ISAYA 6:12 - PIPÏLIA

¹² Owuwan tïkwïl pich kïpa wölo low nyoman, aghan kore kïlïkwï surkwen.

ISAYA 6:12 Referans Kwoze

YEREMIA 4:29

Otini kakïlïm lö ketï pich cho pegho angoletin nko pich cho ipöy möronkit, kïtoyeghö pich kanasyan lötya! Ryöghöy walaka kïlïtöy sïkur, kïpus walaka akïwïnchï kegh ghatoy. Wuwo pich kanastin kïlïkwï kïratis, cho puryö pich cho möngöy.

KINONO KIRURUT 28:64

“Atolapay kutoyokwa ECHOTYON oghömunö punton löwïr cho mi ngwïny atopöghisyechinökwa tororötin walaka cho kikigha ket nko koghïn, cho tomönye asaghakwa anta papotïnekwa.

LOK 5:20

Kölö ne tewutyeghenechanyi nyo kogh nyo tenö nyï? Atenonechanyi ngat nya wey?

YEREMIA 15:4

Oghan chane kïlïkwï pich ighöy paytaghtina ngwïny kïmïkul kwotyö ompö ngal cho kigh Manase wero Esekia ompö Yerusalem ato ki pöytoghinto Yuda.”

YEREMIA 12:7

Lentöy ECHOTYON, “Kopïstan Israel, kataghan pikachu cho kyokïlchï kegh. Kotönön Israel mori pungkachi.

ISAYA 26:15

Kitasanyi pipö punton, we ECHOTYON, aipörogh koroskökwa ainyorunyi ororyö.

2 PÖYTOGHÏ 25:21

Kïmuny pöytoghinto Papilon chane ompö Ripla koro Amat atolapay kepar. Kïlenyona kerang nyu pipö Yuda korengwa akegh kïlïkwï pïnot.

2 PÖYTOGHÏ 25:11

Kïrang Nepusaradan pich cho kidong kanasyantanay nko söpïch pö pich cho le tïngon nko cho kökikupertegho pöytoghinto Papilon.

RUMI 11:15

Ompöwölo ato otini kitagh Tororöt chane, kumuka nyu kïnyorï ptangengmöt linyogh nko Tororöt, ekïlïku ne nyu ato kïcham chane? Sïköy söpon cho kimeghö!

ISAYA 5:9

Kalïman ECHOTYON Kimuktoghin ato lentöy, “Lïku kïratis korïn cho chang, cho echön cho pïchighöch.

ISAYA 13:12

Oghan pich cho ngötu keyar kïsir koltin, akeyar ptangengmöt kïsir koltin cho tïlilöch cho pö Opir.

YEREMIA 52:27

Atolapay kïmuny akïtïgh pïchoni pöytoghinto Papilon ompö kanasyanta Ripla nyo kimi koro Amat. Kïlenyona kikïrang pipö Yuda kïpa pïnotnön. Achï kiyitöto pich cho kirang Nepukadnesa le ratan osiswo paytaghtanyi.

SEPANIA 1:3

onyoran pich nko tyonkïn nko törit, awangan kaghagh ompö nanam. Orïntenan mwokïyis, awangan pich lömïs ompö ngwïny. Mwoghöy ECHOTYON.