ISAYA 2:21 - PIPÏLIA

²¹ Ghïpchegho pich pïrïmpot nko kö pönot cho mi ghatoy atoni ngwïnöy ECHOTYON kutimtimöy ngwïny atökïchïwïtyeghö nörekyenyi, akïwïnya kegh wölo mi owesyenyi nko ororyenyi.

ISAYA 2:21 Referans Kwoze

ISAYA 2:19

Pertoy pich nyu kïpetöy kïghïpcheghö köpönot anta pïrïmpot cho mi ngwïny kumukyï kïchïwïtyeghö sïnyoryo ECHOTYON nko owesyenyi nko ororyenyi nyo itu otini ngwïnöy nyinte kutimtimöy ngwïny.

ISAYA 2:10

Wïnyo kegh chane kö pönot ompö wölnö le kutïngkot anta pal pïrïmpot lö tökechïwïtyenö ompö sïngiryo ECHOTYON atökïwïnga kegh wölo mi owesyenyi nko ororyenyi!

TUM PÖ TUMWÖY 2:14

Aso cheptukwenyu nyo kewïnga kegh karerpa ghat, nya asïwan tokochungu, aikany alïman kutingu, ompöwölo anyïn kutingu akïpïchigh tokochungu.

AYUPU 30:6

Kingwangwan kïpa kïmang ngötutöy, akïmang pïrïmpot nko köpönot.

WUWÖT 33:22

Akï otini weröy töroryenyan otöninan körerutyo kagh, akartegheninyi ewunyu ntökïtenö aweran,

AYUPU 9:6

Timtimöy nyinte ngwïny kunaka otini kömi ighöy pchörinechi kïpotonchö.

ISAYA 24:18

Atolentöy chi omukyini ochïwïtöy anka ochïwïto pïrïm, kenömo ngöghöp. Ompöwölo yotisyot konyi pögh ompö yïm, kïpotonchö nyu pchörino ngwïny.

ISAYA 33:10

Mwochini ECHOTYON pipö punton kïmïkul lö, “Ongetan ye nyu, oporunan wölo ochan awes kïlïkwï.

YEREMIA 16:16

Lentöy ECHOTYON, “Arose! Kokurön nömï cho chang kïpka kïnam pïchete le nömi kaghagh. Atolapay okurön sökosï cho chang kïsakas chane ompö kutïngkot nko komos nko ghatoy nko köpönot.

2 SAMWEL 22:46

Kimeghö mutïnö pipö punton, kïpkana nöyet cho ki körtegho kegh akï potonchot.

ISAYA 7:19

Pkonöy kunyïghitöy kïghömï renkeröy nko köpönot cho mi ghatoy nko wuw pö kato nko wölo oketïyi kyakï tïkwïl.

OSEA 10:8

Kiwuröy wölo sogho pipö Israel körkeyïntin ompö Apen. Pito nyu sekut nko koto wölo kipelo amöros lenchini kutïngkot, “Akartecha.” Akïlenchï komos, “Orulchecha.”