ISAYA 3:8 - PIPÏLIA

⁸ Ompöwölo kikerultö Yerusalem akengany Yuda! Ompöwölo tököy ECHOTYON kïgh anka tïkwïl nyo mwoghöy chane akwighöy nyo kigh chane kïtagh töroryenyi nyo kïlchini chane.

ISAYA 3:8 Referans Kwoze

1 KORINTO 10:22

Anta kïmökecha kwipenecha Echotyon sikong nya? Kichicha so owesöch kïtïl nyinte?

OSEA 7:16

Tökïpechini Paal* nyo melö kïgh. Lenye chane kïwang nyo kitwolö. Meghsot kintöghoghikwa ompö chok ompöwölo ngölonöy ompö menotön. Kïlenyona sösöy chane pipö Misri.”

YUDA 1:15

Ngwïnöy kurwokini pich löwïr, akutö kïnyorï pich löwïr cho mewöghöy Tororöt stöt ompö ighisyewutkökwa cho ghach nko ngal cho ghachach cho kingalana mwokïyis Tororöt.”

APAKUK 1:13

Tïlilöch konyiku tya cho mötopönöcha ghöyityö, amöchömönye kïsïwa pich cho le lelï. Ompö ne nyu tesisenyi otinö mi mwokïyis kuwongöy pich cho tïlilöch kïtïl chane?

MIKA 3:12

Kïlenyona kïngoröy Sayon le par akwompö akwa lïku Yerusalem kïratyan nyo kirul kutïkumö, akïpita wuw nyo wow Kö pö Tororöt.

ESEKEL 9:9

Kïlenchanïn ECHOTYON, “Kikwigh pipö Israel nko pipö Yuda ngokï cho echön. Kikïmïlta kisön cho chang ompö kor akunyïghit ghöyityö Yerusalem. Mwoghöy chane lö, ‘Kikïpïstö ECHOTYON koronï amökïyongönye.’

ESEKEL 8:12

Kïlenchanïn, “Wero chi, kesïwenyi tïkwïn cho ighöy pipö Israel ompö tuwïn, mi chi anka tïkwïl konyi kïsoghöy pichen. Akïlentöy, ‘Melö sïwïyecha Tororöt, kikipïstö ompö nyinte koronete.’ ”

YEREMIA 26:18

“Kimwochï pipö Yuda löwïr Mika chi pö Moresyet ato ki pöytoghin Esekia nyo pö Yuda lö, ‘Lentöy ECHOTYON Kimuktoghin, kïngoröy Sayon* le par, lïku Yerusalem kïratyan nyo kirulyö korïn kutïkumö akïlïkwï wuw Kö pö Tororöt.’

YEREMIA 26:6

owetan onyoröy köyï pö saghat le wölo kyanyaran Syilo, aghan kanasyantanï kïlïkwï nyo chïptegho koroswö cho mi ngwïny kïmïkul.”

ISAYA 57:4

Ngo nyini opirönchinekwa? Akï ngo nyï ongörerekwa nyo putichï?

ISAYA 9:17

Nka nyoni nyu kïgh nyo ighöy Echotyon möchïwïtyö pikökwa cho le chumwak, amesyonchï pönonkökwa nko mïsïktinekwa, ompöwölo kighachitu pikö tïkwïl, akïngölonöy kutïweko pïchoni löwïr ngala sölwontön. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

ISAYA 1:7

Kikepar korenkwa kïlïkwï kïratyan akepel kanastinekwa lömïs. Chengöy pïnotï parenikwa osïwïyekwa akwane akuwur kïgh anka tïkwïl.

2 OTÖPTINO OSIS 33:11

Kïpïsï ECHOTYON chane kighyongtoghi lïko pöytoghinto Asirya kïpka kukoda Manase kömöyi karïn akïrat kïrata sïrïmtino taghoy akuretö kutang Papilon.

2 OTÖPTINO OSIS 28:18

Kupokyï pipö Pilisti tïkwïl kïpar kanastina Syepela, Nekep* nyo mi koro Yuda, akikïcheng Pet Syemes nko Ayalon nko Kederot nko Soko nko Kestoni, Timna nko Kestoni nko Kimso nko kestoni akwigh wöloni kïlïkwï möngengwa.

ISAYA 6:11

Atepan lö, “Akïlïku nyoni nko oyï nya Echotyon?” Kuyokï lö, “Ntökïtenö kepar kanastin lömïs, ntökïtenö kepïstö korïn kïtïryolöchitu, ntökïtenö kïlïkwï kore nyinte kïmïkul surkwen.

ISAYA 49:19

“Nyo pö nyoman kikenyar korengu, wölo ye kikïmarikit tya, ntömelö tökïnyoru piköku cho mïlonchot wölo möngöy. Kilowito nyu wölo imitenyi pïchoni kinyarinyi.

ISAYA 59:3

Ompöwölo kakesïmnyon ewunekwa ompö kisön akesïmnyon morikwa ompö ghöyityö. Kangalanekwa kutïwekwo putintön akïchamcham ngölyepkökwa ghöyityö.

YEREMIA 4:13

Arose! Kechumï punyon le polta. Ghumotoy nkarinechï cho pö poryot le pïchpïch, pïrtït angoletinechi kïtïl sichtin, heywey wechï kakiwonyö!

YEREMIA 44:3

Kilïkwï choni akwompö ngokï cho kigh chane ntökwighanïn anarek. Kipelchï amörostin akïpöghisyechï tororötin walaka cho melö kinkït chane amelö onkïtökwa amelö kinkït ompö papotïnekwa.

LOK 1:9

Körumï sïmnyontenyi lötok, melö kiyang kinyaratenyi nyo pïnï yi. Kïlenyona kipït ompö or nyo gha nyoman puryö chi nyo soghsoghöy nyinte Kirirchï ECHOTYON kïlentöy, “Kaman nyarïl, sörwonte we ECHOTYON ompöwölo kalotanïn pung.”

MIKA 6:12

Köpïr pikökwa cho le sïkön mey, akï mïröy putï chane pikö löwïr.

NGÖTÏNYÖ 26:27

Chïnchini chi pïrïm nyo kapal nyinte, akuyokyini kogh chichoni ketor kamïlmïlta.

YEREMIA 23:36

Kïlenyona okïr kegh momwoghe lö, ‘Nïkisïn pö ECHOTYON,’ ompöwölo lïku nyu ngölyonto chi kegh. Akwompö atoni, kuwenga ngölyonto Tororöt, Tororöt nyo satate, ECHOTYON Kimuktoghin.

OSEA 5:5

Rumu lötok menotöno pipö Israel nyo tïng chane, ighöy ngokikwa chane kupïtsot akwigh pipö Yuda tïkwïl kupïtyö nko chane.