ISAYA 40:2 - PIPÏLIA

² Okilö pipö Yerusalem omwochinö lö, “Kikuwongwï chane nyo kikumuchö akakelöstoghchï ye chane ngokikwa. Kachopan kong chane kïmïchï ompö ngokikwa.”

ISAYA 40:2 Referans Kwoze

SAKARIA 9:12

Akwa we pïnot cho otïng kikönöt, omïlisyenö osorunö wölo oghïpcheghoy. Omwowokwa ye nyu lö, Kyonyorukwa nyörilwok cho chang, wölo osoyönokwa kïnyïl odeny ompö choni.

ISAYA 61:7

Wonyot atoni arasinkwa nko kiratat nyo kikonokwa pich, omöngekwa nyu korengwo kegh, aketösöy sïkönötenkwa kïnyïl odeny. Pöyitu ngörekyenkwa kokay.

OSEA 2:14

Kilenyona nyu, owetan olïsolïsöy nyinte, amït kïwö surkwen, angölonchï nyinte ompö tölosyö.

NGONGUT 18:6

Oghchinö Papilon le wölo kighchï pikö walaka, mïchini ompö oghokyinö nyinte cho ghach tya kïnyïl odeny chinö kighchï pikö walaka. Ayina kölöwenyi kumïn cho ngwonöch kïnyïl odeny chinö kiryökï pikö walaka.

YEREMIA 16:18

Otökan chane kïnyorï ngwonïn kïnyïl odeny ompö ngokï nko lelutkökwa cho kesïmnyon korenyan kïghaghit otï kenyïghit tororötino putintön cho mötïng söpon, karkegh nko muntïruch.”

ISAYA 44:22

Kamistan ngokiku kïtuyö le polta. Mïlena wölo omitan, ompöwölo ani nyo kosörwokwa.”

ISAYA 43:25

Ani ante onkït nyo ochï Tororöt nyo löstoghchini pich ngokikwa. Oghan lenyoni ompö kaynatenyan kegh, amelö torwokyinokwa ompö ngokikwo.

APAKUK 2:3

Ompöwölo tökïköngöy ngongutyononi osiswechi cho kikïtat. Wölo kelu asisoni lawel akungwïnöy kïyoni oporunyi kïlïku man. Kïkany ato lentöy chi keropï, wölo kanganyi itu nyo mötïny, meropunye.

YEREMIA 29:11

Ompöwölo onkïtön ante ECHOTYON tötut nyo otötwokwa, tötut cho pö köromnyö, melö cho pö ghöyityö. Tötut cho konokwa kikönöt nko köromnyö ompö osis cho pkonöy.

ISAYA 35:4

Olenchinö chi anka tïkwïl nyo kima mu, “Alïkuna nyökon, mowöghisïyi! Ngwïnöy Tororöt kïsörwokwa, akungwïn kuchop kong pungkachi.”

IGHISYEWUT 1:7

Kïlenchï chane, “Melö parakunkwa onkïtunö osis anta könyis cho kitat Paponyan ompö owesyenyi kegh.

DANIEL 11:35

Potyot nyu pïchay ngöghomöch walaka atöketïlil pich akemwat akegh chane kïrelachitu ntökwitïta asispa söröm ompöwölo tomönye kwitïta asisini kikekïl.

ISAYA 12:1

Itu asis ato otumekwa lö, “Osölinyi, we ECHOTYON ompöwölo kïrkegh kïnörekyaninyi, wölo kesaghsaghaninyi amelö tenörekyinaninyi ngat!

KALATIA 4:4

Wölo otini kitï asisoni kikyomchï ngamata, kïyonï Tororöt Werïnyi kegh nyo kiyï korka kïrïp kegh nko kirurut pö pipö Yaudi,

ISAYA 49:25

Mölyöngu nyu ECHOTYON lö, “Nka nyoni kïgh nyo igho, kïsöro askaryan mampustin akerit tïpö chi nyo kolkol. Oporyeghonan chi anka tïkwïl nyo poryeghenokwa asörunan monekwa ompö morikwa.

ISAYA 33:24

Melö tökelïmöy chi ngat nyo ngölon kichïr ompö korencha, akelöstoghchini pich löwïr ngokï.

TUMWÖY 32:1

Soyönote chi nyo kakelöstoghchï ngokichi akikengongoghta lelutkachi.

SAKARIA 1:15

Ochan narekat nyoman ompö punton cho kimang kïkalyan, ompöwölo nko kimïnïng sitöt nyo kyotönön piköchan, wölo kipka puntonï kïtas kïyetï tya.

DANIEL 12:9

Kïlö, “Wechinö kegh Daniel, ompöwölo kikeror ngalechï, akekar ntökwitïta asispa söröm.

DANIEL 12:4

“Wölo nyi Daniel, rora ngalechï, aikar kitapu ntökwit asispa söröm ompöwölo ryöghöy cho chang wöl nko wölnö akïtöso chïreryö.”

