ISAYA 26:3 - PIPÏLIA

³ Nyi, ECHOTYON nyo itöni kalya nyo tenate pich cho tïng machat nyo chïchïmate akïmi chane kughöninyi.

ISAYA 26:3 Referans Kwoze

PILIPI 4:7

Komönöy nyu kalya Tororöt, nyo tïlöy pköchin anka tïkwïl nyo pö ptangengmöt, mïkuliskökwa nko kinonutkökwa ompö Kristo* Yeso.

YOANA 16:33

Kanyaghan omwowokwa ngalechete atamukakwa osïkenö orinyan kalya. Onyorunekwa nyarïl ompö ngwïny. Wölo onyökönitu! Karïntan ngwïny!”

YOANA 14:27

“Kopïswokwa kalya, okonokwa kalyenyu. Mokonunanye le wölo konu ngwïnya. Makany kusus kegh mïkuliskökwo, amonyökoröchitu.

TUMWÖY 9:10

Töni pich kikönötengwa wölo imitenyi cho nkït kaynatengu, ompöwölo mepïstonyinye, we ECHOTYON pich cho yörinyi.

RUMI 5:1

Otï ye kikuyitwecha Tororöt man ompöwölo kighönecha nyinte, kïtïngetecha nyu kalya nko Tororöt ompö Echotyontenyo Yeso Kristo.*

ISAYA 31:1

Heywey! Wechï kepotyö pich cho petöy koro Misri lö tökengarakech. Mito chane kutwoytoy kegh pipö Misri cho chang cho pö lïk nko karikwa cho pö poryot, cho lata: angoletin nko nkaritin nko askarin. Wölo metwoytocha kegh ECHOTYON, Tororöt pö Israel nyo Tïlil anta tep nyinte kungarak chane.

MIKA 5:5

akwipï kalya. Kïrkegh kïpka pipö Asirya korencha akïlïtu kori pöytoghi kïyontocha kintöghoghicha cho owesöch kïporyeghö chane.

2 OTÖPTINO OSIS 16:8

Kitö kimölïknye nyo wow pipö Etopya nko Lipya, chay kitïng nkaritin nko pich cho chang cho kipöy angoletin so? Wölo ompöwölo kitwaytenyi kegh ECHOTYON kikoninyi nyinte rïntena chane.

2 OTÖPTINO OSIS 13:18

Kikïrïnta nyu monïngo Israel atoni, kïrïnta cho pö Yuda ompöwölo kitwoytoy kegh pipö Yuda ECHOTYON Tororöt pö kukötinekwa.

1 OTÖPTINO OSIS 5:20

Kitwayta kegh chane Tororöt akïsom nyinte kingörokut, kungarak Tororöt chane akwigh chane kïrïnta pipö Akri nko pöröriskökwa.

ISAYA 48:2

Akwanyï okwolekwa kegh omwoghöy lö, ochikwa pipö kanasyan nyo tïlil, atwoytokwa kegh Tororöt pö Israel, nyo kïkuro ECHOTYON Kimuktoghin.

ISAYA 50:1

Mwoghöy ECHOTYON lö, “Olentekwa so kotulön pikachu, le chi nyo tyoköy korkenyi? Akwato ononekwa lenyoni, kunko nyu palaltina kityakat? Olentekwa so kyaltakwa ape koro pïnotön le ato oltoy chi monechi kïpa kïlïkwï sekey? Ewo, kyapekwa alïkwï nanam ompö ngokikwa kegh, kikitulokwa ape wölo low akwompö penyutkökwa.

TUMWÖY 119:165

Tïngeto kalya pich cho chömöy kirurutköku, möminye kïgh nyo ighöy chane kwotyö.

ISAYA 12:2

“Ghetintenyan Tororöt, otighonan kegh nyinte amowöghanye kïgh. Ompöwölo konanïn ECHOTYON owesyö, ghetintenyan nyinte.”

ISAYA 26:12

Ikonechanyi kalya, we ECHOTYON, ompöwölo löwïr cho kakighacha, kï nyi nyo kengarakecha.

ISAYA 27:5

Wölo ato mököy pungko piköchan oghetan, akany kwam chane mis nko ani. Owöy, akanya kwam chane mis nko ani.”

ISAYA 32:18

Chïwutyegho pipö Tororöt kisusut akïtïpï kestonikwa ompö kalya nyo puryö otyogh.

ISAYA 42:6

“Ochan ECHOTYON, nyo kokurinyi ompö man, onömotoninyi egh aripinyi. Otötoninyi le muma* ompö pich ailïkwï löpoyïn ompö pipö punton,

ISAYA 42:19

Ekï ngo chi anka nyo karote kïsir mötworintenyan, akïmingate kïsir chi nyo oyontonan?

ISAYA 49:8

Akïlenchï ECHOTYON pikachi, “Kyomölyöngwokwa atanya kitökïchömunote, angarakakwa ompö asispa sörunöt. Otötonokwa olïkune muma* ompö pipö ngwïny löwïr. Apïswokwa ngat omïlonchenö korengwo, kor nyo kikechal akepïstö kïlïkwï siriron.

ISAYA 66:12

Mwoghöy ECHOTYON lö, “Okonokwa perur nyo pö kokay. Yinu sïkönöto pipö punton wölo omitekwa le lalwa nyo rotöy kömöy nko pengat. Okörekwa kegh nko monïng nyo pöghöy kame, akïnömo ewunechi ompö kïpesöyichi.

DANIEL 3:17

Ato lïkwï nyoni kumuköy Tororötïncha nyo kïpöghisyechinecha kïsörwecha ompö mayoni ngwan lakat akïsörunenecha moriku, we pöytoghin.

DANIEL 3:28

Kïlö Nepukadnesa, “Nya kïsala Tororöt pö Syadrak nko Mesyak nko Apedneko nyo kiyokwï malaykayantenyi kungwïn kïsörï mötworichi cho kighönöy nyinte. Kitagh ngalechan akusalta kegh, kïtïl kïpöghisyechï akïsagh tororötin walaka kïpoto Tororötïngwa.

DANIEL 6:23

Kingarak pöytoghintonay nyoman akimwatïta kengwïsuna Daniel köpönonay. Kïlenyona kengwïsuna Daniel köpönonay maswangnye kïgh nyinte nyonikïny, ompöwölo kitwayta kegh Tororötïnyi.

TUMWÖY 125:1

Karkegh pich cho twoytoy kegh Tororöt nko kutïng pö Sayon* nyo metimtimonye, wölo ghyongöy kokay.

ISAYA 32:17

Kïnyorunö korononi kalya nko payasat kokay, ompöwölo ighöy chi anka tïkwïl kïgh nyo pö man.

ISAYA 50:10

Ngo ompö akwa nyo konyïtöy ECHOTYON nya? Akï ngo nyo rïpöy ngaleko mötworintenyi? Kïrkegh kötuw lö ne or nyo orïpekwa wölo aghanakwa ECHOTYON, otighenö kegh Tororötïngwo.

YEREMIA 39:18

Osörunyi nyo mötïny, puryö chi nyo pörinyi. Kechïwitanyi söpontongu ompöwölo kitönönyi kighanatengu wölo omitan. Kamwaghan ante ECHOTYON lenyoni.”