ISAYA 41:2 - PIPÏLIA

² “Ekï ngo nyini kimïtuna chi nyo awes kongasis, akwigh nyinte kïrïnta pungkachi ompö woptin löwïr? Ngo nyini töni nyinte owesyö nyo rïntegho pöytoghï nko pipö punton? Pöro chane chokenyi kïtïryalit le terïtyon. Toyegho chane kotichi le mopö cho kakut yomat.

ISAYA 41:2 Referans Kwoze

ISAYA 45:1

Lenchini ECHOTYON Sayras nyo kikïl kïlïkwï pöytoghin, “Kokoninyi owesyö rïntena koros cho mi tawungu, ikwönteghonyi pöytoghï ngöcherwekwa pö paytagh. Oyotunyi ante ECHOTYON ortïna kanastinekwa.

2 SAMWEL 22:43

Kyangaghan chane le pïsya, kyatïkan chane le nyïngwïny cho mi or.

ISAYA 46:11

Okuran chi kungwïna kongasis, nyo wokini kïgh ompö ngwïny le sirörö atökupuntö kïgh nyo kyatatan. Kangalanan akwigho lenyini.

ISAYA 41:25

“Kakïlan chi nyo möngöy kongasis, oyonunan nyinte kupokinokwa ompö okumpö löt. Tïkotoy nyinte pöytoghï le norayon, kïle wölo idoy ighinto tören mönö.

ISAYA 40:24

Kikongityot chane nko onkïy cho nyörkölöl cho kötökïpitöy ighin. Nyo otini kakutï ECHOTYON yomat, kïyomö akekutïta le mopö.

ESRA 1:2

“Kamwa Sayras pöytoghinto Pasya lö, kikonanïn ECHOTYON Tororöt pö yïm apayta ngwïny kïmïkul, akïmwowanïn otekyan nyinte konyi ompö Yerusalem nyo mi koro Yuda.

ISAYA 45:13

Ani kegh nyo kangetnet Sayras kwigh kïgh, atökupuntö machatenyan kïpïntö, akïsat tïkwïn cho kighachitu kuten. Oghïtonan or anka tïkwïl nyo wegho nyinte. Teköy nyinte ngat kanasyantenyan Yerusalem akutyak piköchan cho rötote. Möminye chi nyo kal nyinte anta nyo ketö ropöw tökwigh ighisyononi.” Mwoghöy ECHOTYON Kimuktoghin.

2 OTÖPTINO OSIS 36:23

Mwoghöy Sayras pöytoghinto Pasya lö, “Kikonanïn ECHOTYON Tororöt apayta ngwïny kïmïkul akïmwowanïn atekyï nyinte kö ompö Yerusalem nyo mi koro Yuda. Ye nyu chi löwïr nyo ichï chi pö ECHOTYON kïtöpö ECHOTYON Tororötïnyi nko nyinte, akany kïwö.”

EPRANIA 7:1

Ki pöytoghinto Salem Melkisedek aki tïsinto Tororöt nyo Töror Tya. Kituyö nyinte nko Apraam otini kimïlegho poryot nyo kipara pöytoghï angwan, kusoyön Melkisedek nyinte.

2 PÖYTOGHÏ 13:7

Melö kitökïtïng Yeoaas pipö lïk cho kingötï, kïpoto pipö angoletin 50 nko nkaritin nko pich 10,000 cho kipegho kelyon, ompöwölo kökikïpar pöytoghinto Sirya walaka, akïtïkatïk le terïtyon.

TOWUNÖT 17:1

Otini kitïng Apram könyis 99, kuchumchï ECHOTYON akïlenchï, “Ochan Tororöt Kimuktoghin. Tekanïn aitöpö kïpuryö kigheghchin ompö ani.

TOWUNÖT 11:31

Kumït Tera werïnyi Apram nko Lot kukötanyi nyo kile wero Aran nko potïchtanyi Saray koko Apram. Kïwuwö wöloni chane lapay le Ur nyo pö Papilonia kïpa kutang koro Kanan. Wölo otini kitïta chane Aran, kïtïpï wöloni.

NGONGUT 7:2

Asïwan malaykayan anka nyo kipusuna kongasis nyo kitïng macheypa Tororöt nyo satate. Kïlenchï malaykenichay le angwan kitö Tororöt owesyö kunyar ngwïny nko nanam,

NGONGUT 16:12

Atolapay kïmïlchï malaykayanteto mut nko akonga tïkwïn cho kimi pakulinyi paraku lalwanay wow kïkuro Yuparet. Kïteny lalwanay, atökïrumchï or pöytoghï cho kipkono kongasis.

ISAYA 41:3

Rïpotoy akïyonotoy ntökïlït akïwö wölo tïghume, wetöy lawel nyinte nyo möswongönye kelyechi ngwïny!

ISAYA 42:6

“Ochan ECHOTYON, nyo kokurinyi ompö man, onömotoninyi egh aripinyi. Otötoninyi le muma* ompö pich ailïkwï löpoyïn ompö pipö punton,

ISAYA 48:15

Ani kegh nyo kyongölonchï akur nyinte. Kyontöghoghchan nyinte asoyön arenyi.

LOK 1:15

“Kisas Echotyon nyökon pö piköchan cho pö poryot, akïyonï lïk nyo kingwïn kïpar piköchan cho le chumwak Kitïghotïgh piköchan cho pö Yuda le matay cho kïtïgho könö.