ISAYA 27:11 - PIPÏLIA

¹¹ Silonchot mori ket akïmïrisyö, atolapay kïghamït korï kïlïkwï kwenkakwa. Akwompöwölo melö kisïkwï pich kïgh, kïtagh Ighintengwa Tororöt kusyonchï chane.

ISAYA 27:11 Referans Kwoze

YEREMIA 8:7

Olentan nkït cheptarang osiswechi cho wuwöy, akunkït tïkwïl chepïrïm nko wisian nko kongol, akunkït lö oyï ato yoku kegh. Wölo menkïtcha piköchan chete kïgh, menkïtcha lö mwoghöy ne kirurut pö ECHOTYON

ISAYA 44:24

Lentöy ECHOTYON, sörunintengu, nyo kighinyi ompö muyeto yongu, “Ochan ECHOTYON nyo kyagh tïkwïn löwïr. Ani onkït nyo kyoghïtö yïmwöy, aghan ngwïny onkït ompö owesyenyan kegh.

ISAYA 43:7

Piköchan chane kegh, cho kyaghan tökwipkanïn ororyö.”

ISAYA 43:1

Kangalan ECHOTYON, nyinte nyo kighinyi we Israel lö, “Mewöghisyö, osörunyi. Kokurinyi ompö kaynengu, ichinyi nyinyan.

ISAYA 1:3

Nkït tïch chi nyo pö akunkït sïkïryö pidangwa, wölo menkïtnye kïgh Israel, möpköchininye kïgh piköchan.”

YAKOPO 2:13

Ompöwölo ato rwokyini Tororöt pich mesyonchininye chi nyo mötïngnye kisyonöt. Wölo rïntoy kisyonötö kirwok.

1 TESALONIKE 2:16

Kimukyï chane kïtaghenecha kyomchinö pipö punton ngal cho ipchini chane sörunöto Tororöt. Kewanya chane aranoni ompö ngokikwa löwïr cho kighöy chane kïnomnyö. Wölo kechumchï ye nörekyo Tororöt chane.

RUMI 1:31

Pich cho le chelölos, cho yomisöy pich kïgh atolapay makwigh lenyini, cho menkït köromnyö anta, kisyonchin.

YOANA 15:6

Ato mötöpönye chi anka tïkwïl nko ani, kewirchini sany atökïyam le morno ket. Ghömïtöy nyu pich morichoni pö ket akïwirchï ma atökepel kïnöghö.

MATAYO 13:19

Ato lïm chi anka tïkwïl ngala Pöyunöt ameghanye, kïkarkegh nyinte nko kösïghecha kichïnchini arawet. Itu nyu Mwokïyontonay gha kïsara nyinte ngölyontonini kikïlechï mïkulöwunyi.

MATAYO 13:15

Ompöwölo kiwöngisyö mötöwöyi pïchï, kïminyö chane lö tïkïrkïr akïköryö konyikwa, tömöyotisyö konyïn akurosïta akïyotisyö yitïn akuyokyanïn kegh tosopön chane.’

MATAYO 3:10

Kimi oywö kïpsach nyo töröy ighin pö ket. Kïtöröy ket anka tïkwïl nyo meyinönye akwa cho karamach akewirchï ma.

OSEA 4:6

Kikuwongwï piköchan ompöwölo menkïtcha kïgh, ompöwölo kataghakwa chïreryö, kïlenyona otöghokwa tïkwïl. Melö tochikwa tïsichan ngat, ompöwölo kowutyeghekwa kiyomisut pö Tororötïngwo, kïlenyona owutyeghonan tïkwïl monekwa.

ESEKEL 20:47

Lenchinö wuw pö Nekep, Tera ngölyonto ECHOTYON, lentöy Echotyon TORORÖT onoghan ma ompö nyi nyo pelöy ket anka tïkwïl nyo tïyam nko nyo nyaril. Memukönye tökemis mayoni otini kanagh. Pelöy nyu ma tokoch löwïr kïngeta okumpö tagh ntökwit okumpö löt.

ESEKEL 9:10

Motukanye chane amosyonchinanye nyonikïny, oghchinan chane lenyini keghchï pikö walaka.”

YEREMIA 4:22

Lentöy ECHOTYON, “Sölwöy piköchan amenkïtanïcha. Monïng chane cho le sölwöy, möpköchinicha kïgh nyonikïny. Wölo köromöch nyoman kwigh kïyï gha, amenkïtcha kwigh kïgh nyo karam.”

ISAYA 44:2

Ochan ECHOTYON nyo kyaghakwa, kyangarakakwa kïngetunö otini kikïyiyokwa. Mewöghisyö, akwa pipö Yakopo mötworichu, piköchan cho kakïlan achömonan kegh.

ISAYA 9:17

Nka nyoni nyu kïgh nyo ighöy Echotyon möchïwïtyö pikökwa cho le chumwak, amesyonchï pönonkökwa nko mïsïktinekwa, ompöwölo kighachitu pikö tïkwïl, akïngölonöy kutïweko pïchoni löwïr ngala sölwontön. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

TUMWÖY 106:40

Kïlenyona kïnörekyï ECHOTYON pikachi, akunyïta tya nyinte ompö chane.

KINONO KIRURUT 4:6

Arip nyu kirurutchoni, ompöwölo porchini nyoni pipö punton löwïr ngöghomnyenkwa nko chïreryenkwa nyo otini kalïm chane kirurutchï, kïlö, ‘Wechï ngöghomöch akï chïreröch pïchï pö koronï awes!’

RUMI 1:28

Akwompöwölo kilö pich mökïmököy kenone ngala man paraku Tororöt, kïpïstö Tororöt chane kïrïp kinonutkökwa cho wïryote ntökwanyï ighöy tïkwïn cho merokonye.

ISAYA 5:13

Nka nyoni tökerang piköchan kïlïkwï mampustin, ompöwölo kisölwontön chane. Kipar kömöy kintöghoghikwa cho konyïtote, kïpar maral söpïchtöngwa.

ISAYA 18:5

Ompöwölo wuröy punyon pipö Etopya kïle kwïle, kïle wölo mutïtoy rotwö mori keti sapipun kïtomö kïpïtï akwechi, otini kawirta tapïkoy akïrörochö löwïr akïnam akwa.

YEREMIA 11:16

Kyokuran chane asistanka, ‘Ket pö orolwö nyo pïchighöch akwa,’ wölo ye ongwïnan le chepkiriri nyo wow, apel kuwonyö morichi lökïr.

YEREMIA 13:14

Atolapay aghan kïwir kegh chane, cho echön nko cho mïnkech amesyonanïnye amotukanye. Owongan chane lökïr.’ ”

YEREMIA 16:5

“Kïlenyona ye, kamwaghan ante ECHOTYON lö, metöp ntelït kö nyo mi pich loko meghat amewö ntelok aisönön nko chane. Ompöwölo melö toperurchinan piköchan kalya nko kisyonöt nko pöropchö.

YEREMIA 25:37

Kïryöghsetö okwotinö cho koketïyi tagh ompö kalya, ompö nörekyo ECHOTYON nyo ngwan

ESEKEL 19:12

Wölo kingagh sapipunay ompö nörekyö akewirchï ngwïny. Kïkut yomo kongasis kïyam, kïmïrisyö morinkachi, akepela ma kuwonyö.

OSEA 4:14

Momunganye tipikwa ato igh cheporesnan anta mïrorkökwa ato igh cheporesnan, ompöwölo kamastekwa mïrön arïpata kor cho le cheporestin agham nko chane aropchï amörostin tororötinekwa. Akï pkonöy pich cho mötïngcha pköchin kuwonsot.