Biblia Todo Logo
Bib sou entènèt

- Piblisite -




ISAYA 51:3 - PIPÏLIA

3 “Osyonchinan kanasyanta Sayon* nko pich löwïr cho möngöy kïratiskachi. Oghan kore nyo tïryal kïpïchighitu le para Eden, lïku kore wölo le surkwen para ECHOTYON. Kïnyoruno orinyi ngörekyö nko turönöt aketumo wöloni tumwöy cho sölanïn.

Gade chapit la Kopi




ISAYA 51:3
36 Referans Kwoze  

Otumö yïmwöy! Aitegh ngwïnya ompö ngörekyö! Akanya kuteghyö kutïngkotï ntökïkörerisyö otini tumöy! Soghsoghöy ECHOTYON pikachi, syonchini chane ompö kiwongunötengwa.


Ongörekyenö atum kïratischï pö Yerusalem! Söru ECHOTYON kanasyantenyi akïsaghsagh pikachi.


Omöy kor kïmïl le ato kapel ma. Karkegh korö nyo mi tawungwa para Eden, wölo tïryal lötungwa le surkwen. Möngötunye kïgh nyo mi tawungwa.


Ochömekwa nyinte, kïrkegh kötomönye asïwenakwa, aghönekwa kïrkegh mosïwïyekwanye nyinte nyete le ye. Kïlenyona ongöreksokwa ompö ngörekyö nyo pö töngönchin nyo möngölononye chi kutinyi,


Oyonan aghakat kïngeta chona kikwoghochö tökïlïmchï kegh nyo karam. Opïghyongan ntökïsïch owesyö chona könyörkölöchitunö kömöy.


Kïsyol Lot konyichi akïsïwa mpöghoghyo Yordan kïmïkul wölini kinyïghï pögh kïlïkwï, otini kitomönye kuwur ECHOTYON Sodoma nko Komora, kikarkegh nko para ECHOTYON, nyo kilata koro Misri ato kitöngöy Soar.


Mwoghöy ECHOTYON lö, “Ani nyo osoghsoghinyi. Kwompö ne tewöghenyi chi nyo meghöy, nyo möngötunye nyo kogh kïsir suswon?


Wölo atongor kïgh mötworintenyan, ato kayontan chi kïnganyta tötutköchan, oghan ngalechoni nko tötutkö kïpïntö nyo mötïny. Omwochinan ante Yerusalem lö, ‘Möngöy pich ngat oringu,’ amwochan kanastina Yuda lö, ‘Kïtekokwa ngat kïrkegh kö kyowïryekwa.’


Mwoghöy chi anka tïkwïl ato itï asisoni lö, “Tororötïncha nyinte! Kikïmitecha kekönöy nyinte, kakïsörwecha nyinte. Nyinte kï ECHOTYON! Kikïmitecha kekönöy nyinte, akemitecha ye kengörekyot aketuronchot ompöwölo kösörwecha nyinte.”


Itu asis ato otumekwa lö, “Osölinyi, we ECHOTYON ompöwölo kïrkegh kïnörekyaninyi, wölo kesaghsaghaninyi amelö tenörekyinaninyi ngat!


Oteran kïgh nyo mwoghöy ECHOTYON Tororöt, ompöwölo ngölonchini pikachi ngala pöghisyö, cho tïghöy kerïpa ortïna sölwontön.


Akïlenchï ECHOTYON pikachi, “Kyomölyöngwokwa atanya kitökïchömunote, angarakakwa ompö asispa sörunöt. Otötonokwa olïkune muma* ompö pipö ngwïny löwïr. Apïswokwa ngat omïlonchenö korengwo, kor nyo kikechal akepïstö kïlïkwï siriron.


Komtoy cho ngwolsot akudanga. Teghyot pich ompö ngörekyö cho le kïmanytin, ompöwölo yintegho pögh kor wölo le surkwen,


Iwirchinenyi chane kwenu yomat atökïkutïta chepkiriri kïtoyö. Atolapay ingörökenyi ompö ECHOTYON, ainyorchï ororyö Tororöt pö Israel nyo Tïlil.


Okönö kïgh nyo rel nyo oghan. Kïgh nyo kikwigha omukekwa osïwïye nyete le ye! Oghan ara mït nyo weröy wölo le siriron akonokwa ompö wöloni lalwatïn cho yintegho pögh.


“Nyo pö nyoman kikenyar korengu, wölo ye kikïmarikit tya, ntömelö tökïnyoru piköku cho mïlonchot wölo möngöy. Kilowito nyu wölo imitenyi pïchoni kinyarinyi.


Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.


Ongörekyenö, aturonchö kokay ompö kïgh nyo oghan. Ngörekyot pich tya ompö Yerusalem nyo rel nyo oghan akïturonchot pikachi.


Kimitenyi Eden para Tororöt, kikïmineninyi koghïn cho pö olyot nyo wow, koghi rupin nko dayamon nko topas nko yaspi, nko almon nko perulo nko soari sapira nko sumaradao nko poreket. Kikïmina tïkuku koltin. Akimi tïkuchoni kïpsach asisini kikighinyi.


Atösan pich nko kyak kïnyïghï koronï, tösisyot akïyiyö. Oghan koronï kemang le köny, awunyi nyo karam kïtïl atay le tagh, tenkïtunö lö, ochan ECHOTYON.


Akïlentöy pich, ‘Kalïkwï korö wölo kile kïratyan le para Eden akemang kanastine cho kïle kïratis aketekyï nïyet.’


Swiv nou:

Piblisite


Piblisite