DANIEL 9:12

Kighanyi lenyini kimwaghanyi lö, oghwecha nko pöytoghicho, kitönönyi sitöt nyo wow Yerusalem nyo möminye sitöt nyo kimungenyi asistanka ngwïny kïmïkul, nyo lenye nyoni.

DANIEL 9:2

Kyosomönön kitapun ompö könyi tagh nyo pö paytaghtanyi, kïpköchanïn ngala cho kimwochï Tororöt Yeremia lö, weröy könyiswö cho le 70 akïtö kï kïratyan Yerusalem.

YEREMIA 17:18

Kanya kïnyorï arasï pich cho chopanïn kong, wölo iripante monyorï arasï, we ECHOTYON. Wirena chane potana, wölo iripo monyorï potana. Ipchinö chane nyarïl aityakatyak chane kïlïkwï terït.

2 OTÖPTINO OSIS 30:22

Kïngalan Esekia kutö mïkulögh pipö Lawi löwïr cho kiporï tïnganat nyo karam ompö ighisyo ECHOTYON. Kwam pich omisyo ichon osis mut nko odeny, akutötoy amörostino ropöwo kalya kuyokyini sörö ECHOTYON Tororöto papotïnekwa.

TOWUNÖT 34:3

Wölo kïlö aros kipïchighit nyoman Dina. Kïwechï kïchamacham chepay pö Yakopo.

ISAYA 6:7

Kïswanga kutinyan ngösötonay akïlö, “Kaswany ngösötonï kutingu, kakechengeninyi ye ghöyityengu akelöstowunyi ngokiku.”

ISAYA 14:3

Otini ketö ECHOTYON pipö Israel kimïny ompö kichopata kong nko nyarïltangwa nko sekeynönenkwa,

ISAYA 53:5

Wölo kikitwarï kïkarerana por mungö nyinte ngokicha, kikïmungö ngokï cho kikighacha. Kakïsöpchecha ompö kichopat nyo kiwongunö nyinte, akesöpchchecha nyu ompö kitwarunatenyi.

ISAYA 53:6

Kïkörecha kegh löwïr nko kechir cho kepotyö köwö chi anka tïkwïl ompö acha orenyi. Wölo ketö ECHOTYON parakunyi ghöyityo chi anka tïkwïl ompö acha.

ISAYA 54:15

Ato poryegheninyi chi, kïporyegheninyi nyinte amelö ani nyo ochömchini. Melö rïntoninyi chi anka tïkwïl nyo poryegheninyi.

ISAYA 54:17

Wölo medonekwanye kïgh karichoni. Onyorunekwa kïgh nyo omwochini pïchoni rwokyinokwa. Oghetan mötworichu, atö chane rïntagh.” Mwoghöy ECHOTYON.

ISAYA 55:7

Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

ISAYA 66:13

Osoghsoghokwa, ompö Yerusalem le ato soghsoghöy korka montanyi.

YEREMIA 51:10

Kïlo pipö Israel “Kikutökisyö ECHOTYON, akwighchï pipö Papilon lenyini kighwecha! Apkana kepe kemwatïtena ompö Sayon* ighisyewut cho pö ECHOTYON Tororötïnyo!”

LOK 4:22

Kikemuny Sayon ompö ngokichi akikumuchö melö tökerongecha ngat kepe pïnotön wölo melö lenyoni ompö nyi we Edom, tökïsis kïmunginyi ECHOTYON ngongu nyinte ngokiku kipka sany.

ESEKEL 16:42

Wonyot nyu nörekyenyan ompö nyi, akuwonyö sastaghnatenyan ompö nyi, akalyanan amelö tonörekan.

SAKARIA 1:13

Kuyokyï ECHOTYON ompö kut nyo karam akutö kikönöt.

TUMWÖY 85:3

Kichengenyi chane nörekyengu kïmïkul aipörchinyi patagh nyölotyengu nyo ngwan.

OMTOGHIN 3:4

ato kïrirsot nko ato kïrorïsot, ato kïriröy nko ato kïnyolöy,

ISAYA 27:9

Wölo kïlöstoghchini pipö Israel ngokikwa otini kewany chane kïngagh koghi tïsöwo pipö punton kïkarkegh nko pïsya amelö tökïmi ngat koghïn cho ngötu cho kïpelo tïsöw anta körkeyïntin cho pö tororötnay le karka kïkuro Asyera.*

ISAYA 51:17

Chïkana, we Yerusalem! Kutkutö kegh, ainget! Kegheghanyi kölöwo ECHOTYON nyo pö kiwongunöt nyo kikoninyi ghegha ompö nörekyenyi. Kewisanyi aikwangkwanga le ptamasyan.

OSEA 2:16

Kuranïn nyu nyinte asisoni lö, “Chitanyu.” Amelö tökïkuranïn ngat, “Paaltanyu.”

SEPANIA 3:15

Kikïmolchï ECHOTYON kamas kirwok nyo könöminyi, akutul pungkökwa löwïr, ompöwölo mi ECHOTYON, pöytoghinto Israel kwenunkwa, möminye nyu kïgh nyo ighokwa owöghisyenö ngat.