ISAYA 6:5 - PIPÏLIA

⁵ Olan nyu, “Ochech nyo le ani! Ompöwölo weröy ngalyapunyan ngölyon anka tïkwïl nyo le sïmnyon nyo ongölonan, akwanyï omöngan nko pich cho ngölonöy ngölyon anka tïkwïl nyo le sïmnyon. Akwanyï ye kasïweghan konyichu ECHOTYON. Kasïwan Pöytoghin, ECHOTYON Kimuktoghin!”

ISAYA 6:5 Referans Kwoze

YEREMIA 1:6

Oyokyan nyinte lö, “Muko lö ne nya we Echotyon TORORÖT ngölyontononi? Monkïtönye ongölonöy ompöwölo tochan monïng.”

WUWÖT 6:30

Wölo kïlenchï Musa ECHOTYON, “Muköy Parao kïterwanïn lö ne akwanyï aghïgh kutinyan.”

ISAYA 29:13

Kïlö Echotyon, “Lentöy pïchï kïsoghanïn, wölo melö tïng kinyiwut ngalekwa, ompöwölo lowöch mïkuliskökwa. Tigho kegh chane dini nyo rïpöy kinetut pö pich nko otöptinekwa cho kenet kegh akelimlim.

WUWÖT 4:10

Wölo kïlenchï Musa ECHOTYON, “Echotyontenyu, melö ochan ngölonin kïngata otini le köny anta kïngata otini kengölonwaninyi, ompöwölo aghïgh kutinyan.”

ESEKEL 33:31

Akïpkonöy wölo imitenyi le ato pkonöy pung, akïtïpï tawungu le piköchan akïter ngal cho imwoghenyi, wölo melö ighöy ompöwölo poru ompö kutïwekwa lö chomöy, wölo sis wölo mi mïkulöwekwa.

WUWÖT 6:12

Wölo kïlenchï Musa ECHOTYON, “Möterwanïcha pipö Israel. Muköy lö ne Parao kïterwanïn? Ochan ngo nyu akwanyï aghïgh kutinyan?”

KIRWOKÏ 6:22

Kunkïtï nyu Kidyon lö kichï malaykayanta ECHOTYON nyini kingölonöy nko nyinte, kïlö, “Heywey! Echotyon TORORÖT! Kasïwan ye malaykayanta ECHOTYON lötok.”

WUWÖT 33:20

Memukenyinye ntesïwanïn, ompöwölo melö sïwïyanïn chi tokoch akïsöp.

KIRWOKÏ 13:22

Kïlenchï Manoa korkenyi, “Kïmeghsocha nyo mötïny, ompöwölo kakïsïwecha Tororöt.”

YEREMIA 51:57

Oghan kïtömesyö yetïntinekwa cho pö lïk nko piko lïk tömesyot tïkwïl pikökwa cho ngöghomöch nko kintöghoghï löwïr. Nyoru rïwön nyo mökïngetyonye kokay. Kamwaghan ante nyo ochï Pöytoghin, ECHOTYON Kimuktoghin kaynenyan.

ISAYA 33:17

Osïwïyekwa ngat pöytoghin ato pöytoy ompö pïchighyö akughïtoy ewunyi kïghömï woptin löwïr.

APAKUK 3:16

Kyalïman choni löwïr, amïghön kïpotananïn kut ompö kiwaghat, kunyulnyulisyanïn ko ompö orinyan, wölo oköngan asisoni pö nyarïl ompö sison, otini ngwïnöy Tororöt kuchopöy kong pungköcha.

WUWÖT 24:10

akïsïwa Tororöt pö Israel. Kimi ngwïnyi kelyechi kagh nyo chïtchït le kowo yïm.

KIYITUT 17:12

Kïlenchï pipö Israel Musa, “Kikewonyecha nyu lömïs nyu.

ISAYA 59:3

Ompöwölo kakesïmnyon ewunekwa ompö kisön akesïmnyon morikwa ompö ghöyityö. Kangalanekwa kutïwekwo putintön akïchamcham ngölyepkökwa ghöyityö.

ISAYA 64:6

Kïchicha löwïr mwokïyis, kïrkegh keghacha tïkwïn cho kakïsïwïyi lö karamach, ki ghach tïkwïl! Kïlatecha sökö cho silonchot akïkutïta yomat akwompö ngokicha.

ESEKEL 12:2

“Wero chi, imöngenyi nko pich cho le tighï cho tïng konyïn wölo merosïtocha, tïng yitïn wölo mölïmöcha kïgh ompöwölo kanyasak chane.

DANIEL 9:20

Otini kyomitan ongölonöy osoghöy akötoy ngokichu nko ngoki piköchan, pipö Israel, olokyan ECHOTYON Tororötïnyu, akwompö Yerusalem, kutïngtanyi nyo tïlil.

TOWUNÖT 32:31

Kikipusï asis atoni kingeto Yakopo Penuel, akingwolotoy ompö kichirata kompö löp.

WUWÖT 3:6

Akïlö, “Ochan Tororöt pö papongu, Apraam nko Isak nko Yakopo.” Kïkarta Musa tokochunyi, ompöwölo kiwagh kura Tororöt.

TUMWÖY 24:10

Ngo pöytoghintonï oror? ECHOTYON Kimuktoghin, nyinte kï pöytoghin nyo oror! Tum pö Daudi.

ISAYA 24:16

Kïlïmecha tumwöyi sölut cho sölöy ECHOTYON Tororöt pö Israel, cho pkono söremwok pö ngwïny. Wölo melö otïngetan kikönöt! Kyanyasan ntowonyö! Mito pich cho wïchtoy pich kuletöy tagh, akïmitoni pich cho le lïsï kuletöy tagh nko lïsengwa.