7 Kinyïghï kari silpa nko koltin korengwa, amöminye ato wonyot kaplawachtangwa. Kinyighï angoletinö korengwa, amöminye sörömu nkarinekwa.
Heywey! Wechï kepotyö pich cho petöy koro Misri lö tökengarakech. Mito chane kutwoytoy kegh pipö Misri cho chang cho pö lïk nko karikwa cho pö poryot, cho lata: angoletin nko nkaritin nko askarin. Wölo metwoytocha kegh ECHOTYON, Tororöt pö Israel nyo Tïlil anta tep nyinte kungarak chane.
Nyinö kötoghekwa lenyoni, amachakwa osughenö kegh pungkökwa apegha angoletin cho pïrtït, nyoman mïchini osughökwa kegh, lenyoni wölo pïrtïte pïchoni yonokwa kïmolï!
Mi pich cho montoy kegh nkarinekwa cho pö lïk, kumonto kegh walaka angoletinekwa, wölo kimontonecha kegh owesyo ECHOTYON Tororötïncha.
Lentöy nyu ECHOTYON, “Owonyan angoletinekwa lömïs ompö asisoni anyornyoran nkarinekwa tïkwïl.
Ompöwölo kikigh pipö punton löwïr kitömesyeghö kumi pïrchin pö cheporesnanenyi. Akikwigh pöytoghi ngwïny cheporesnan nko nyinte, kïmökosöchitunö mïnchïrïs pö ngwïny pïrchinoghtanyi nyo kingwïna mïrö.”
Melö sörwecha Asirya, amelö tökemontocha kegh angoletin. Melö tökemwochinecha ngat körkeyïntinekwa cho kikighecha morïn lö, ‘Ochika Tororötincha.’ Ompöwölo nyoru panana kisyonchin ompö nyï.”
Akitïng Solomon kori angoletin 40,000 cho pö nkarinechi nko pich 12,000 cho pegho angoletin.
Kyonörekyan chane ompö ngokikwa nko pïrchintöngwa, nka nyoni nyu kyachopan kong, achal chane. Wölo kighechön mötöwöy akïtas tagh kïrïp orengwa kegh.
Kitorïwan nyu nko echot cho kitïng koltin cho kinyïghit silpa korikwa