ISAYA 32:11 - PIPÏLIA

¹¹ Komitekwa otïpisot nyo karam akï puryö kïgh nyo kesusokwa, wölo opotonchenö ye ompö mïghöt! Akarera sïrokökwo akörmön sarankwachtin.

ISAYA 32:11 Referans Kwoze

ISAYA 3:24

Itu nyu asis ato, nyinö köteyilo kegh pich mwagh nyo anyïn, kworöritu chane, nyinö kötöroto kegh mu angwoy kïrata kegh pörköy, nyinö köteghöy putekwa kïpïchighitu, kïlïkwï palurtin, akïnyinö köteloköy sïro pö katani, kulak sarankwachtin. Wöghöko pïchighyengwa kïlïku arasï!

YAKOPO 5:5

Kotïpikwa ngwïnyinï ompö pïghyöny nko ngarakat nko nyo pö pïrchin nyo gha. Kapaghakwa kegh, atonöryenö atïpï kïpsach ompö asispa yengsyö.

OSEA 2:3

Kïkany ato möpïstönye, ochïrutan nyinte kïtöpo lenyini kingwïna muyeto kame. Oghan nyinte kïyam le kew oghan nyinte le surkwen, opörenan nyinte maral.

YEREMIA 49:3

“Akwa pipö Espon, osönönchenö! Ompöwölo kikewur kanasyanta Ai! Akwa tipö Rapa, okörmönchinö kegh sarankwachtin ariryö, otïpökpokö olïtöy köser. Ompöwölo kikewï tororötïnkwa Milkom, kikewï nko tïsichi nko mötworichi.

YEREMIA 6:26

Lentöy ECHOTYON, “Akwa pikachu, alaka nyu sarankwachtin, amelmel aryon. Oriryenö le chi nyo riröy megha werïnyi nyo le akonga kïpoto, ompöwölo chumwokwa lawel kiwurintö!

YEREMIA 4:8

Kïlenyona, alaka sarankwachtin asönön ariryö, ompöwölo tomönye kïpïstecha nörekyo ECHOTYON nyo ngwan lakat.”

ISAYA 33:14

Wöghisïyi mwokïyis cho mi Sayon. Potonchot chane ompö nyökoryö, akïmi kïlentöy, “Karkegh kirwoko Tororöt nko ma nyo nöghöy kokay. Ekïngo ompö acha nyo muköy kïngötuno ma nyo lata nyoni?”

ISAYA 20:4

Rötöy pöytoghintö Asirya pikö koroswechoni le odeny kïlïkwï mampustin akïrang chumwak nko poy kïpa kïchïrutöch kimeloköcha kwegh akulak sïro cho mökörtonye löpisöy, ompö arasï nyo pö pipö Misri.

ISAYA 15:3

Akulach sarankwachtin pich cho kipestegho ortïna kanastin. Kiriryeghö pich kwenu kanasyan nko paraku korïn wölo le pörkö.

ISAYA 2:21

Ghïpchegho pich pïrïmpot nko kö pönot cho mi ghatoy atoni ngwïnöy ECHOTYON kutimtimöy ngwïny atökïchïwïtyeghö nörekyenyi, akïwïnya kegh wölo mi owesyenyi nko ororyenyi.

ISAYA 2:19

Pertoy pich nyu kïpetöy kïghïpcheghö köpönot anta pïrïmpot cho mi ngwïny kumukyï kïchïwïtyeghö sïnyoryo ECHOTYON nko owesyenyi nko ororyenyi nyo itu otini ngwïnöy nyinte kutimtimöy ngwïny.

KINONO KIRURUT 28:48

Kïlenyona ye nyu opöghisyechinekwa punkökwo cho yoku ECHOTYON kïporyeghö ompö kömöy nko maral. Opetekwa kïchïrutöch akïrörchinokwa kïgh anka tïkwïl. Chopokwa kong ECHOTYON akuwangekwa lömïs.

TUMWÖY 123:4

Kikekamaghacha nyo kogh sasa monkor akïsïngwïltecha pich cho le menot. Tum pö Daudi ato kïpustoy Yerusalem.

ISAYA 22:12

Kimi Echotyon, TORORÖT Kimuktoghin kïkurokwa asisoni lö oriryenö ateghyö ompö nyarïl, angwïl mötöwekwo alak sarankwachtin.

ISAYA 47:8

“Tera nyu ngölyontonï, nyi nyo ichömöy tïkwïn cho ngörokini por, nyi nyo ilenchini kegh momo kïgh, ainonöy lö oköröy kegh nko Tororöt, ailö, ‘Möminye chi anka kïpoto ani. Molïkunanye kokay mïsïk amömeghenanïnye monïngö.’

AMOS 4:12

Kïlenyona lenye nyu nyoni wölo odonekwa we pipö Israel agha kegh nyu taryama nko Tororötïngwo.

SEPANIA 2:15

Nka nyete kïgh nyo igho ompö kanasyantanï kip kegh yïm, nyï nonchini kegh lö, “Möminye kanasyan anka nyo karkegh nko ani.” Anyï kalïkwï yenyu kïratyan nyo möngöy tïpö wudïn. Pïrpiröy chi anka möt nyo weröy kanasyantanoni akwotyö nyoman!

WUWÖT 33:4

Otini kilïm pïchay ngalechoni ghach, kilochö akimöminye chi nyo kilach karïn cho pïchighöch.

YOEL 1:8

Osönönö le mïrar nyo loköy chi nyo kama nyo kötepöy nyinte.