ISAYA 39:2 - PIPÏLIA

² Kïtak Esekia pïchay akuporchï chane wölo kisïkön nyinte kïlïkwï silpa nko koltin nko köröstin cho kïpelöy kïngutö nyo anyïn nko mwowöy cho ngutoy cho onyïn nko karichi löwïr cho pö lïk. Melö kimi kïgh nyo kituch nyo melö kiporchï chane.

ISAYA 39:2 Referans Kwoze

2 OTÖPTINO OSIS 32:31

Otini kiyokwï pöytoghi Papilon pich kïpka kïtep nyinte ngala töngöchin nyo kigha ompö korononi, kïpïstö Tororöt nyinte onkït kïkarkar atökunkïtï kïgh anka tïkwïl nyo mi mïkulöwunyi.

2 OTÖPTINO OSIS 32:25

Wölo metönye Esekia ECHOTYON sörö ompö ngal cho karamach cho kikighchï nyinte ompöwölo kikwol kegh. Kïnyorï nyinte sitöt akïnyorï pipö Yuda nko pipö Yerusalem.

YEREMIA 17:9

“Lïsin mïkulöwu ptangengmöt kïtïl kïgh anka tïkwïl, möminye wölo kisoptoy. Ekï ngo nyo muköy kunkïtu?

AYUPU 31:25

Ayo, kyongörökyan so sïkönötenyan nyo wow, anta kyomenön lö könyorï ewunechan tïkwïn cho chang?

2 KORINTO 12:7

Wölo kikïkonanïn kichïrpa por nyo lata kata atömotöp ntökwighanïn ngalechoni echön kikïngongwanïn atamas. Pöghisïyi kichïrnoni le kïgh nyo köyonï Onyötö kïmunganïn atökïpïranïn atömotörorön kegh tya.

OMTOGHIN 7:20

Möminye chi pö man ngwïny nyo ighöy nyo karam amegh ngokï.

NGÖTÏNYÖ 4:23

Irip mïkulöwungu nyoman kïtïl kïgh anka tïkwïl ompöwölo kosuno orinyi pögho söpon.

2 OTÖPTINO OSIS 32:27

Kitïng Esekia sïkönöt nyo wow nyoman nko konyït akirorchï kegh kaplawachtin cho pö silpa nko cho pö koltin nko cho pö köghïn cho pïchighöch nko cho pö tïkwïn cho ngutoy cho onyïn nko cho pö longoy nko cho pö karï walak löwïr cho pö olyot nyo wow.

2 OTÖPTINO OSIS 9:9

Atolapay kutö pöytoghintononi le korka kingwïno Syepa pöytoghin Solomon koltin cho le kilen 4,000 nko tïku walak cho chang cho ngutoy cho onyïn nko köghïn cho pö olyot nyo wow. Kimöminye tïku walaka cho kingutoy cho onyïn le choni, kipchï kokononi kingwïno Syepa pöytoghin Solomon.

2 OTÖPTINO OSIS 9:1

Otini kilïm pöytoghinto Syepa nyo kile korka ororyo Solomon kungwïn Yerusalem kïtyam nyinte ompö teput cho ongeröch, kingwïnöy kokononi nko söpïch nyo wow akirongu tamasay cho kikösönu tïkwïn cho ngutoy cho onyïn nko koltin cho chang nko koghïn cho pö olyot nyo wow. Otini kirel wölo mi Solomon kïmwochï ngal löwïr cho kitïng ompö mïkulöwunyi.

2 PÖYTOGHÏ 20:13

Kïtak Esekia pïchay akuporchï sïkönötenyi, kari silpa nko koltin nko tïkwïn cho ngutoy cho onyïn nko mwowöy cho pö olyot nyo wow nko wölo kïrorchini kari lïk. Melö kimi kïgh nyo kituch nyo melö kiporchï chane.

1 PÖYTOGHÏ 10:25

Kingwïn chi anka tïkwïl nko ropöwechi wölo mi nyinte. Kipï chane: kari silpa nko koltin nko sïro nko kari lïk nko tïkwïn cho lata köröstin nko angoletin nko sïkïröy.

1 PÖYTOGHÏ 10:15

kïmi nko surï cho kinyoruno mïnchïrïs pö pöytoghi Arapia nko cho pö pöytoghi walaka cho pö koroswo pipö Israel.

1 PÖYTOGHÏ 10:10

Atolapay kïropchï kokonay le pöytoghin pö Syepa Solomon tïkwïn cho kipuno korenyi. Kingata nïkisyengwa kilen 4,000 cho pö koltin nko tïkwïn cho ngutoy cho onyïn cho chang nko sanay cho chang cho pö olyot nyo wow tya. Kitomönye kïnyorï pöytoghintö Solomon tïkwïn cho ngutoy cho onyïn cho teno choni.

1 PÖYTOGHÏ 10:2

Kirutö nyinte nko mötwor cho chang akirongöy tamasay cho kipöy tïkwïn cho ngutoy cho onyïn nko koltin nko sanay cho pö olyot nyo wow. Otini kituyö nyinte nko Solomon, kïtep kokonay teput cho chang cho teno cho kinan nyinte.

1 YOANA 1:8

Ato kïmwaghacha lö mökïtïngetechanye ngokï, kïkakïlïsacha kegh achane, akï möminye man orincha.