ISAYA 2:6 - PIPÏLIA

⁶ Kepakachtenyi piköku, we Tororöt, piköku cho pö ara Yakopo! Kinyïghï korengwa chepsoköytin cho kipkana Kongasis nko pipö Pilisti. Mito pich kïrïpöy otöptin cho sis.

ISAYA 2:6 Referans Kwoze

RUMI 11:20

Lata nyoni nyoman. Kikïtörtö chane ompöwölo kimeghancha, wölo ighyongonenyi atoni ompö kighanatengu, wölo mekwolö kegh nyoni, wölo ripö kegh nyoman.

2 PÖYTOGHÏ 1:2

Kichïnuna osiswechoni Aasia pöytoghinto Israel konyi nyo pö parak ompö Samaria, akïkasa nyoman. Kïyonta pich kïpa kïtep Paal Sepup, nyo kile tororöt pö pipö Pilisti nyo kimi Ekron atökunkïtunö nyinte lö ekïsöpöy nyinte ompö kösotyononi.

LOK 5:20

Kölö ne tewutyeghenechanyi nyo kogh nyo tenö nyï? Atenonechanyi ngat nya wey?

YEREMIA 10:2

“Marïp ortïna pipö punton, amomïghyö ato asïwa cho sisinchö ompö yïmwöy. Nya kimïghyö pipö punton opïn atosïwa tïkuchoni,

ISAYA 8:19

Wölo mito pich cho tepokwa lö otepunenö ngal pich cho pöghisyegho oy nko ponï, cho ngölonöy le törit. Lenchinokwa chane, “Möminye kïgh ato tepunö pich lökoy mïkulis pö pich cho kimeghö ompö paraku pich cho söpsot.”

NGÖTÏNYÖ 6:1

Werïnyu, ato ighyongchinyi pöröryengu ompö ka kirwok, aiyomisyinyi chi kïgh,

TUMWÖY 106:35

Wölo kighömö nko chane akunet kegh otöptinekwa.

NEEMIA 13:23

Kyasïwan ompö osiswechoni tïkwïl pipö Yaudi cho kip kor cho pö Asdod nko Amon nko Moap.

2 OTÖPTINO OSIS 24:20

Atolapay kungwïnchï Mïkulöwu ECHOTYON Sakaria wero tïsin Yeoyada kïpus nyinte ato le tïkumwok akïlenchï chane, “Mwoghöy ECHOTYON lö, ‘Ompö ne tapenyakwa kirurutköchan? Kïlenyona ye nyu mosïkönonekwanye, ompöwölo kyopïstekwa ECHOTYON, kikïpïstokwa nyinte tïkwïl.’ ”

2 OTÖPTINO OSIS 15:2

Kïwö kuryan nko Asa akïlenchï nyinte, “Terwante Asa, aiter Yuda nko Penchamen kïmïkul: mi Tororöt nko akwa ato tomitenökwa nko nyinte ato ayarakwa nyinte onyorunekwa, wölo ato opïstekwa nyinte kïpïstenokwa.

1 OTÖPTINO OSIS 10:13

Kïma Saulö ompöwölo kighchï ECHOTYON nyo gha. Kimarïpnye kirurut pö ECHOTYON, wölo kïwö kitepa ngal chepsoköytin

KIYITUT 23:7

Kutor Palaam kïngalan, kïlö, “Kemïtunenanïn Palak pöytoghinto Moap, Ompö Sirya, angwïnan kutïngkoti kongasis. Kïlechanïn, ‘Nyonö chïpkanïn Yakopo, nyonö gheghchinö pipö Israel.’

LAWIN 20:6

“Ato wö chi wölo mi chemöwostin nko ponï, otöghan nyinte akepesyot nko pikachi,

LAWIN 19:31

“Mewö wölo mi chemöwostin anta ponï, atömelïkwï sïmnyon. Ochan ECHOTYON Tororötïnkwa.

WUWÖT 34:16

akensyechikwa werkökwo tipikwa, kïpa tipikwa kwigh chane kïrïp tororötinekwa.

WUWÖT 22:18

“Mopïsyï korka nyo le ponin kïsöp.

1 SAMWEL 6:2

Kikur Pilisti tïsï nko chepsoköytin akïtep lö, “Kidochane Santuku Muma ECHOTYON? Omwowecha kiyodocha kïwö otini kömitö nko ne?”

ISAYA 14:29

Kakimïregh lïkïp nyo kïmungo pipö Pilisti, wölo mongörekyö. Ompöwölo ato ma moroya, kuchumu lötunyi mïnya nyo ngwan tya, ngwïno adösyonto moroy moroya nyo pilöy nyo karkegh nko ma.

YEREMIA 12:7

Lentöy ECHOTYON, “Kopïstan Israel, kataghan pikachu cho kyokïlchï kegh. Kotönön Israel mori pungkachi.

MIKA 5:12

awanyan ponï löwïr ompö akwa aparan ngorï löwïr ompö korenkwa.

SEPANIA 1:8

Lentöy ECHOTYON asisoni pö amörostanyi, “Omungan yetïntin nko werpö pöytoghin, nyoru sitenyan pich löwïr cho rïpöy asïltino pipö punton.

2 PÖYTOGHÏ 17:20

Kitagh nyu ECHOTYON pipö Israel löwïr akuchop kong chane akïpïsyï chane pungkökwa cho kipuryö kisyonöt ntökïtenö kuwonyö chane ompö tawunyi.

MIKA 5:11

Anganyan kanastine ompö korenkwa arultö wölo oghetokwa kegh,