ISAYA 26:15 - PIPÏLIA

¹⁵ Kitasanyi pipö punton, we ECHOTYON, aipörogh koroskökwa ainyorunyi ororyö.

ISAYA 26:15 Referans Kwoze

ISAYA 9:3

Keghanyi pich kïtösisyö, aitösyinyi chane ngörekyö. Köngörekyö ompö tawungu, le pich cho ngörekyot ompö asispa ilö, le pich cho chöghöy pöröwekwa.

YOANA 17:1

Otini kiwany Yeso kïmwa ngalechoni, kïtopön yïm akïlö, “Paponyu ketïta ye nyu asis. Tönö Werïngu ororyö atökumï Werïngu kïkoninyi ororyö.

YOANA 15:8

Kïkonyïtöy Paponyan ato ayinukwa akwa cho chang alïkwï nyu ompö aranoni kinetankachi.

ESEKEL 36:24

Opunonekwa wölo mi puntonï aghamïtwekwa ompö koros löwïr apkana korengwo.

ESEKEL 5:12

Owonyokwa cho le kareran akonga ompö amal nko ompö kikar, kuwany chok kareranta anka nyo pö sömök. Atolapay otoytoyan kareranta anka nyo pö sömök kïmï ngwïny kïmïkul orupan chane chok.

YEREMIA 32:37

Oghömïtunan piköchan kïpkana woptin tïkwïl cho kyotoytoychan chane ompö nörekyenyan nko sïngiryenyan nyo wow. Oyokunan chane kïpka kïmang akïtïpï koronete ompö kalya.

YEREMIA 30:19

Kïlïmöy pich cho möngöy orito kanasyantanoni cho tumöy tumwöyi kiyokyinogh pö sörö Akelïmöy tïkwïl kutïwa pich cho mi kïturonsot. Operuran chane kïtösisyö amelö ngörïngitu oghan chane kekonyït puryö chi nyo sösöy chane.

ISAYA 60:21

Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

ISAYA 44:23

Otumö yïmwöy ompö ngörekyö! Otumö tïkwïl wölnö le ngwen! Otumö kutïngkotï nko ket löwïr cho mi wuw! Ompöwölo kösörï ECHOTYON Yakopo akïnyorchini nyinte ororyö koro Israel.

ISAYA 33:17

Osïwïyekwa ngat pöytoghin ato pöytoy ompö pïchighyö akughïtoy ewunyi kïghömï woptin löwïr.

NEEMIA 9:23

Kitasanyi monekwa kïchangit le kokel aimïtunyi ntökwit koronay kiyomisyinyi papotïnekwa kïcheng.

KINONO KIRURUT 10:22

Ki pich 70 kïpoto papotïnekwa cho kipa kïröytö koro Misri, wölo kitasakwa ye ECHOTYON Tororötïnkwa achangituna le kokelya yïm.

KIYITUT 23:10

Ngo nyo muköy ntökuyit chongïn pö pipö Yakopo? Chang chane nyoman tenö ngayam. Nya ameghan le chi pö man, akïlïkwï sörömunyan le nyo pö chi pö Tororöt.”

TOWUNÖT 12:2

Oghinyi lïkune pipö kor akonga cho chang tya. Osoyöninyi aghinyi rumtenö lasiny atelïkuna kisoyönöt.

LUKA 21:24

Kïpöro walaka chok, kenam walaka kïlïkwï mampustin ompö koros löwïr. Pkonöy pipö punton kuwuröy Yerusalem ntökuwonyö osiswekwa cho kikïngor.

ISAYA 10:22

Kïrkegh chang ye pipö Israel le ngayam cho mi nanam, wölo mïlonchot cho ngörï. Mi kiwurata kïköngöy chane akwigho lenyoni ompö man.

ISAYA 6:12

Owuwan tïkwïl pich kïpa wölo low nyoman, aghan kore kïlïkwï surkwen.

2 PÖYTOGHÏ 23:27

Kïlö ECHOTYON, “Oghchinan pipö Yuda kïgh nyo kyoghchan pipö Israel. Opuktenan chane ompö tawunyan ataghan Yerusalem nko Konyan nyo kyakïlan tökesaghenanïn.”

2 PÖYTOGHÏ 17:23

ntökïtenö kuwany ECHOTYON chane ompö tawunyi, lenyini kimwa nyinte köny ompö mötworichi werkoy. Kïlenyona kerang pipö Israel kïpa kïlïkwï pïnot ompö koro Asirya nko ye.

2 PÖYTOGHÏ 17:6

Kïnam pöytoghinto Asirya kanasyanta Samaria ompö könyi mut nko angwan nyo pö paytaghpa Osyea akïrang pipö Israel kïpa chela ompö koro Asirya akïpïsyï walaka kïmang kanasyanta Ala, kïmang walaka atolekïtö lalwa Apor nyo mi koro Kosan, kutö walaka kïmang kanastina pipö Mede.

1 PÖYTOGHÏ 8:46

“Kïkany ato iwunyi piköku ngokï, ompöwölo möminye chi nyo meghöy ngokï, ainarekanyi aipïsyï pungkökwa kïpar chane akïnam, kïrany kïlïkwï pïnot ompö kor pungkökwa, kïrkegh kö low anta kö lekït,

KINONO KIRURUT 28:64

“Atolapay kutoyokwa ECHOTYON oghömunö punton löwïr cho mi ngwïny atopöghisyechinökwa tororötin walaka cho kikigha ket nko koghïn, cho tomönye asaghakwa anta papotïnekwa.

KINONO KIRURUT 28:25

“Töni ECHOTYON pungkökwa owesyö nyo rïntonokwa. Opokyinekwa chane ompö söpïch, wölo otoytoyonekwa ompö anka tïkwïl. Otyot nyu ngwïnya kïmïkul ompö kïgh nyo kegha ompö akwa.

TOWUNÖT 13:16

Oghan moneku kïchongitu le terïtyonto ngwïny, kïle wölini memukönye chi ntökuyit terïtyonto ngwïny, kïmemukönye chi tïkwïl ntökuyit moneku!

AYUPU 12:23

Ighöy nyinte koros kwowesöchitu akuwur, ighöy kïghetï akutoytoyö chane.

ISAYA 40:5

Atökeporï nyu ororyo ECHOTYON tökïsïwa pipö ngwïny kïmïkul. Nyinte ECHOTYON nyo keyomisï lenyoni.”