ISAYA 26:19 - PIPÏLIA

¹⁹ Söpsot ngat piköcha cho kikuwonyö! Tutuno porwoyikwa ngwen, akïtökïngetuno chane pïrïmpotikwa, atökïpka kïtum ompö ngörekyö. Töni ECHOTYON kimïny pich cho kimeghö könyisyok kïle wölo töntoy röyöntö ngwïny wïsöt.

ISAYA 26:19 Referans Kwoze

DANIEL 12:2

Akututu pich atoni cho kiruyö, petöy walaka söpon nyo pö kokay, kïnyorï walaka arasï nyo pö kokay.

EPESO 5:14

ompöwölo ighöy löpöyïn kïgh anka tïkwïl kïrumï. Nka nyay mwoghöy Kikirut lö, “Chïkana, nyi nyo irïwöy, aitutunö ngwen, atökulïwchin Kristo!”

MATAYO 27:52

Kïyotisyö parsïkontinö tïkwïl, kututu pipö Tororöt cho chang cho kikïmeghö.

OSEA 13:14

Oghetunonan chane owesyo ngwen, asörunan chane meghat. Mi onö ngwonengu nya we meghat? Akï mi onö kiwuratengu nya we ngwen? Melö totïngetan kisyonchin ompö akwa nyonikïny.

OSEA 6:2

Konecha söpön nyinte ompö asispa odeny, tutwecha asis nyo pö sömök, tökemöngisyenö ompö tawunyi.

TUMWÖY 71:20

Kekonaninyi nyarïl nko kömpölelyö, wölo ikonaninyi söpon ngat, airipaninyi tömolïtön ngwen.

ISAYA 25:8

Wuröy Echotyon TORORÖT Kimuktoghin meghat kokay! Miso nyinte lok konyi pich lapay, akïchenga arasï nyo kökikuwongunö pikachi ompö ngwïny kïmïkul. Ompöwölo ECHOTYON nyinte nyo kangalan.

PILIPI 3:21

nyo wöghököy porwoyicha chï nyörkölöl akwigh kïkarkegh nko portanyi nyo pö ororyö, ompö owesyö nyo muköy kï pöyuno tïkwïn lapay.

SAKARIA 8:12

Yinöy ketikwa akwa akïrïröy kïgh anka tïkwïl nyo pitoy ngwïny. Osoyönan piköchan löwïr cho kingötï.

1 KORINTO 15:20

Wölo nyoman kitutï Kristo ompö ngwen, atökïlïkwï kikïniniot nyo poru lö tutu tïkwïl asïyech pich cho karuyö ompö meghat.

OSEA 14:5

Olïkunan le röyön ompö Israel akïwetöy le ket pö tapïk akïtorta nyighin le keti Lepanon.

PILIPI 3:10

Omökan onkïtu Kristo nko owesyo kitutunötenyi agham nko nyinte kiwongunötenyi, atakarakegh nko nyinte ompö meghenyi,

TUMWÖY 22:15

Kikïyam owesyenyan le pakasyon akïsisyö ngalyapunyan kutinyan parak. Kepïsyaninyi kuti pïrïm.

KINONO KIRURUT 33:28

Kïlenyona möngisïyi pipö Israel ompö kalya, akïmi ato tïghume kori pöghoni Yakopo ompö kor nyo chang pagh nko dipay,* owöy, ropönchini pögho yïm korenyi.

IGHISYEWUT 24:15

Atïngetan kighanatanini le akonga tïng chane ompö Tororöt lentöy, tutu pich tïkwïl, cho karamach nko cho ghach.

ISAYA 51:17

Chïkana, we Yerusalem! Kutkutö kegh, ainget! Kegheghanyi kölöwo ECHOTYON nyo pö kiwongunöt nyo kikoninyi ghegha ompö nörekyenyi. Kewisanyi aikwangkwanga le ptamasyan.

KINONO KIRURUT 33:13

Akïmwa paraku pipö ara Yosep lö, “Nya kusoyön ECHOTYON korengwa, akïropönchï pögh cho pkono yïm, akutö pögh cho kosuno ngwïny.

KINONO KIRURUT 32:2

Röröku kinetutköchan le rop, le röyön ompö sökö. Pïspisu ngalechan le pkopïs cho ropönchini sus cho ngwïrngwïröch akïkarkegh nko pögh cho rörökyini sikoryon.

MATAYO 27:58

Kïwechï Pilato akïsom kiwo kïror por pö Yeso. Kïmwatïta Pilato ketö nyinte.

TUMWÖY 110:3

Konu kegh piköku chane kïchömöy asis nyo kesetanyi lïkengu. Pkonchininyi mïrönköku cho mïnkech kïpusu paraku kutïngkot cho tïlilöch le röyönto miröy.

AYUPU 29:19

Kitorta kegh ighinköchan ntökwit wölo mi pögh kumpï sökeko morichan ompö röyön kïyech.

1 SAMWEL 2:6

Tïghöy ECHOTYON akutöni söpon. Reytoy ntökwit ngwen, akungetunö wöloni.

TUMWÖY 22:29

Ngïrukyini menoti ngwïny nyinte, akïkïtïngchï chane cho wonyot, cho memukönye kwigh kegh kïsöpchö.

ISAYA 18:4

Ompöwölo kölenchanïn ECHOTYON, “Otopönunan ompö yïm ompö sison kïle wölay ghömïtïtoy kegh röyöntö atay layate nöngötus ompö osiswö ilö, alïwunan le asis nyo lïwu pöghet.

AYUPU 14:8

Kïrkegh köyositu ighinkachi ompö nyïngwïny akïnïn mïsïkyenyi ompö ngwïny

TUMWÖY 88:11

Kïmwowuno so chomnyengu nyo pö kokay parsikon, anta lö, ichinyi nyo ghanate ompö wölo mi kinyarata?