ISAYA 2:11 - PIPÏLIA

¹¹ Itu asis ato wonyot menöto ptangengmöt, akewur kwolötenyi, ECHOTYON nyu onkït nyo kïsölöy asisoni.

ISAYA 2:11 Referans Kwoze

TUMWÖY 18:27

Isörunenyi chane cho tölose, irekunenyi chane cho ipöy kegh parak.

ISAYA 2:17

Kiwongöy asisoni kwolöto chi, akewur menöto ptangengmöt: lïku nyu ECHOTYON onkït nyo kïsölöy asisoni,

MALAKI 4:1

Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

ISAYA 24:21

Itu asis ato mungöy ECHOTYON owesyö anka tïkwïl nyo mi yïm nko pöytoghi ngwïny.

ISAYA 13:11

Mwoghöy ECHOTYON lö, “Opunan kiwurat ngwïny, anyörilan kong mwokïyis lömïs ompö ngokikwa. Owonyan menotön nyo pö pich cho le pkatis.

ISAYA 12:4

Itu asis ato tumöy pich lö, “Oyokyinö ECHOTYON sörö! Okurö nyinte tökungarakekwa. Omwochinö pipö punton kïmïkul pöghisyewut cho kegh nyinte amwochï chane wölo töror nyinte kïlïkwï!

MIKA 4:6

Lentöy ECHOTYON, Oghömïtan asisoni chona ngwolsot aghamïtï pïnotön nko chona kyomungön.

OSEA 2:18

Oman nyu muma* asisoni nko tïpö wudïn nko törit nko tïkwïn cho chuto kegh ngwïny akwompö chane, atömökïswany ngat piköchan. Ochengonan kari lïk löwïr korengwa nko chokon nko kïwantis, apïsyan piköchan kïmöngisyö ompö kalya wölo tïghume.

ESEKEL 39:22

Tökïtï nyu pipö Israel lö, ochan Echotyon Tororötïngwa kïngeta asisini kwegh tagh.

1 PETRO 5:5

Kïlenyoni tïkwïl ompö akwa chumwak, mïchinokwa oterchinö poyi kanisa. Akïmïchinokwa lapay alïkuna pich cho tölose atopöghisyechinö kegh akwane, ompöwölo lentöy Kikirut, “Töghöy Tororöt menot, wölo töni pöropchö pich cho tölose.”

2 KORINTO 10:17

Wölo kïle wölo mwoghöy Kikirut lö, “Nya kïkwol kegh chi anka tïkwïl ompö kïgh nyo kegh Echotyon.”

2 KORINTO 10:5

Kiwurecha kimölöto kegh nko kïgh anka tïkwïl nyo nisönöy akupapech pich kïlowöchitunö kinkïtöto Tororöt. Kighecha kinonut anka tïkwïl kïlïkwï naman akechikyï kïterchï Kristo,

LUKA 18:14

Kïlenchï Yeso pïchay, “Omwowokwa lö, kirot kaw kwöghinto surï, chi nyo kikelöstoghchi wölo melö Parisayontonay. Ompöwölo anka tïkwïl nyo syolöy kegh, kerekuno, akwanka tïkwïl nyo rekuno kegh kesyolöy.”

SAKARIA 9:16

Söru chane asisoni ECHOTYON Tororötïngwa ompöwölo chane kï kechiryechi. Kwörkwersot chane ompö korenyi, Lata koghïn cho pö olyot nyo wow ompö tenta nyo kilokyini möt.

SEPANIA 3:16

Kïlenchini asisoni Yerusalem, “Mewöghisïyi, we Sayon! Memïghöy kïchïntin morïn!

SEPANIA 3:11

Pikachu, melö tolïmchinekwa kegh ngat arasï asisoni, kïrïp kegh nko tighintönenkwa nyo pö tagh. Ompöwölo opuktenan menot kïpegha kwenunkwa amelö tosyolekwa kegh ngat ompö kutïngtanyan nyo tïlil.

