ISAYA 24:1 - PIPÏLIA

¹ Ighöy ECHOTYON ngwïny kïtïryolitu akïpïstö kïlïkwï surkwen, akïköpïgh, akutoytoyö pich.

ISAYA 24:1 Referans Kwoze

NAUM 2:10

Wechï kinyara Ninawi akïtoyeghö pich! Kalïkwï kïratyan nyo tuw! Kimeghö pich mïkulis akïkwangkwang kïgh kutïngöy akïruronchö.

ISAYA 2:19

Pertoy pich nyu kïpetöy kïghïpcheghö köpönot anta pïrïmpot cho mi ngwïny kumukyï kïchïwïtyeghö sïnyoryo ECHOTYON nko owesyenyi nko ororyenyi nyo itu otini ngwïnöy nyinte kutimtimöy ngwïny.

ISAYA 42:15

Owuran kutïngkot cho echön nko cho mïnkech, aghan sus nko ket kïyomö. Owöghökan lalwatïn kïlïkwï surkwen akïtenyö ngörpil.

ISAYA 24:20

Porporyotoy ngwïnya le chi nyo tömösöy, akïpotan le kö nyo kakut chepkiriri. Kikutuny ngokï ngwïny, akïlekïtit kïrul amelö tökïngetöy ngat.

ESEKEL 35:14

Lentöy nyu Echotyon TORORÖT, “Oghinyi lïkuna kïratyan tökïngarak ngwïnya kïmïkul.

ESEKEL 12:20

Akïlïku kïratis kanastina cho kimöngisyote, kïlïkwï kore surkwen. Onkïtukwa nyu lö ochan ECHOTYON.”

LUKA 21:24

Kïpöro walaka chok, kenam walaka kïlïkwï mampustin ompö koros löwïr. Pkonöy pipö punton kuwuröy Yerusalem ntökuwonyö osiswekwa cho kikïngor.

ESEKEL 6:6

Lïku kanastinekwa löwïr ompö wölini omöngekwa kïratis nko wölo osoghokwa körkeyïntin akerultö ato kïpelo amöros nko körkeyïntine aketoytoyö ato kïpelo tïkwïn cho ngutoy cho onyïn akenyarnyar pöghisyewutkökwa löwïr.

ESEKEL 5:14

Oghinyi kungat Yerusalem lïkuna kïratyan akïroröchinyi puntonï cho kiwitinyi nko ompö könyi pich löwïr cho weröy.

ESEKEL 5:2

Ipel kareranta nyo pö sömök ompö kwenu kanasyan, otini kewonyö osiswo kirikat. Atolapay icheng kareranta anka itïghotö iwitöy kanasyan, atolapay icheng kareranta nyinö köngotï aimutmutan aitö kïkat yomat. Ongwisunan chokenyu ayonotegha chane.

YEREMIA 9:16

Otoytoyenan chane kïghomï koros pö punton cho menkïtcha akimenkïtcha papotïnekwa. Orupenan chane ngot ntökïtenö kuwonyö lömïs.”

ISAYA 33:9

Melö tökengoröy paren ngat, kikechal. Kikïyomö wudïnö cho mi Lepanon. Kikewuwö mpöghoghyo Syaron nyo akwagh kïlïkwï surkwen. Rörökyot sökö cho mi koro Pasyan nko cho mi kutïng pö Karmel.

ISAYA 29:16

Wöghököy chane kïgh anka tïkwïl kïchumpön. Akupim kïsïkwï lö ekïngo köny nyo pïchigh tya, ighinto tör nya anta mönö? Muköy so kïgh nyo kegh chi, kïlenchini chichini kigh, “Melö kighaninyi?” Ante lenchï, “Melö inkïtönyi kïgh nyo ighöy?”

ISAYA 27:10

Ompöwölo lïku, kïratyan kanasyantanay awes kikïtek atökeripsyeghö. Kiwaghaka atoni kïlïkwï acheyu kyak nyo munyo akwaketegha.

ISAYA 5:6

Mopïtinanye rötökwö, amopïtinanye ketiko sapipun anta angor pare, wölo opïsyan kïpituna tïkawkaw nko kato. Otöghonan poltoy möropönchï paranoni!”

TUMWÖY 146:9

Ripöy ECHOTYON pïnot akungöroköy mïsïktin nko pönon, wölo nyoröy tötut pö mwokïyis.

NEEMIA 1:8

Nyo nana ye ngölyontonay kimwochinyi Musa lö, ‘Ato alïkukwa penyï, otoyonekwa oghömunö koroswo punton,

2 PÖYTOGHÏ 21:13

Ochopan kong Yerusalem le wölo kyachopan Samaria, le wölo kyadan pöytoghin Aap nyo pö Israel nko piko orenyi. Omisan pipö Yerusalem löwïr, le wölo kïmistoy sani akeköpïghtö.

KINONO KIRURUT 32:26

Kötowongan chane lökarpïs, atömökïmi chi nyo tökunonöy pïchoni ngat.

