ISAYA 18:2 - PIPÏLIA

² Yontoy piko korononi cho ghyongchini korengwa cho wutu lalwa Nile ompö tirïpken cho kikïnapa sus cho pito wölo le nyonyön, akelenchï omïlonchenö korengwo chona kakïyonwok oryöghöy lawel! Ape omwochinö ngölyon piko korengwo nyo kipesyö lalwatïna, pikökwo cho koghöch cho köromöch akwowesöch pikökwa cho koghöch akïtïlyönglyöng porwöy, akewöghöy ompö ngwïny kïmïkul.

ISAYA 18:2 Referans Kwoze

ISAYA 18:7

Itu asis akonga ato toköy ECHOTYON Kimuktoghin ropöw cho pkono koronete kepesyö lalwatïna, mito pich cho köromöch akwowesöch, pich cho koghöch akïtïlyönglyöng porwöy, chane cho kiwöghöy ompö ngwïny kïmïkul. Pkonöy chane akïpusï kutïng pö Sayon,* wölini kïsogho ECHOTYON Kimuktoghin.

2 OTÖPTINO OSIS 16:8

Kitö kimölïknye nyo wow pipö Etopya nko Lipya, chay kitïng nkaritin nko pich cho chang cho kipöy angoletin so? Wölo ompöwölo kitwaytenyi kegh ECHOTYON kikoninyi nyinte rïntena chane.

2 OTÖPTINO OSIS 14:9

Kïsetyï Sera nyo pö Etopya kïpar kegh nko chane kungwïn nko lïk nyo pö mïrön cho makïrar nko nkaritin 300, kingwïn ntökwitï Maresya.

ESEKEL 30:9

“Oyontenan asisoni pich cho pïrtït kïpa kwotyeghö pipö Etopya cho lenchini kegh kïmi kalya. Nömöy chane tapan asis pö kinyarata Misri ompöwölo itïtoy asisoni nyo mötïny.”

WUWÖT 2:3

Akï otini kimökumukönye kïwïny ngat kïnöpchï tirïpka nyo mïnïng nyo pö awawat. Akïmala tömönchö akutö monïngay ori akïwïnchï kwenu sus cho mi kamasu lalwa.

LUKA 10:19

Kokonokwa owesyö atïkatena moroyut nko tokolonoy nko owesyö nyo orïntegho punyontonay le Onyöt akï möminye kïgh nyo atomelö chomnyenyan ompö akwa nyo muköy ntökïswangakwa.

AYUPU 9:26

Weröy söpontönyan le meli nyo kwïskwïs le sich nyo chororchini plekwa.

YEREMIA 49:14

Amwaghan ante Yeremia lö “Ketwanïn lökoyo ECHOTYON. Kökonï kut kemwochï koros lö ‘Aghamïta kegh atolapay apkan agham oporyeghö koro Edom.’

OPADIA 1:1

Anyï ngölyon nyo kingor werkoyon Opadia, le wölo kimwochï ECHOTYON Tororöt paraku pipö Edom. Kiyoktö ECHOTYON mötworintenyi tökïwö kïmwochï pipö koros ngölyontenyi akikelïmacha lö kimwa lö, “Agha kegh lasiny! Apkana kepe keporyenö nko pipö Edom!”

APAKUK 1:7

Ighöy chane mïkulis pö pich kïmïghyö akïpotonchö akïkwol kegh ntökunan lö möminye kïgh nyo ighöy chane nyo lelate.