MIKA 5:10

Lentöy nyu ECHOTYON, “Owonyan angoletinekwa lömïs ompö asisoni anyornyoran nkarinekwa tïkwïl.

OPADIA 1:8

“Onyoran pikökwa cho chïreröch ompö asisoni nyoru Edom sitenyan. Opuktenan ngöghomnyengwa kupot lö poy.

AMOS 9:11

Lentöy ECHOTYON, “Itu asis nyo ongetan paytaghpa ara Daudi nyo kirul, atek ngat nïyetkö cho kirulyö le otini kimi tagh.

YOEL 3:18

“Akwompö asisoni yinuno kutïnkot dipay cho kirïr, kuyinuna ronkotïn chö, akuyintoy lalwatïna Yuda lapay, akïghyögho kompa pögh Kö pö ECHOTYON Tororöt.

OSEA 2:21

Oyokunan asisoni sowutko pikachu, terchini nyu yïmö ngwïny sowutkachi. Mwoghöy ECHOTYON.

OSEA 2:16

Kuranïn nyu nyinte asisoni lö, “Chitanyu.” Amelö tökïkuranïn ngat, “Paaltanyu.”

ESEKEL 39:11

“Otöninan asisoni Kok wölo kïtïpchini ompö koro Israel. Kïtïpchini mpöghoghyo rutoghot ompö nanampa Paryan okumpö kongasis. Pökeköy nyu rutoghot mökuwerocha, ompöwölo kïtïpchini Kok nko söpïchiskachi löwïr. Kikuro nyu tömko Amonkok.

ESEKEL 38:19

Omwoghan nyu lö rïngringöy koro Israel asisoni nyoman ompö kililatenyan nko nörekyenyan nöghöy le ma.

ESEKEL 38:14

Kïlenyona wero chi ngora ailenchï Kok lentöy Echotyon TORORÖT, “Asisini möngisïyi piköchan Israel ompö kalya inapanyi kegh.

YEREMIA 9:24

Wölo atomököy chi kïkwol kegh, kïmïchini kïkwol kegh ompöwölo nkïtanïn akïpköchini lö, ochan ECHOTYON nyo wow chomnyot, akunkïtï lö oghan man nko kitenat ompö ngwïny ompöwölo tïkuchoni cho ochömonan kegh nyoman.” Mwoghöy ECHOTYON.

ISAYA 52:6

Onkïtunekwa ompö osis cho pkonöy lö ochan Tororöt akwani nyo kongölonwokwa.”

ISAYA 37:23

Ngo nyï imwoghenyi airoröchini? Ngo nyï isyolchinenyi kut akï ngo nyinte nyini ingwïryelenyi lenyoni? Ani Tororöt pö Israel nyo Tïlil!

ISAYA 30:23

Yokwokwa ECHOTYON asisoni rop kïnomnyö otini kaletekwa kösïghekwo, atökïpityö akïkonokwa ilö nyo wow nko sus cho omöy kyakikwa cho pitöy kïnapasa ompö paren cho pöroyöch,

ISAYA 29:18

Ato itï asisoni, kumï nyu chi nyo mingate kïlïm ngal cho kisomönuno kitapï, akïyotisyö konyi chepkarotin, cho kimöngöy wölo tuw akurosïta.

ISAYA 28:5

Itu asis ato kikongityot ECHOTYON Kimuktoghin nko akope nyo pö ororyö nyo pö tapïkoy cho pö pikachi cho le ngötunön.

ISAYA 26:1

Itu asis akonga ato tumo pich tum koro Yuda lö, Awes kanasyantencha! Tororöt nyinte nyo körtoy nïyetwechi!

ISAYA 25:9

Mwoghöy chi anka tïkwïl ato itï asisoni lö, “Tororötïncha nyinte! Kikïmitecha kekönöy nyinte, kakïsörwecha nyinte. Nyinte kï ECHOTYON! Kikïmitecha kekönöy nyinte, akemitecha ye kengörekyot aketuronchot ompöwölo kösörwecha nyinte.”

