ISAYA 51:2 - PIPÏLIA

² Anana kukötönkwa Apraam nko Sara nyo kiyiyokwa. Melö kitïng Apraam monïng otini kyokurön nyinte, wölo kyosoyönön nyinte, aghan kïsïch monïng cho chang.

ISAYA 51:2 Referans Kwoze

ESEKEL 33:24

Kïlenchanïn, “Wero chi, lentöy pïchï möngöy kïratis ompö koro Misri, ki chi akonga Apraam, akicheng kor kïtïl nyenyi, anyï ye kïchicha chang lïku nyincha korö nyo motïny.

ISAYA 29:22

Kïlenyona, lentöy ye nyu ECHOTYON Tororöt pö Israel nyo kisörunö Apraam nyarïl, “Melö tökïnyoru piköchan ngat arasï, melö tökworusöchitu ngat tokochwekwa ompö arasï.

TOWUNÖT 24:35

Kikuperur ECHOTYON nyoman echotyontenyan akwigh nyinte kïlïkwï monkoryon akïghetï. Ketö nyinte okwot pö kechir nko cho pö tïch nko ropïyen nko koltin nko mötwor cho le mïrön nko cho le tipïn nko tamasay nko sïkïröy.

TOWUNÖT 24:1

Kikiyosit osiswechoni Apraam kitïng könyis cho chang akökikusoyön ECHOTYON Apraam ompö tïkwïn tïkwïl.

TOWUNÖT 22:17

osoyöninyi aperurinyi. Otösan yiyengu kïchangit le kokelya yïm, le ngayam cho mi nanam. Pöytoy yiyengu kanastina punkökwa.

YOSWÖ 24:3

Kyamïtunan paponkwa Apraam lalwa Yuparet antakwagh antöghoghchan ompö koro Kanan kïmïkul atasan yiyötenyi otö Isak nyinte.

KINONO KIRURUT 1:10

Kikïtasekwa ECHOTYON Tororötïnkwa achangituna, akwanyï ye kyachangitukwa le kokelya yïm.

ISAYA 41:8

“Wölo akwa pipö Israel, cho ochï mötworichan, ochikwa pich cho kyakïlakwa, ochikwa pipö ara Apraam, mötworintenyan.

ISAYA 43:27

Kinya paponkwa nyo pö tagh kwigh ngokï, akwighwanïn tïkwïl kintöghoghikwa ngokï.

ISAYA 60:22

Yetu nyu cho mïnkech ompö akwa le pipö or okonga, kwawesit nyo mïnïng le kor nyo awes nyoman. Ochan ECHOTYON, akwotini ketï asisoni oghan nyu choni kwighisyö lawel!”

ISAYA 63:16

Ompöwölo ichinyi paponcha, kïrkegh kïmenkïtechanye kukötinecho ompö Apraam nko Yakopo, wölo nyi, we ECHOTYON nyo ichï paponcha. Nyi nyaye isörwecha kïnomnyö.

KINONO KIRURUT 26:5

Omwoghwekwa nyu ompö ECHOTYON lö, ‘Ki chi pö Aram paponyan nyo kipototö akïwö kutang koro Misri. Kitöpö wöloni le pïnotyon akïmöngisyö. Ki pich chane cho ngörï otini kitïta wöloni, wölo kïtösisyö chane tya ntökïlïkwï pipö punton cho owesöch.

ISAYA 48:1

Atere ngölyontonï, akwa pipö Israel, akwa cho opkono koro Yuda, cho owolwolo kegh kaynata ECHOTYON amwoghöy lö kïsoghöy Tororöt pö Israel, akwanyï melö osoghekwa ompö man.