ISAYA 17:10 - PIPÏLIA

¹⁰ Kowutyeghekwa, pipö Israel, Tororöt nyo sörwokwa akïkartakwa le ghat nyo wow, apekwa akatkat ket atasagha tororötin cho sis.

ISAYA 17:10 Referans Kwoze

YEREMIA 2:32

Ayo, muköy so työ kïwutyeghö karichi cho mino kegh, anta muköy mïraru kensyö kïwutyeghö sïrokachi? Wölo kiwutyeghanïn piköchan ompö osis cho meyitisyocha.

ISAYA 26:4

Aghana ECHOTYON kokay, körtonecha nyinte kïtenö osis.

KINONO KIRURUT 32:18

Kïwutyeghö chane Ghatyengwa, Tororöt nyo kigh chane. Tororöt nyo kitö chane söpon.

TUMWÖY 106:21

Kiwutyeghö Tororöt nyo kisöru chane, ompö töngönchin cho kigha koro Misri.

KINONO KIRURUT 32:4

“Ghat ECHOTYON akutenate ighisyenyi, ompöwölo pö man ortïnechi. Tororöt nyinte nyo möwöghokonye nyo puryö lelut, ighöy nyo karam amöminye lïsa.

OSEA 8:14

“Ompöwölo kikïwityeghö pipö Israel ighintengwa, akïtekyï kegh korïn echön. Kïtek Yuda kanastin cho chang akuyokir nyoman, wölo oyokyinan ma kanastinechi, nyo pelöy kuwonyö wölona tigho kegh.”

YEREMIA 17:13

Nyi, we ECHOTYON, nyo ichï kikönöto Israel. Nömöy arasï chi anka tïkwïl nyo töghinyi. Potyot pich cho pïstoninyi le kaynötut cho kikikirchï terïtyon. Ompöwölo kïpïstinyi chane, we ECHOTYON, nyi nyo ichï kompö pögho söpon.

YEREMIA 12:13

Kingor chane nkanun, wölo kil kato. Kisïng chane nyoman wölo mönyorïcha kïgh. Ompö nörekyenyan nyo ngwan lakat, ilö nyo sïköy chane kï arasï kwïle.”

ISAYA 51:13

Kewutyeghenyi so ECHOTYON nyo kighinyi, akughïtö wölnö le mïröt akïtek pchörin cho tighöy ngwïny? Akwompö ne tetöpenönyi ompö nyökoryö ompö pich cho reyinyi nko cho mi kïpsach kïparinyi? Melö tökumuköy sïngiryengwa kïswonginyi ngat.

ISAYA 12:2

“Ghetintenyan Tororöt, otighonan kegh nyinte amowöghanye kïgh. Ompöwölo konanïn ECHOTYON owesyö, ghetintenyan nyinte.”

TUMWÖY 106:13

Wölo kïwutyeghö chane ighisyewutkachi panini amelö kitö kïter kirurötenyi.

TUMWÖY 85:4

Yokwecha, we Tororöt pö sörunötencha, ainategha nörekyengu ompö acha!

KINONO KIRURUT 32:31

Nkït pungkökwa lö, melö tïng tororötinekwa owesyö, amelö karkegh nko Tororöt pö Israel.

TUMWÖY 79:9

Ngarakecha, we Tororöt pö sörunötencha, ompö ororyeto kaynengu sörwecha ailöstowecha ngokicho ompö kaynengu.

1 OTÖPTINO OSIS 16:35

Mwochinö nyinte lö, “Sörwecha we Tororöt Sörunintencha nyoryecha löwïr aisörunenecha pungköcho atökeyokyinöcha sörö kaynengu nyo tïlil.”

KINONO KIRURUT 32:15

“Kinöryö pipö ECHOTYON, wölo kimen, kinöryö chane akïpïghyö, atolapay kïpïstö Tororöt nyo kigh chane, akïsas Ghatyengwa nyo pö sörunöt.

KINONO KIRURUT 28:30

“Olotokïnekwa kor wölo rïwotoy chane nko pikö walaka. Otekekwa korïn, wölo melö omöngekwa. Okötkötekwa sapipun, wölo melö omekwa akwe.

KINONO KIRURUT 8:19

Wölo ato owutyeghekwa ECHOTYON Tororötïngwo arïp tororötin walaka, omwowokwa lö owonsokwa nyo mötïny.

KINONO KIRURUT 8:14

Malïkwï pich cho le menot, atömowutyeghö ECHOTYON Tororötïngwo nyo kimïtunenokwa koro Misri ongetunenö sekeynön.

KINONO KIRURUT 8:11

“Orip kegh nyu tömowutyeghö ECHOTYON Tororötïngwo atagh kirurutkachi löwïr chï omwowokwa asete.

KINONO KIRURUT 6:12

Wölo orip kegh atömowutyeghö ECHOTYON nyo kimïtunenokwa koro Misri, wölanye kyochikwa sekey.

LAWIN 26:20

Akïwir wuw ighisyewutkökwa ompöwölo melö tökïrïröy pagh ompö korenkwa anta akwa ket.

