ISAYA 60:3 - PIPÏLIA

³ Soru löpoyïntöngu pipö koros, pkonchini pöytoghï löpoyïntöngu nyo kayek.

ISAYA 60:3 Referans Kwoze

IGHISYEWUT 13:47

Ompöwölo lenye nyoni wölo kimwowuntecha Echotyon lö, ‘Kotöninyi lïkuna löpoyïn pö punton, atepchinö sörunöt ngwïny kïmïkul.’ ”

ISAYA 49:23

Lïku ompö akwa pöytoghï papotïn, kïlïkwï korï cho pöytoy yotïn. Kïtïngchinokwa chane akïkonyïtokwa, ipöy kegh ngwïny chane akïkïtïngchokwa. Atonkïtunökwanyu lö ochan ECHOTYON, akwanka nyo könöy kingörokut ompö ani kïmelö nyoru arasï.”

NGONGUT 21:24

Pestegho pipö ngwïny löpoyïntanyi akwipchini pöytoghi ngwïny mökosyengwa kanasyantanoni.

YOANA 12:32

Otini kakïsyolenanïn ngwïny owö parak, oghömïtyan kegh pich lapay.”

ISAYA 45:14

Kïlenchï ECHOTYON pipö Israel, “Lïku nyinkwa sïkönöto koro Misri nko Etopya, akïlïku pipö Sepa cho koghöch sekeykökwa rïpokwa chane löt kïrötote. Kïtïngöy chane ompö tawunkwa akïcham lö, ‘Omikwa nko Tororöt pö man, amöminye Tororöt anka kïpoto nyinte.

IGHISYEWUT 15:17

Atökïyar pikö walaka Echotyon nko pipö punton löwïr cho kokurön kïlïku chechu.

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.

ISAYA 49:12

Pkono piköchan koros cho lowöch, ngetuno walaka okumpö löt nko wölnö le to, kïngetunö walaka Aswan nyo mi okumpö tagh.”

ISAYA 11:10

Itu asis ato ngetuno pöytoghintö nyo rel ara Yese nyo ghyongöy kïlïku kiporunöt ompö pipö punton. Pkonöy pich kïtuyegho kanasyantenyi nyo töror akutö nyinte konyït.

TUMWÖY 138:4

Sölinyi pöytoghi ngwïny kïmïkul, we ECHOTYON, ompöwölo kalïm chane ngaleku.

TUMWÖY 68:29

ompö Kongu nyo mi Yerusalem, ipunyi nyu pöytoghï ropöw wöloni.

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

LUKA 24:47

Akï mïchini kyamta ompö kaynenyi lökoyo kötogh nko mötoghöto ngokï kitorö amtaghate Yerusalem ntökïghömï punton löwïr.

MATAYO 28:19

Ape agha pipö punton löwïr kïlïkwï kinetankachan apatisan chane ompö kaynata Papo nko Weri nko Mïkulögh nyo Tïlil,

AMOS 9:12

Atö kïmïl koro Edom nyo kingotï nko punton löwïr cho kile chichan. Mwoghöy ECHOTYON nyo ighöy ngalechï.

ISAYA 66:12

Mwoghöy ECHOTYON lö, “Okonokwa perur nyo pö kokay. Yinu sïkönöto pipö punton wölo omitekwa le lalwa nyo rotöy kömöy nko pengat. Okörekwa kegh nko monïng nyo pöghöy kame, akïnömo ewunechi ompö kïpesöyichi.

ISAYA 60:16

Pöghinyi pipö koros, pöghoninyi pöytoghï omisyo nyo karam. Inkïtunenyi nyu lö ochan ECHOTYON Sörunintengu, akï Ghetintengu, Tororöt pö Yakopo nyo awes.

ISAYA 60:10

Mwochini ECHOTYON Yerusalem lö, “Teköy pich cho menkïtönyinye ngat nïyetweku, akïpöghisyewunyi pöytoghikwa. Kïrkegh kyachopinyi kong ompö nörekyenyan, wölo oporunyi ye nyu chomnyenyan nko kisyonötenyan.

TUMWÖY 72:11

Nya kïkonyït pöytoghï löwïr nyinte akïpöghisyechï puntonï löwïr nyinte.

TUMWÖY 22:27

Nonöy puntonï löwïr ECHOTYON akïparta wölo mi nyinte, soghöy nyinte pipö ngwïny löwïr.

TUMWÖY 2:10

Kïlenyona ochïreritunö ye nyu, akwa, pöytoghï ater rirunat akwa, pöytoghi ngwïny.

TOWUNÖT 49:10

Melö wegho lïpö paytagh Yuda. Pöytoy monechi kokay ntökïtenö kungwïn nyinte nyo mïchini kïpayta, akïkïtïngchini pipö punton nyinte.

TUMWÖY 102:22

otini kötuyö puntonï nko pöytoghï löwïr, atökïsagh ECHOTYON.

ISAYA 42:6

“Ochan ECHOTYON, nyo kokurinyi ompö man, onömotoninyi egh aripinyi. Otötoninyi le muma* ompö pich ailïkwï löpoyïn ompö pipö punton,

ISAYA 45:22

“Omïlonchenö wölo omitan, akwa pipö ngwïny kïmïkul atökesörwok! Ompöwölo ochan Tororöt amöminye anka.

ISAYA 56:8

Kikuyomisï Echotyon TORORÖT nyo kimïtuna pikachi Israel kïpkana pïnotön, lö tökumïtu nyinte asïyech pikö walaka kïtuyö nko chane.

ISAYA 62:2

Sïwïyi pipö punton, we Yerusalem lö kerïntenyi! Sïwïyi pöytoghikwa löwïr ororyengu akïmïnchinyi kaynat nyo rel, kaynat nyo konu ECHOTYON nyinte.

TUMWÖY 102:16

Kïsïwïyi wölo töror ECHOTYON kïlïkwï, otini katek Sayon ngat.