ISAYA 48:6 - PIPÏLIA

⁶ “Kesïwenyi yenyu tïkwïn cho kikwighisyö, tïkwïn cho kyangoran könyisyok, mïchini achamakwa lö man ngalechan cho kyangoran. Omwowokwa ye tïkwïn cho relach cho ighisyot, tïkwïn cho kyawïngenekwa ato le tagh.

ISAYA 48:6 Referans Kwoze

NGONGUT 4:1

Kïkany kuwanta kegh ngalechï, asïwan sïwïyagh nyo pö kiyata ompö yïm. Kïlö kut nyo kichögh le kontï nyo kökangölonwanïn tagh, “Pusuna wölï toporun tïkwïn cho ighisyot nyo mötïny.”

ISAYA 42:9

Kikïpïntö ye ngala cho kyangoran. Omwowokwa ye nyu tïkwïn cho relach kïrkegh otini tomöcha kwighisyö.”

MATAYO 10:27

Ngölyon nyo omwowokwa ompö tuwïn amwatïta ompö löpoyïn, kïkany kïgh nyo olïmokwa sison amwatïtegha pörkö.

ISAYA 43:19

Okönö kïgh nyo rel nyo oghan. Kïgh nyo kikwigha omukekwa osïwïye nyete le ye! Oghan ara mït nyo weröy wölo le siriron akonokwa ompö wöloni lalwatïn cho yintegho pögh.

1 KORINTO 2:9

Wölo kïle wölo mwoghtoy Kikirut lö, “Kighchï Tororöt pich cho chömöy nyinte tïkwïn cho kitomöcha kïsïwa kong anta lïm yit, tïkwïn cho kitomöcha kïpköchï ptangengmöt.”

IGHISYEWUT 1:8

Wölo onyorunekwa owesyö otini körökyokwa Mïkulögh nyo Tïlil alïkukwa nyu söwichan ompö Yerusalem nko koro Yudea kïmïkul nko Samaria, ntökwïtïta sörömu ngwïny.”

YOANA 15:15

Melö tokuronokwa ngat mötwor, ompöwölo menkïtnye mötworintö kini ighöy echotyontenyi. Wölo kokurenokwa kongotichu, ompöwölo koyotwokwa tïkwïn lapay cho kyalïman Paponyu.

YEREMIA 50:2

“Amwatïtena lökoyechï kïghomï koros, osïtö pentera yïm, amwatïta! Amwagha, amawïny kïgh nyonikïny lö, ‘Kikerïnta Papilon, kimïgh akïnam arasï tororötïngwa Pel, potönöy tororötïngwa Merodak. Kiketyartyar körkeyïntinechay soghöy chane kunyorisyö.’

YEREMIA 2:31

Akwa we pïnwöy, atere ngölyonto ECHOTYON! Ayo, okörakegh so nko kor nyo le surkwen ompö Israel, anta kor nyo kinyïghï tuwïn? Kwompö ne nyu tökïlentöy piköchan, ‘Kighecha le wölo kakïchamta amökepkonechanye kokay wölo imitenyi!’

ISAYA 21:10

Akwa pikachu pipö Israel, kakïkatakwa le nkanun, wölo omwowokwa ye nyu lökoy cho karamach cho kalïman ECHOTYON Kimuktoghin, Tororöt pö Israel.

TUMWÖY 119:13

Omwotïteghonan kutinyu kirurutköku löwïr cho kikonunyi.

TUMWÖY 107:43

Teröy pich cho ngöghomöch ngalechï akunanata chane chomnyo ECHOTYON nyo möwöghökonye. Tum pö Daudi.

NGONGUT 1:19

Kira nyu tïkwïn cho isïwïyenyi, tïkuchï mi ye nko cho tökïpkonöy ato le löt.

MIKA 6:9

Karam chi nyo woghöy ECHOTYON, kuröy ECHOTYON pipö Yerusalem kïlenchini “Atera pïchï osupo kegh kanasyan.

AMOS 3:6

Ayo, chöghöy konti poryot ompö kanasyan, amotyonye pich? Akwityini nyarïl kanasyan ato metyorchïnye ECHOTYON?

ISAYA 48:7

Oghan ye nyu tïkwïn kwighisyö, tomönye kwigha kïgh nyo lata nyete asistanka, nyo memukenyinye mwoghe lö, ‘Möchaye nye kyasïwan chete!’

YEREMIA 33:3

“Kuranïn tongitönun tomwowun ngal cho pö töngönchin cho wïngote cho tomönye nkïtunönyi.

ISAYA 42:8

“Ochan ECHOTYON, kaynenyan nyoni, motöninanye chitö anka ororyenyu. Amelö kitöni salatenyan körkeyïntin cho kipötöy.

ISAYA 42:20

Kyalïmakwa pipö Israel ngal cho chang wölo möminye kïgh nyo kenyiwekwa! Otïngetekwa yitïn cho olïmo ngal, wölo puryö kïgh nyo kalïmakwa.”