ISAYA 12:1

Itu asis ato otumekwa lö, “Osölinyi, we ECHOTYON ompöwölo kïrkegh kïnörekyaninyi, wölo kesaghsaghaninyi amelö tenörekyinaninyi ngat!

ISAYA 4:1

Itu asis ato poryegho korï cho le mut nko odeny mïrön akonga akïlenchï, “Kimuchecha kepöghe kegh akelokyï kegh sïro, wölo kaykay lïkuna santencha tökïngetenecha arasï nyo kïtïpisot kïpuryö ngetat.”

2 TESALONIKE 1:10

otini ketï nyinte Asisoni, kïtoko pikachi cho kikughan ororyö nko konyït. Olïkunekwa tïkwïl akonga nko pïchoni, ompöwölo kyaghanakwa ngalechay kikïmwowucha.

2 SAMWEL 22:28

Isörunenyi chane cho tölose, irekunenyi chane cho ipöy kegh parak.

TUMWÖY 20:8

Ngïrukisyot chane akupïtyö, wölo kïngetecha akeghyong lasiny.

TUMWÖY 46:10

Lentöy nyinte, “Osisyenö ankïtï lö, ochan Tororöt! Osïkonan ororyö punton löwïr, osïkonan ororyö ngwïny kïmïkul!”

NGÖTÏNYÖ 30:13

Mi pich cho kwolöy kegh kïtya ompö konyikwa akiköpurisyö konyikwa kïtya!

ISAYA 23:9

ECHOTYON Kimuktoghin nyo kitat. Kitat lenyoni atökuwur kwolöt nyo pö ororyö anka tïkwïl akutö arasï pipö ngwïny kïmïkul cho kïkonyïtöy.

ISAYA 30:18

Akwanyï köngisïyi ECHOTYON tökusyonchokwa. Mito nyinte kïpsach kusyonchokwa ompö wölo ECHOTYON kï Tororöt pö man. Soyönote pich cho könöy nyinte.

MIKA 2:3

Kïlenyona lentöy ECHOTYON oghchinan nyu ghöyityö kayï nyo memukonye tochïwïtyeghö. Amelö tokwolekwa kegh ompöwölo ghöyitu ompö akwa.

TUMWÖY 18:28

Ipköngenyi kitömöwontenyan, we ECHOTYON, ailöpochinenyi wölo tuw ompö ani.

TUMWÖY 46:11

Mi ECHOTYON Kimuktoghin nko acha, Tororöt pö Yakopo nyo le köpönencha. Ompö kintöghoghinto tumï. Tum pö werpö Kora.

TUMWÖY 94:2

Ngeta nyu, nyi nyo irwokyini ngwïny, ighchinö menot lenyini kömïchini!

NGÖTÏNYÖ 16:5

Ghöchini ECHOTYON chi nyo le menotyon, onkïtï nyo pö nyoman lö möchïwïtonye chichoni mungöt.

ISAYA 10:12

Wölo lentöy Echotyon, “Nyini kawanyan kïgh nyo oghan ompö kutïng pö Sayon nko ompö Yerusalem, achuman nyu pöytoghinto Asirya ompö menötenyi nko ompö kwolötenyi.”

ISAYA 14:15

Wölo nyinö kitölïku nyoni, kewirtinyi röytenö wölini le ngwen.

ISAYA 40:23

Nyinte nyo tyortoy pöytoghï cho owesöch akwigh chane kïlïkwï kwïle.

YEREMIA 12:9

Kakarkegh piköchan nko tarit nyo kerich sich tökïnam. Okurunö nyu tïpö wudïn löwïr kïpka kwam peny.

DANIEL 4:34

“Nyini kiwonyö könyiswechay le mut nko odeny arosan yïm, kuyokwï kegh kinonutköchan. Asalan nyu Tororöt nyo Töror Tya, akonyït nyinte nyo söpöy kokay. Ompöwölo pö pöyunötenyi kokay nko kokay akïtöpo pöyunötenyi ompö pïnwöy löwïr.