ISAYA 47:8 - PIPÏLIA

⁸ “Tera nyu ngölyontonï, nyi nyo ichömöy tïkwïn cho ngörokini por, nyi nyo ilenchini kegh momo kïgh, ainonöy lö oköröy kegh nko Tororöt, ailö, ‘Möminye chi anka kïpoto ani. Molïkunanye kokay mïsïk amömeghenanïnye monïngö.’

ISAYA 47:8 Referans Kwoze

SEPANIA 2:15

Nka nyete kïgh nyo igho ompö kanasyantanï kip kegh yïm, nyï nonchini kegh lö, “Möminye kanasyan anka nyo karkegh nko ani.” Anyï kalïkwï yenyu kïratyan nyo möngöy tïpö wudïn. Pïrpiröy chi anka möt nyo weröy kanasyantanoni akwotyö nyoman!

ISAYA 32:9

Atera ngalechan koruchï moripöy kegh, anonekwa lö puryö kïgh nyo susokwa.

YEREMIA 50:11

Lentöy ECHOTYON, “Akwa chï kangatar tïku piköchan! Kïrkegh kongörekyö aturonchö, adangony le mösor cho könyorï suswon, ateghyö le kïrpö angole,

ISAYA 47:10

“Kilentenyi omitö ato tïghume otini kighenyi ngokiku kinonenyi lö melö kimi chi nyo kisïwïyinyi. Kimïtinyi ngöghomnyengu nko chïreryengu ara kipotöt, nka nyoni kilenyi, ‘Ochan Tororöt amöminye chi anka kïpoto ani.’

ISAYA 45:6

Nkïtu nyu chi tïkwïl kïngeta kongasis ntökwit ta, lö ochan ECHOTYON amöminye anka kokay.

2 TESALONIKE 2:4

Mölöy kïgh anka tïkwïl akïsyol kegh kïtïl kïgh nyo soghöy pich, anta nyo kïkïtïngchini kesoghöy. Lïtöy ompö Kö pö Tororöt* akïtöpö ori akwigh kegh lö ochï Tororöt.

NAUM 1:10

Kïpelöy chane le wuw pö kato, nöghyot le mopö cho kiyomö.

DANIEL 11:36

“Ighöy nyu pöytoghinto Sirya kïrïp kegh nko machatenyi. Kwolöy kegh akïsït kegh parak kïtïl tororötin löwïr. Akïtagh Tororöt pö tororötin kïngalana nyo gha. Sïkönonöy ntökwitïta asisoni, itïtoy nörekyo Tororöt.

DANIEL 5:30

Kepar Pelsyasar pöytoghinto Papilonia aghononi.

DANIEL 5:23

Kisïtönyi kegh yïm kïtïl ECHOTYON nyo pö yïm otini kakipunyi kari Kö pö Tororöt. Igheghsyeghenyi nko chönökopïrtineku nko koruku nko chemïnïngweniku, okwolökwa tororötin cho kikigha silpa nko koltin nko taghoy nko karïn nko ket nko koghi tororötin cho melö rosïtoy anta lïm kïgh anta nkït kïgh. Wölo kimekonyïtönyinye Tororöt nyo mi söpontöngu morichi nko ighisyewutköku löwïr.

DANIEL 4:30

“Arose wölo teno Papilon köny! Nyo kyatekan ompö kimukatenyan nko owesyenyan, kïlïkwï kanasyanta pöytoghin ompö ororyo paytaghtanyan.”

DANIEL 4:22

“Kï nyi we, pöytoghin ketoni kipit, aiyawesitï. Kiyetï owesyengu ntökïnam yïm akïghömï pöyunötengu ngwïny kïmïkul.

YEREMIA 51:53

Kïrkegh kïlany Papilon yïm, akïwö kïtek wölo gheto kegh, oyonchinan kinyorin kïpar nyinte.” Mwoghöy ECHOTYON.

ISAYA 45:18

Ompöwölo mwoghöy ECHOTYON, nyo kigh yïmwöy lö, nyinte kï Tororöt! Nyinte nyo kigh ngwïny kughyö kokay. Melö kigh ngwïnyinï kïlïkwï siriron, wölo kigh kïlïkwï wölo möngöy pich. Nyinte nyini lentöy, “Ochan ECHOTYON akï möminye anka.

KIRWOKÏ 18:27

Otini kumït pipö Dan tïsintonay, akïcheng tïkuchanya kigh Mika akïpa akïporyeghö Lais akïpar pïchanya kikolyönöy akïpel kanasyantengwa.

KIRWOKÏ 18:7

Kïpechï kegh pïchay ntökwit Lais, kïsïwa pich cho kimi wölini lö kimi kïtïpisot ompö kalya kïrïp kegh nko wölo kitöptoy pipö Sidon, kipöyösöy akïtïpisot ompö kalya, akimelö kikönöy lö mi tapan. Kitïng chane kïgh anka tïkwïl ompö ngwïny. Ki sïkön chane nyoman. Ki lowöch chane nko pipö Sidon akimelö kitïng kongot nko pich walaka.

ISAYA 14:14

Kilenyi opustoy parak kïsir poltoy atekara kegh nko nyinte nyo Töror Tya.

ISAYA 32:11

Komitekwa otïpisot nyo karam akï puryö kïgh nyo kesusokwa, wölo opotonchenö ye ompö mïghöt! Akarera sïrokökwo akörmön sarankwachtin.

ISAYA 45:5

“Ochan ECHOTYON, amöminye anka. Möminye Tororöt anka kïpoto ani. Okoninyi owesyö kïrkegh menkïtanïnyinye.

YEREMIA 49:31

“Anapa kegh nyu apa poryot, apara kor nyo mi payasa, nyo lïmchini kegh lö omi kalya. Mötïngnye kanastinechi kukot anta miröw cho pö körin. Töpo korononi onkït.

ESEKEL 28:2

Kïlechanïn, “Lenchinö pöytoghinto Tiro, lentöy Echotyon TORORÖT, Ikwolenyi kegh nyoman, ompöwölo ilentenyi ochï tororöt nyo töpo ngacharu tororötin ompö kwenu nanamtin akwanyï ichinyi pat chi kwïle melö tororöt kïrkegh ighanyi kegh lö ochï ngöghom le tororöt.

ESEKEL 30:9

“Oyontenan asisoni pich cho pïrtït kïpa kwotyeghö pipö Etopya cho lenchini kegh kïmi kalya. Nömöy chane tapan asis pö kinyarata Misri ompöwölo itïtoy asisoni nyo mötïny.”

DANIEL 4:4

“Kyomitan pöghisyö nyo tapïlïl ompö katanyan, angörökyini sïkönötenyu.

ESEKEL 16:49

Ghöyityö nyo kigh Sodoma, kï kikwol kegh nyinte nko tipichi, ompöwölo kitïng omisyö nyo kyomöy, akï möngöy ompö kalya, wölo melö kiyang pich cho le chopot.

DANIEL 4:27

Kïlenyona, we pöytoghin, rïpa kirurutyenyan. Pïstenö ngokï aigh man aisyonchï pich kikïpïr. Töptoy ana ketösunyi osiswo pöghisyö.”

NAUM 3:4

Munginyi Tororöt we Ninawi, ompöwölo kötöpenyi le chepores, keminanyi kegh ipïchighitï aitïng sakït cho molilöy pich. Atolapay imolilönyi pipö koros aigh kïlïkwï sekeyiku.

APAKUK 1:7

Ighöy chane mïkulis pö pich kïmïghyö akïpotonchö akïkwol kegh ntökunan lö möminye kïgh nyo ighöy chane nyo lelate.