ISAYA 20:2 - PIPÏLIA

² Kökimwochï ECHOTYON Isaya wero Amos könyis sömök cho kökikuwer kïngwïs sarankwachtin nyo kikörmönö muyenyi nko kweghkachi cho kiloköy. Kwigh lenyoni, akïwestotö kïchïrut amelö kiloköy kwegh.

ISAYA 20:2 Referans Kwoze

MATAYO 3:4

Kiloköy nyu Yoana sïro cho kikïnapa puto tamas nko angwa mu akyomöy talam nko ponit.

MIKA 1:8

Kilö nyu Mika, “Oriran asönön ompö ngalechi, ongwïsan sïro, awö kïchïrut, oriran le chepkonöw cho teghyot, arir le cheptusonkoltin.

1 SAMWEL 19:24

Kïngwïs sïrokachi nyinte akïnyal akïngorsyö ompö tawu Samwel. Akïtöpö kïchïrut asisoni kwimön akïrï kïyech. Nka nyay kingwïn mwaghatanï lentöy, “Werkoyon Saulö tïkwïl so?”

SAKARIA 13:4

Nömöy arasï osiswechoni werkoyon ompö sïwïyaghtinechi otini mwochini pich. Melokönye sampu werkoyon atökïlïs pich lö ochï werkoyon.

ESEKEL 24:23

Töpïyot kopïyen mötöwekwa alokekwa kweghkökwo. Mosönöniö anta oriryö. Ochororyotenekwa, alokyï kegh akwane akwompö ngokikwa.

ESEKEL 24:17

Mekany kelïm sönönötengu, amesönön ompö meghenyi. Ratanyi kopiyengu ailach kweghköku, mekarta kutingu anta iyam makatyanta sönönöt.”

MIKA 1:11

Opechinö kegh pipö Sapir, ape alïkuna pïnot ompö chïrutnön nko arasï. Motöp ntolïtï sany cho omöngöy kanasyanta Saanan. Mi pipö Petesel lok, nyo monyorchinekwanye chane kingörokut.

ISAYA 13:1

Anyï ngölyon nyo ngölono Papilon nyo kimwochï Tororöt Isaya wero Amos.

NGONGUT 11:3

Oyontonan söwichu cho le odeny cho loköy sarankwachtin atökwamta ngölyonto ompö Tororöt osiswechoni le 1,260.”

IGHISYEWUT 19:16

Kunkorö chichay kötïng oy chane akïporyeghö akïkarer sïrokökwa, kïghyagha pïchay köyay.

YOANA 21:7

Kïlenchï kinetananay kichömöy Yeso Petro, “Echotyon nyete!” Otini kilïm Simon Petro lö, Echotyon nyoni, kïkörmön sïrenyi (ompöwölo ki chïrut nyinte,) kukomchï pögh.

MATAYO 16:24

Kïlenchï nyu Yeso kinetankachi, “Ato mököy chi anka tïkwïl kïrïpanïn kïmïchini kusalta kegh akïkasan kimurtöwontenyi akïrïpanïn.

ESEKEL 4:5

Ompöwölo kokoninyi osis 390 cho kyoyitön lö ikösönenyi ghöyityo pipö Israel, osis karkegh nko könyis cho kigh ngokï.

2 PÖYTOGHÏ 1:8

Kuyokyï pïchay lö, “Kiloköy sampï akukicha kegh angwa mu.” Kïlö pöytoghintonay, “Eliya nyoni nyay pö koro Tispe.”

2 SAMWEL 6:20

Kïmïla Daudi atökutakwes piko katanyi. Kungwïn Mikal chepö Saulö akïtarok nyinte akïlenchï, “Wechï kökwol kegh asete pöytoghinto pipö Israel akïnganyta kegh ompö tawu tipïn cho le mötwori pikachi le ato portoy sölwöy chïrutnönengwa!”

YOSWÖ 5:15

Kïlenchï wowïnay pö lïko ECHOTYON Yoswö, “Ngwïsa kweghköku ompöwölo tïlil atoni ighyongonenyi.” Kwigh Yoswö lenyini.

WUWÖT 3:5

Kïlö Tororöt, “Merikwï yi. Ngwïsa kweghköku, ompöwölo tïlil atoni ighyongonyi.”

IGHISYEWUT 21:11

Nyini kitï wölini kikïmïtecha, kïcheng angwa Paulö nyo kiröto mu, kïrata kelyechi nko morichi akïlö, “Mwoghöy Mïkulögh nyo Tïlil lö, ‘Rötöy pipö Yaudi chichï pö angwanï pö mu le nyete ompö Yerusalem, akwonkoghchï pipö punton.’ ”

2 SAMWEL 15:30

Kipusta Daudi kutang kutïng pö Arol akïriröy akimötïngnye kwegh akuyenote mötïnyi atökuporï lö mi nyarïl. Kuyen pich löwïr mötöwekwa cho kimi nko nyinte akïpusta akïriryotoy.

TUMWÖY 30:11

Kewaghakanyi lokechan kïlïkwï ngörekyö. Kenateghenyi nyarïl ompö ani ainyïghitaninyi turönöt,

ISAYA 1:1

Sïwïyaghtin cho pö Yuda nko Yerusalem cho kiporchï Tororöt Isaya wero Amos ato kipöytoy Usia nko Yotam nko Aas nko Esekia Yuda.

ISAYA 37:2

Nyinte Elyakim nyo kiwowö kö pö pöytoghin kïmi nko Syepna nyo kile kikirin nko tïsï cho echön. Kïpa chane wölo mi werkoyon Isaya wero Amos. Akiloköy chane sarankwachtin tïkwïl.

YEREMIA 48:37

Kingwïl pich löwïr mötöwöy akïrwak tamughay akiwatawat kegh morïn akulak sarankwachtin.

ESEKEL 4:1

Atolapay kïlenchanïn Tororöt, “Yeo wero chi, chenga mataparyan aitö tawungu atolapay ichoran parak kanasyanta Yerusalem.