ISAYA 24:11 - PIPÏLIA

¹¹ Riryegho pich ortïna kanasyan, ompöwölo mökïmicha dipay ngat. Kiwö ngörekyö kokay, kikïweghö turönötö ngwïny.

ISAYA 24:11 Referans Kwoze

OSEA 7:14

Rirchinanïn chane wölo melö ompö man, wirchini kegh ngwïny akïsölölyö akïlentöy tatakan sowutkökwa cho pagh nko dipay,* wölo tökïtaghanïn chane.

LUKA 16:25

Wölo kiwöghökyï Apraam lö, ‘Nane ya montanyu lö, kirotyinyi tïkwïn cho karamach atanya kimitenyi ngwïny, kirotyï Lasaro cho ghach. Wölo kïsoghsogho ye nyinte yi imitenyi ngwonïn.

YOEL 1:15

Kikïlekïtit asispa ECHOTYON ato ipu Kimuktoghin kinyarat, Heywey, ghöyitu asisoni kïtya!

YEREMIA 48:33

Melö tökesöchini ngat ngörekyö amakïminye turönötö koro Moap, kor nyo pito tïkwïn nyoman ompö okwoghyö nyo tïng. Kakaran lasim dipay cho pkono akwa sapipun. Möminye nyo ryöku dipay ompö ngörekyö, akï kiteghat nyo kïlïmöy kïmelö pö turönö.

ISAYA 32:13

Kapita kato nko takalaw pareniko piköchan. Orirchinö korïn löwïr cho kingörechegho pich, arirchï kanasyantanay kimi ngörekyö.

ISAYA 16:10

Puryö chi ye nyo ngarakate ompö paren cho okwoghöch, akï möminye chi nyo teghöy anta tum ompö pareni sapipun. Puryö chi nyo tïköy dipay ompö wölay kïpïro pögho sapipun atökegh kïlïkwï dipay. Kawangan kiteghsyo ngörekyo kasa.

ISAYA 9:19

Pelöy ECHOTYON Kimuktoghin koronete kïtïryalit ompöwölo kanarek nyinte, pelöy pikö kïnöghyö le kwen cho kinoghöy, amelö mito chi atoni nyo söröpchini werïngwa.

ISAYA 8:22

anta topön ngwïny, wölo mösïwïyicha kïgh, kïpoto kömpölelyö nko tuwïn, tuwïn nyo pö otyogh, wölini kïrorchini chane asïyech.

NGÖTÏNYÖ 31:6

Tönö kumïn cho ngwonöch chi nyo mi kuwonyot akï pö dipay chane cho mi nyarïltangwa nyo ngwan,

TUMWÖY 144:14

Nya kïtïsyöritu twacha akïsïch owesyö, atömechowu mogh, anta yiyö kïtomö kwitïta osiswekwa. Nya kupot makelïma rira nyarïl ortïneko kanastinecha.

YEREMIA 14:2

“Mi pipö Yuda lok, kitöpchï meghat kanastinechi akïlokyö kumelmel terït akïrir Yerusalem lö tökengarak!

YEREMIA 46:12

Kikïlïm pipö koros lö kikïnamakwa arasï, akikïlïmakwa oriryoney. Köryöp kegh nyökonkökwa ntökupïtyï ngwïny.

YOEL 1:12

Kiyomö keti sapipun akuwonyö keti akwa walaka. Kisilonchö keti akwa cho sisinchö ompö paren akïyomö löwïr. Akuwonyeghö pich ngörekyö.

ISAYA 32:10

Ochikwa pïghyongote otï le ye, wölo meghyonokwa mïkulis ato teno nyete könyinï ngwïnöy, ompöwölo mökïmicha sapipun cho rïröy atopïtökwa.