ISAYA 26:8 - PIPÏLIA

⁸ Kïrïpecha kirurutköku, akekönecha nyi, nyi onkït nyo pïrchini mïkulisköcha.

ISAYA 26:8 Referans Kwoze

ISAYA 33:2

Isyonchecha, we ECHOTYON. Nyi nyo kikönecha. Kartecha yekon anka tïkwïl, aisörwecha ompö osiswo nyarïl.

TUMWÖY 65:6

Kighanyi kutïngkot ompö owesyengu aiporï kimukatengu ompö choni.

WUWÖT 3:15

Aimwochï ngat pipö Israel lö, ‘ECHOTYON, Tororöt pö papotïnekwa Apraam nko Isak nko Yakopo nyo keyokwanïn wölo omitekwa.’ Nyï kï kaynatenyan kokay nyo kurenanïn pïnwöy.

2 TESALONIKE 3:5

Nya kuntöghoghchï Echotyon mïkulöwekwa ompö chomnyo Tororöt nko ompö mïkukönöt nyo konecha Kristo.*

RUMI 8:25

Wölo ato kikönöcha kïgh nyo melö kïsïwïyecha, keköngisïyecha ompö mïkukönöt.

IGHISYEWUT 1:4

Otini kiryam nko chane kïmwochï lö, “Mangeta Yerusalem, wölo akanya konunötonay kïlö Papo okonu, nyay kyalïmakwa ongölonenan.

ISAYA 56:1

Mwochini ECHOTYON pikachi lö, “Arïpakwa man akutenote, ompöwölo tomönye kite angwïnan osörwokwa.

ISAYA 25:9

Mwoghöy chi anka tïkwïl ato itï asisoni lö, “Tororötïncha nyinte! Kikïmitecha kekönöy nyinte, kakïsörwecha nyinte. Nyinte kï ECHOTYON! Kikïmitecha kekönöy nyinte, akemitecha ye kengörekyot aketuronchot ompöwölo kösörwecha nyinte.”

ISAYA 12:4

Itu asis ato tumöy pich lö, “Oyokyinö ECHOTYON sörö! Okurö nyinte tökungarakekwa. Omwochinö pipö punton kïmïkul pöghisyewut cho kegh nyinte amwochï chane wölo töror nyinte kïlïkwï!

TUM PÖ TUMWÖY 5:8

Nyo omwante muma tipichï pö Yerusalem lö ato onyorukwa chamanenyan, omwochinekwa nyinte lö, ochan kasate ompö chomnyogh.

TUMWÖY 106:3

Soyönote pich cho rïpöy kirurutkachi, akwighöy man osis löwïr.

TUMWÖY 84:2

Omchinanïn emö kïtya, Kö nyo pö Tororöt! Tumchini mïkulöwunyan kïmïkul Tororöt nyo satate ompö ngörekyö.

TUMWÖY 73:25

Ngo nyo otïngetan ompö yïm kïpoto nyi? Akï ne nyo toyöran ato omitan nko nyi?

TUMWÖY 18:23

Motïngetanye kigheghchin ompö nyinte, ompöwölo melö kyarikan ngokï.

2 SAMWEL 23:5

“Soyönöy Tororöt konyan, ompöwölo kyam nyinte muma* nyo pö kokay nko ani, nyo kikïtat amöwöghökonye. Ighöy nyinte sörunötenyan nko machatenyan kïtasa.

KIYITUT 36:13

Chete kirurut cho kitö ECHOTYON pipö Israel kuwerï Musa ompö tömköyi Moap ompö lalwa Yordan atolekïto Yeriko.

LUKA 1:6

Kitïpïyot chane kwodeny otöp pö tïlilïn ompö tawu Tororöt, kiteröy akïrïpöy Kirurut pö Echotyon löwïr.

MALAKI 4:4

“Anana kirurut nko kinetutköchan cho kyotönön mötworintenyan Musa ompö kutïng pö Sinay atökïrïp pipö Israel löwïr.

MIKA 7:7

Wölo okönyan nyo le ani ECHOTYON onkït okönyan Tororöt pö sörunötenyan, terwanïn akï sörwanïn Tororötïnyan.

ISAYA 30:18

Akwanyï köngisïyi ECHOTYON tökusyonchokwa. Mito nyinte kïpsach kusyonchokwa ompö wölo ECHOTYON kï Tororöt pö man. Soyönote pich cho könöy nyinte.

TUMWÖY 130:5

Okönyan kingörokutyo ECHOTYON ompö machat, oghönan ngölyontenyi.

ISAYA 24:15

akïsölöy nyinte walaka cho mi okumpö kongasis, sölöy ECHOTYON Tororöt pö Israel pikö walaka cho möngöy sörömu nanam.

ISAYA 25:1

Ichinyi Tororötïnyan, we ECHOTYON, okonyïtinyi asal kaynatengu. Ompöwölo keghanyi tïkwïn cho pö töngönchin, kepuntenyi ompö man möchutköku cho kitatanyi könyisyok.

ISAYA 26:13

Heywey, we ECHOTYON Tororötïnyo! Kikïpaytecha pikö walaka, wölo nyi onkït nyo ichï ECHOTYONtencha.

ISAYA 49:23

Lïku ompö akwa pöytoghï papotïn, kïlïkwï korï cho pöytoy yotïn. Kïtïngchinokwa chane akïkonyïtokwa, ipöy kegh ngwïny chane akïkïtïngchokwa. Atonkïtunökwanyu lö ochan ECHOTYON, akwanka nyo könöy kingörokut ompö ani kïmelö nyoru arasï.”

ISAYA 51:4

“Atera pikachu ngalechan, alïma kïgh nyo omwoghan. Otöninan pipö punton kinetutkachu, ipchini kirurutköchan pipö punton löpoyïn.

MIKA 4:5

Soghöy puntonï löwïr akïterchï tororötinekwa, wölo kïsoghecha ECHOTYON Tororötïncha kokay nko kokay.

TUMWÖY 42:2

Omchinanïn maral Tororöt, maral nyo pö Tororöt nyo satate. Owetan oyï atotuyö nko nyinte?