïghöy ECHOTYON Kimuktoghin pungkachi le kyaki amöros ompö kor nyo mi okumpö löt, atolekïtö lalwa Yuparet.

ISAYA 66:14

Ongörechokwa ato asïwekwa kïyoni kwigha. Konokwa owesyö nko porwöy cho karamach. Atolapay onkïtukwa nyu lö ani ECHOTYON nyo ongöroköy pich cho tekanïn, wölo oporchinan nörekyenyu punkachu.”

ISAYA 49:8

Akïlenchï ECHOTYON pikachi, “Kyomölyöngwokwa atanya kitökïchömunote, angarakakwa ompö asispa sörunöt. Otötonokwa olïkune muma* ompö pipö ngwïny löwïr. Apïswokwa ngat omïlonchenö korengwo, kor nyo kikechal akepïstö kïlïkwï siriron.

ISAYA 35:4

Olenchinö chi anka tïkwïl nyo kima mu, “Alïkuna nyökon, mowöghisïyi! Ngwïnöy Tororöt kïsörwokwa, akungwïn kuchop kong pungkachi.”

LUKA 6:21

Ochikwa soyönote cho amatak kömöy ye, ompöwölo kipïghyongokwa. Ochikwa soyönote cho oloksot ye, Ompöwölo onyorunekwa ngörekyö.

2 KORINTO 6:2

Mwoghöy Tororöt lö, “Kyoterunyi ompö asis kimïchinote, angarakinyi asis nyo ki pö sörunöt!” Atera nyu! Pöroyïn nyo chömunote nyete! Asispa sörunöt nyete!

ISAYA 1:24

Kïlenyona alïma kïgh nyo mwoghöy ECHOTYON Kimuktoghin, Tororöt pö Israel nyo awes lö, “Oghokunan ghöyityö wölo imitenyi, ato ngat.

ISAYA 2:12

Ighöy ECHOTYON Kimuktoghin asisoni chi anka tïkwïl nyo awes kïmïnïngitu, chi anka tïkwïl nyo kwolöy kegh akï menotyon,

ISAYA 13:6

Oteghyenö ompö ngwonïn, ompöwölo kalekïtit asispa ECHOTYON ato ipu Kimuktoghin kiwurat.

ISAYA 34:2

Ompöwölo tïng ECHOTYON nörekyö nyo wow ompö pipö punton kïmïkul. Könörekyï nyinte pipö punton löwïr cho pö lïk ompö nörekyö nyo ngwan kerwokyï chane kiwurat lömïs.

ISAYA 40:1

Mwoghöy Tororötïncha lö, “Asaghsagha asaghsagha piköchan!”

ISAYA 58:5

Kowongukwa otini okïrurekwa, akud mötöw le suswon, akarkar sarankwachtin, atö aryon kumelmel nyinte. Kïgh nyo lata nyoni so nyo okurokwa kïrurata saghat? Olentekwa ongörökan ompö kïgh nyo lenyoni?

ISAYA 60:10

Mwochini ECHOTYON Yerusalem lö, “Teköy pich cho menkïtönyinye ngat nïyetweku, akïpöghisyewunyi pöytoghikwa. Kïrkegh kyachopinyi kong ompö nörekyenyan, wölo oporunyi ye nyu chomnyenyan nko kisyonötenyan.

MIKA 3:8

Wölo nyo le ani otïngetan owesyö Tororöt nko mïkulöwu ECHOTYON nko man nko owesyö ato mwochan pipö Israel ngokikwa.

ISAYA 51:12

Mwoghöy ECHOTYON lö, “Ani nyo osoghsoghinyi. Kwompö ne tewöghenyi chi nyo meghöy, nyo möngötunye nyo kogh kïsir suswon?