LAWIN 26:16

onkïtön nyu wölo odenokwa. Owironekwa mïghö nyo pö sömewut cho ghach aköryökwa ayuyö ntömeghö. Ongorekwa paghekwo wölo melö omekwa, pöyitu pungkökwa.

SEPANIA 1:13

Kïsöro pïchoni tïkukwa lömïs akewur korikwa. Akïrkegh kïlö kïteköy korïn, mömöngöcha korichoni. Kïrkegh kïlö kïkötkötöy sapipun, mögheghöcha dipay* pö ketichoni.”

AMOS 5:11

Kïlenyona kïrkegh katek kori koghïn cho kipötöy melö omöngekwa nyonikïny. Kakatkatakwa sapipun cho karamach, wölo melö ogheghekwa dipaykakwa* nyonikïny. Ompöwölo opïrekwa mey, asara paghekwa pö nkanun.

OSEA 4:6

Kikuwongwï piköchan ompöwölo menkïtcha kïgh, ompöwölo kataghakwa chïreryö, kïlenyona otöghokwa tïkwïl. Melö tochikwa tïsichan ngat, ompöwölo kowutyeghekwa kiyomisut pö Tororötïngwo, kïlenyona owutyeghonan tïkwïl monekwa.

TUMWÖY 65:5

Kewöghökunyi aisörwecha ompö töngönchin, we Tororöt, nyo le sörunötencha. Twoytoninyi kegh pich ompö ngwïny kïmïkul ntökwit sörömu nanam.

TUMWÖY 31:2

Terwante! Sörwante nyete le ye! Lïkuna köpönenyan nyo oghïponan nko wölo tïghume.

TUMWÖY 18:2

ECHOTYON kï ghatyenyan akï wölo oghïponan kegh akï sörunintenyan Tororötïnyan kï ghatyenyan nyo orïpchinan. Longenyan nyinte akï owesyo sörunötenyan, pchörinyan nyinte.

TUMWÖY 9:17

Petöy mwokïyis ngwen nko pipö punton löwïr cho wutyegho Tororöt.

ISAYA 17:9

Kisuro kanastin cho tïghume ato itï osiswechoni, le kanastina Ipiti nko cho pö Amori ato kipertegho chane pipö Israel.

ISAYA 18:5

Ompöwölo wuröy punyon pipö Etopya kïle kwïle, kïle wölo mutïtoy rotwö mori keti sapipun kïtomö kïpïtï akwechi, otini kawirta tapïkoy akïrörochö löwïr akïnam akwa.

ISAYA 25:4

Köryöwï meyï nko pönon wölo imitenyi akïchïwïtyö chane ompö osiswo kömpölelut. Ikörteghonyi chane chepkiriri aitö rurwö nyo wuro ompö kilayat nyo ngwan, ompöwölo ngwan poryo pkatis le pïchpïch nyo ngongöy korïn,

ISAYA 30:29

Wölo ongörekyokwa cho ochï pipö Tororöt, atum le wölo odokwa nangat ato kyomöy akor nyo tïlil. Ongörekyenö le pich cho kutöy pkurerun akïpetöy kïpustoy Kö pö ECHOTYON Tororöt nyo le ghetöy Israel.

ISAYA 33:2

Isyonchecha, we ECHOTYON. Nyi nyo kikönecha. Kartecha yekon anka tïkwïl, aisörwecha ompö osiswo nyarïl.

ISAYA 44:8

Mowöghisyö, we pikachu! Onkïtökwa kïngeta otini le awïyay nko nyete le ye lö kyangoran tïkwïn cho ighisyot achikwa söwichan. Ekïmi tororöt anka nya? Ayo, mi ghatya anka nya? Tomönye alïman nyu nyona!”

ISAYA 61:10

Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.

ISAYA 62:11

Lechini ECHOTYON pipö ngwïny kïmïkul, omwochinö pipö Sayon lö, “Ngwïnöy ECHOTYON kïsörwokwa, akungwïnöy nko pich cho kikïsörï nyinte.”

YEREMIA 3:21

Kakïlïma kiteghat kutïngkot parak. Mi pipö Israel kïriryot akïsönönsot, ompöwölo kikïtosonchö ompö ortïnekwa, akiwutyeghö ECHOTYON Tororötïngwa.

ESEKEL 23:35

“Kïlenyona lentöy Echotyon TORORÖT, ominyi pïrchintöngu nko chepkartananengu ompöwölo kiwutyeghaninyi aipörtochï patagh.”

YOEL 1:17

Kömeghö kösïgh ompö ngwïny, mökïmicha pagh cho kitöni töpoton, akikïwïryö töpotoni, ompöwölo mökïrïrcha pagh.

ESEKEL 22:12

Chengöy pich ompö nyi asoya tökïmïlta kisön, ghoköy walaka yiyöwo ropïyen cho kemangta lö tökesïkönonö, akyowutyeghanïkwa. Mwoghöy Echotyon TORORÖT.