ISAYA 15:4 - PIPÏLIA

⁴ Riryot tya pipö Espon nko cho pö Eleale ntökelïma Yaas. Köriryö pipö lïk cho pö Moap akiwonyeghö nyakanat chane lökïr.

ISAYA 15:4 Referans Kwoze

YEREMIA 48:34

“Kiriryö pipö Espon kelïma Eleale nko Yaas akïghömï kor, kïngata Soar ntökwit Oronaim nko Eklat Syelisyiya. Kikïteny ompö lalwa Nimrim.

NGONGUT 9:6

Möro nyu kong pich meghat ompö oroyechoni kï mut, wölo mönyorucha. Lentöy tïkïmeghö, wölo rïpo meghat chane.

YONA 4:8

Nyini kipusï asis, kuyokwï Tororöt yomöt nyo kila nyo kingwïna kongasis. Kïpel asis Yona möt nyo kirich kïryalta. Kïlenyona kïsom meghat kïlentöy, “Kaykay ameghan kïtïl osöpön.”

YONA 4:3

Kïlenyona ECHOTYON paranïn. Osoghinyi lö, nya ameghan, ompöwölo kaykay ameghan kïtïl osöpön.”

YEREMIA 20:18

Kilïkwï ne tölïtwan sany, olïtunan muyeto yonyu nya wey? Ayo, kyolïtwan so sany atonyorï nyarïl nko sönönöt, atolapay amang möngot nyo pö arasï?

YEREMIA 8:3

Köykoyöy nyu atoni meghat kïtïl söpon pïchay löwïr kingötï ompö wop tïkwïl wölanye kyotoytoyan chane. Mwoghöy ECHOTYON Kimuktoghin.

1 PÖYTOGHÏ 19:4

Atolapay kïweghö Eliya atoni onkït kwimön kutang surkwen. Kumungö ket ghït akïsagh lö opï kameghan, kïsagh lö, “Heywey ECHOTYON, melö tomukan. Osoghinyi ye lö chenga söpontönyan, ompöwölo melö ochan karam kïtïl werkoyi walaka cho kimi tawunyan.”

KIRWOKÏ 11:20

Wölo melö kighan Sion pipö Israel kuwer korenyi. Kïlenyona kïghamïtï piko lïkenyi löwïr akïtek möngengwa kanasyanta Yaas akïporyeghö nko pipö Israel.

YOSWÖ 13:18

nko Yaas nko Kedemot nko Mepat

KINONO KIRURUT 2:32

Kïkany otini kingwïn Sion nko pikachi löwïrcho pö lïk atökïporyeghenecha ompö Yaas,

KIYITUT 21:23

Wölo kïtagh Sion kuwer pipö Israel korenyi, kutuyö pikachi löwïr akïwö kutang Yaas wölnö le surkwen akïporyeghö pipö Israel.

KIYITUT 11:15

Ato ighwaninyi le nyï, iparanïn pat, ompöwölo mochömanye osïwïyi ngal cho lata chï.”

TOWUNÖT 27:46

Atolapay kïlenchï Repeka Isak, “Motïngetanye ngörekyö nyonikïny ompö mïkulöwunyu osiswechete ompö tipichï pö pipö Ititi. Ato töp Yakopo ntökïlö opöy työ nyo pö tipichï pö pipö Ititi chï karkegh nko tipichï pö koronï, kïtö kunyiwu ne söpontönyan nya?”

KIYITUT 21:28

Kinagh asistanka Espon, kinam ma kanasyanta Sion. Akunyar kanasyanta Ar nyo pö Moap nko yetïntino roroköyi Arnon.

YEREMIA 48:21

“Kikwitïta ato kirwokyini kanastinechï mi okumpö mösop: Olon nko Yaasa nko Mepat nko