ISAYA 53:4 - PIPÏLIA

⁴ Nyoman kiwongunö nyinte nyarïl nyo kile nyincha, akwip kichïrutköcha. Akimitecha kenonöy lö kitorchï Tororöt nyinte kiwongunöt.

ISAYA 53:4 Referans Kwoze

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.

MATAYO 8:17

Kigh lenyoni atökumï kwitïta lö man ngölyonto werkoyon Isaya nyo kimwa lö, “Kicheng nyinte nyörkölelyencha akïkasan sömewutköcha.”

KALATIA 3:13

Wölo kityakenecha Kristo chïpo kirurut otini kikasan nyinte chïpononi ompö acha. Ompöwölo mwoghöy Kikirut lö, “Chïpote chi anka tïkwïl nyo kiwuso ket.”

1 YOANA 2:2

Akï nyinte kï tïsöwon nyo pö ngokicha, amelö tïsöwonto ngokicha opïn, wölo cho pö pich lapay.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

EPRANIA 9:28

Kïlenye nyoni tïkwïl, kikonï kegh Kristo kïlïkwï körösyon kïnyïl akonga tökupuktö ngoki pich cho chang. Chumu nyinte nyu panto odeny amelö ngwïnöy tökunoghyechï ngokï, wölo tökïsoru pich cho köngöy nyinte.

YOANA 19:7

Kïwöghokyï pïchay pö Yaudi lö, “Kïtïngetecha kirurut nyo ato kïrïp kïmïchini kïma, ompöwölo kegh lö ochï Wero Tororöt.”

TUMWÖY 69:26

Kechop kong pich cho ketönönyi sitöt akïtösyï moyoy pich cho kighanyi kïlïkwï kot.

MATAYO 26:37

Kumït Petro nko werpö Sepedayo odeny, kïsïch nyinte nyarïl akuwongwï tya,

RUMI 4:25

Kikonï Tororöt Kristo* kungwïn kïma ompö ngokicha akututï nyinte atökeyitwecha man.

LAWIN 16:10

wölo ato artanay köpöyit Asasel ketötoy kïsatate ompö ECHOTYON atökegha linyot atolapay kuretö ntökwit surkwen wölo mi Asasel, akïpïstö.

ISAYA 53:10

Wölo ki machata ECHOTYON kuwongwï nyinte. Kïlïkwï meghenyi amöros nyo ipu lastaghpa ngokï. Sïwïyi asïyech piko arenyi akïtöpö osis cho chang, akulïtito machata ECHOTYON ompö ewunyi.

SAKARIA 13:7

Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

TUMWÖY 69:8

Kalïkwan ton ompö piköcha, amakunkïtanïnye piko konyu.

TUMWÖY 69:27

Iyityï chane ngokikwa löwïr, mekany kïnyorï sörunötengu.