ISAYA 42:3 - PIPÏLIA

³ Mörïngönye nyinte solyon nyo kikukömpolö anta mis kitampi nyo kikulingata. Ipchini pich löwïr kirwoko man.

ISAYA 42:3 Referans Kwoze

ESEKEL 34:16

“Oyörotenan nyo kepot, ayokï nyo kamasta, asop nyo kömïrö arosöy nyo le chankulan orosan nyu nyo akwagh akï tïyam oyokuyenan chane man.

MATAYO 11:28

“Opkonchanïn pich löwïr cho osusöy kegh nko nïkisïntin atomunywok.

YEREMIA 31:25

Oyonan aghakat kïngeta chona kikwoghochö tökïlïmchï kegh nyo karam. Opïghyongan ntökïsïch owesyö chona könyörkölöchitunö kömöy.

ISAYA 40:11

Yokwïyi nyinte kechiryechi le mösöwon, ghömïtöy nyinte wareko kechiryechi akïkasan chane ompö puwayichi, akïrang kamati kïpa mut.

TUMWÖY 147:3

Sopöy pich cho kimeghö mutïnö akïrat moyokökwa.

YOANA 5:30

“Moghanye kïgh nyonikïny ompö owesyenyu kegh. Orwokyinan kïrïp kegh nko ngölyonteto Paponyan, kïlenyona kutenate kirwokötenyan, ompöwölo moghanye kïle wölini komöktonan ante, wölo oghan kïkarkegh nko machata nyinte nyo kiyokwanïn.

NGONGUT 19:11

Atolapay asïwan yïm kïyata, atanganyan asïwa angole nyo rel. Kikïkuro chichinö kiwegho angolenoni, “Nyo ghanate akï pö man.” Rwokyini nyinte pich ompö man akïsetöy kïporyegho pungkachi.

ISAYA 50:10

Ngo ompö akwa nyo konyïtöy ECHOTYON nya? Akï ngo nyo rïpöy ngaleko mötworintenyi? Kïrkegh kötuw lö ne or nyo orïpekwa wölo aghanakwa ECHOTYON, otighenö kegh Tororötïngwo.

TUMWÖY 98:9

Otumenö tawu ECHOTYON ompöwölo kengwïn kurwokyï ngwïny. Rwokyini nyinte ngwïny ompö man akïpayta pich ompö kitenat.

TUMWÖY 96:13

atomïla ECHOTYON atökïpayta ngwïny. Pöytoy pipö ngwïny ompö man nko kitenat.

YOANA 20:27

Atolapay kïlenchï Tomas, “Tönö morïku yi airos morichan aighïtö ewungu aitatap karasunyan. Pïstenö tomtomönöt, aighan!”

MIKA 7:9

Omïkukönan ompö nörekyo ECHOTYON ompöwölo kyoghchan nyinte ngokï ntökïtenö kïporyeghwanïn akïlöstoghwanïn. Ipkanïn sany wölo mi löpoyïn asöwintönchan sörunötenyi.

ISAYA 66:2

Ani kegh nyo kyagh wölnö le mïröt kïmïkul! Ochan ngarakate ompö pich cho ipöy kegh ngwïny akïkötoy lelutkökwa akuwöghanïn akïterwanïn ngalechu.

ISAYA 50:4

Kikonanïn Echotyon TORORÖT Kimuktoghin ngalyap, nyo omukan okil pich cho kikwoghochö. Konanïn makat tökwoghö anka tïkwïl, atamuk alïm kïgh nyo mököy kunetanïn.

MATAYO 12:20

Meriyönye techan nyo kömpol amemisönye kitömöwon nyo ighönöy ntökïtenö kwipï kirwoko man kïrinta.

TUMWÖY 54:5

Nya kutökyï chane ghöyityengwa. Wanga chane ompöwölo kitwoytoninyi kegh.

TUMWÖY 94:15

Tuyot ngat kirwokötö nko man, atökïrïp pipö man.

ISAYA 9:7

Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

ISAYA 42:2

Melö teghöy anta chögh rira ompö ortïna kanasyan.

ISAYA 2:4

Linyot koros cho ororöch, akïsat pich cho chang. Tongöy chokonikwa kïlïkwï mökompöy, akutang ngötwekwa kïlïkwï rotwoy cho kïköso pagh. Amelö tökïpöröy kegh ngat koroswö, amelö tökïsetöy ngat kokay.

ISAYA 63:1

Ngo chitö nyï ngwïno kanasyanta Posra ompö koro Edom? Ngo nyinte nyï loköy sïro cho pïchighöch, cho pïröch, mi kukelu ompö wowïnto owesyenyi? Ani ECHOTYON nyete, nyo otïng owesyö osörï.