KINONO KIRURUT 28:64

“Atolapay kutoyokwa ECHOTYON oghömunö punton löwïr cho mi ngwïny atopöghisyechinökwa tororötin walaka cho kikigha ket nko koghïn, cho tomönye asaghakwa anta papotïnekwa.

KINONO KIRURUT 4:27

Toyenokwa ECHOTYON oghömune punton walaka, atongötunökwa nyu pich cho ngörï cho otïpisot nko pïchoni.

ESEKEL 24:11

Atolapay itigh töro tay kile kïnagh tökula löchwat tökïnagh wölo le nyïngwïtyan akïyï kuyinta sïmnyontenyi ompö ma akuwonyö wölo kikwam kutï.

YEREMIA 40:15

Atolapay kïmwochï ompö sison Yoanan wero Karea, Kedalia ompö Mispa lö, “Pïswanïn owan otïgh Ismael wero Netania amöminye chi nyo nkïtu lö kegha ne. Pö ne kïparinyi, akwigh pipö Yuda löwïr cho kighömïtï kegh wölï iminyi kïtoyö, akuwonyö pipö Yuda cho kingötï?”

YAKOPO 1:1

Ani Yakopo mötworinto Tororöt nko Echotyon Yeso Kristo,* nyo kakirwakwa atakwesak cho ochï ortïn taman nko odeny cho kyayasta oghömï ngwïny kïmïkul.

IGHISYEWUT 17:6

Akwotini kïmökïnyorcha, kuchut Yason nko kighöni walaka kïpa tawu kirwok ompö kanasyantanay akuteghyö lö, “Ketï wölete ngat pïchay kiwaghach ngwïny kïmïkul achï kapka kutöngwï kanasyantencha,

YEREMIA 50:17

“Karkegh pipö Israel nko kechir cho sökosöy ngötïny kïtoyö. Kinya kïporyeghö chane pöytoghinto Asirya anyï ye kapar kïrïngarïng chane ko Nepukadnesa pöytoghinto Papilon.

YEREMIA 4:7

Köngetunö korenyi kiwurinto Yuda, lenye ngötïny nyo köngetunö wudanyi, ngwïnöy kunyoröy korenkwa, akwigh kanastinekwa kïlïkwï kïratis, cho puryö möngot.

ISAYA 13:5

Pkono chane koro wölo lowöch, wölo teno sörömu ngwïny. Ngwïnöy ECHOTYON ompö nörekyenyi kuwuröy ngwïny kïmïkul.

ISAYA 13:13

Kïlenyona nyu, oghan yïmwöy kïpotonchö, aghan ngwïny kïpotan atökïngeta otini kömi ompö asisoni ongwïnan ECHOTYON Kimuktoghin nko nörekyenyu.

ISAYA 24:19

Köreroy ngwïnya lö tya, körero akïpasyangana akutimtimö ompö owesyö.

ISAYA 30:32

Tumöy pipö ECHOTYON cho pöghisyegho tokigh nko pïkantis otini mito nyinte kulïwöy chane kuloyö. Nyinte Tororöt nyo poryegho pipö Asirya.

ISAYA 34:2

Ompöwölo tïng ECHOTYON nörekyö nyo wow ompö pipö punton kïmïkul. Könörekyï nyinte pipö punton löwïr cho pö lïk ompö nörekyö nyo ngwan kerwokyï chane kiwurat lömïs.

ISAYA 34:10

Nöghöy korononi nangat nko pöghet. Ngetuno ighot korononi kokay. Lïku kïratyan ompö pïnway löwïr, akï möminye chi nyo lentöy tatïka kel korononi ngat kokay.

YEREMIA 51:34

Lentöy pipö Yerusalem, “Kingwïn Nepukadnesa, pöytoghinto Papilon kanasyantencha, atolapay kunyaknyakecha akï kïnïkughecha le ntara kunyïghit muyenyi tïkucha cho karamach.

NAUM 1:5

Timtimisyot kutïngkotï otini ketï ECHOTYON, nyitöy komoswö ompö tawunyi. Rïngringöy ngwïnya otini kechumï nyinte akïpotonchö pich löwïr.

ISAYA 29:2

atökwipchï Tororöt nyarïl kanasyantanoni kïkuro, “Ato kïpelo amöros pö Tororöt.” Lïku nyu rira nko kiriköt, atökekongityö kanasyante kïmïkul nko ato kïpelo amöros nyo kilum kisön.

ISAYA 32:12

Arapaka töketwekwo ompö nyarïl ompö wölo kikewur parenikwa cho okwoghöch cho körïr sapipun.

ESEKEL 6:14

Omungan chane aghan korengwa kïlïkwï kïratyan kïtïl surkwen, kïngeta surkwen ntökwitïta Ripla tonkïtunö lö ochan ECHOTYON.

ESEKEL 7:12

“Kikwitïta akikïlekïtit ato mömïchininye olin kïngarak anta oltoghin kïsönön, ompöwölo ngwïnchini chi löwïr sitenyan.

ESEKEL 7:14

Kikïkut chane kontï kwigh kegh pich kïtïpï kïpsach, wölo möminye nyo wetöy lïk, ompöwölo kyomïlchan nörekyenyan chi anka tïkwïl.