ISAYA 21:8 - PIPÏLIA

⁸ Atolapay kutegh ripintonay lö, “We Echotyon, komitan oghyongo otini oripsegho pöghet nko nangat.”

ISAYA 21:8 Referans Kwoze

1 PETRO 5:8

Otïpï kïpsach arip kegh ompöwölo mito punyontenkwa nyay le Onyöt kïwestotoy akïmororöy le ngötïny nyo möröy kïgh nyo nyïkwïdoy.

YEREMIA 50:44

“Arosa! Alatan ngötïny nyo kölïtunö wuw pö Yordan akuchumchï lö tursïs kechir cho oketïyi. Otulan lenyoni pipö Papilon kïpegha korengwa atolapay akïlan pöytoghin nyo kachaman ante ECHOTYON kïpayta korononi. Ompöwölo ngo nyo olentöy okongityo kegh nko ani? Anta ngo nyo lentöy omukanïn? Pöytoghin ne nyo ghyongo tawunyan akïtagh ngalechan?

YEREMIA 49:19

Le ngötïny nyo lepuno kegh wuw pö lalwa Yordan akuchumchï kechir cho oketïyi, ochumchinan lenyoni pipö Edom atulan korengwa kïtoyö. Atolapay otönön ante kintöghoghin nyo kachaman kïpayta korononi. Ompöwölo, ngo nyo lentöy okongityo kegh nko ani nya? Akï ngo nyo lentöy orwokyinanïn? Pöytoghin ngo nyo muköy kughyong akïtagh ngalechan nya?

YEREMIA 25:38

köpïstö ECHOTYON pikachi le wölo pïstoy ngötïny nyo wetöy sakas köpönenyi. Kalïkwï korö surkwen ompö ngot pö punyon nko nörekyo ECHOTYON nyo ngwan lakat.”

YEREMIA 4:7

Köngetunö korenyi kiwurinto Yuda, lenye ngötïny nyo köngetunö wudanyi, ngwïnöy kunyoröy korenkwa, akwigh kanastinekwa kïlïkwï kïratis, cho puryö möngot.

ISAYA 62:6

Kotönön ripï nïyetweku, we Yerusalem, cho mömïchinicha kïsisyö pöghet anta nangat. Mïchini kunonchï chane ECHOTYON kiyomisutkachi atömöwutyeghö nyinte.

ISAYA 56:10

ompöwölo köryote ripi Israel, sölwöy chane, karkegh chane nko kukïdin cho memuköcha kupkongsïyi cho rusot pat akïmi kurwotïtoy cho möro kong rïwön.

ISAYA 5:29

Karkegh kelyeko nkarinekwa nko ngötuny cho kapar tyony akïmi kwipöy kutang wudöngwa wölo memukönye ntökösörunö chane.

TUMWÖY 127:1

Ato mateknye ECHOTYON kö, kï kegh tekï ighisyö nyo pö kwïle. Ato möripnye ECHOTYON kanasyan, kï köchïkonchö ripï nyo pö kwïle.

TUMWÖY 63:6

Imitenyi kisönköchan otini orïwan pöröyunyan, ononinyi nangat ntökïyech,

2 OTÖPTINO OSIS 20:24

Nyini kitïta lïko pipö Yuda wölo kïtopöntegho ompö kor nyo le sïrkwen, kïlö kïtopön wölay mi lïkonay wow pö pung, kïsïwa chane kirïkïsus ompö ngwïny kimeghö amöminye ompö akong nyo kisöpöy.