ISAYA 42:7 - PIPÏLIA

⁷ ateyata konyi chepkarotin, aiyatïta pich cho kikïkörchï chela cho mi wölo tuw, kïpechï kegh.

ISAYA 42:7 Referans Kwoze

ISAYA 61:1

Kenyïghitanïn Echotyon TORORÖT Mïkulöwunyi. Kakïlanïn nyinte akïyontanïn opchï mey lökoy cho karamach, asop cho kimeghö mïkulis, amwatïta kityakata pich cho rötote nko kityakat nyo pö pich cho mi chela,

ISAYA 49:9

Olenchinan pich cho le mampustin, ‘Ochikwa tyokote, opechinö kegh,’ alenchan pich cho mi tuwïn, ‘Apkana wölo mi löpoyïn!’ Nyoru omisyö ompö wölini kapa, kïrkegh kapa wölo le komos.

ISAYA 35:5

Atakemï kegh konyi chepkarotin kurosïta, akegh cho mingote kïyotisyö yitïn.

2 TIMOTEO 2:26

Ompö atoni muköy kïyotisyö chane mötöwo, atolapay kumï kïchïwïtyeghö ngöghöpo Onyöt nyo kikakïnam chane akwigh kïrïp machatenyi.

MATAYO 11:5

Kerosïta chepkarotonoy akïpesïta pich cho ngwolsot, kakesop pich cho amate psenkwet, kalïm ngal cho le cheminytin, kakigh cho kökimeghö kututï akyomchï mey Lökoy cho Karamach.

LUKA 24:45

Atolapay kïyat mötöwekwa tökïpköchï Kikirut

NGONGUT 3:18

Nyo kanya orurin ye nyu lö, alenanïn koltin cho kikiwunö ma atelïkuna sïkön, aiyal ngat sïra nyo rel nyo iloköy tökuyen arasingu nko chïrutyengu aiyal ngat sakïtya konyïn, atemuka rosïtena.

YOANA 9:39

Kïlenchï Yeso, “Kangwïnan ngwïnyinete atorwokyï, atökumï chepkörotonoy kurosïta, kïwöghökisyö cho rosïtoy kïlïkwï chepkarotin.”

ISAYA 29:18

Ato itï asisoni, kumï nyu chi nyo mingate kïlïm ngal cho kisomönuno kitapï, akïyotisyö konyi chepkarotin, cho kimöngöy wölo tuw akurosïta.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

ISAYA 9:2

Kasïwa löpoyïn nyo wow pich cho kipegho tuwïn. Pich cho kimöngöy koro tuwïn nyo kiwur, wölo kelïwchï chane löpoyïn.

2 KORINTO 4:6

Ompöwölo Tororötini nyo kimwa lö, “Nya kulïwunö löpoyïn tuwïn,” nyoni lïwchini mïkulöwecha tökïkonecha löpoyïn pö kinkïtöt nyo pö töroryo Tororöt nyo lïwuno tokochu Kristo.

ISAYA 42:22

Wölo ye kakïchora pikachi tïkwïn, akekörchï chane wölo tuw aketorchï chelen. Karkegh nko tïkwïn cho sökosöy tyompö wudïn, akïpuryö nyo söru chane. Kakïnam wölo melö mi chi nyo lentöy, “Osörunö!”

ISAYA 42:16

“Ontöghoghchinan pikachu cho köryote, kuwer ortïn cho kimenkïtcha chane. Owöghökan tuwïn ompö chane kïlïku löpoyïn, aghan kor wölo weröy chane kïtïlyönglyöngit. Kiyomisutköchan choni, alïtitan nyo mötïny.

YOANA 9:7

akïlenchï, “Wïyö mwatena konyiku takarya Siloam.” (Ato kïwaghach kaynanoni kelentöy, “Nyo kïyontoy.”) Kïlenyona, kïwö chepkarotnay akuwun konyichi akïmïla kurosïtoy.

MIKA 7:9

Omïkukönan ompö nörekyo ECHOTYON ompöwölo kyoghchan nyinte ngokï ntökïtenö kïporyeghwanïn akïlöstoghwanïn. Ipkanïn sany wölo mi löpoyïn asöwintönchan sörunötenyi.

TUMWÖY 97:7

Nyoru arasï pich löwïr cho soghöy körkeyïntin, chane cho wulo kegh tïkwïn cho puryö kinyiwut. Nya kïsagh tororötinö tïkwïl ECHOTYON.