ISAYA 15:2 - PIPÏLIA

² Kïpusta pipö Dipon wölo kïsogho körkeyïntin akïriryö. Kiriryö pipö Moap, kïrirchï kanastina Nepo nko Medepa ompö nyarïl, kirwach mötöwekwa nko tamughayikwa ompö nyarïl.

ISAYA 15:2 Referans Kwoze

YEREMIA 48:1

Anyï ngölyon nyo kimwa ECHOTYON Kimuktoghin, Tororöt pö Israel paraku Moap, “Heywey akwa pipö Nepo! Ompöwölo kakinyar kanasyantenkwa kakïrïnta kanasyanta Kiryataim kïnam arasï. Kakïwir nayatu kiwakatenyi kïpïn lö pörös!

LAWIN 21:5

“Mötöröröcha tïsï mötöwekwa anta silsil tamughayikwa anta mut porwöyikwa kuporï lokekwa.

YEREMIA 48:18

Akwa pipö Dipon, orökunenö ngöcherwekwo cho pö ororyö apkana otïpino ngwïny terïtyon. Ompöwölo kikwitï kinyorinto Moap Wuröy wölo oryoghchinekwa tawïngena kegh

ISAYA 3:24

Itu nyu asis ato, nyinö köteyilo kegh pich mwagh nyo anyïn, kworöritu chane, nyinö kötöroto kegh mu angwoy kïrata kegh pörköy, nyinö köteghöy putekwa kïpïchighitu, kïlïkwï palurtin, akïnyinö köteloköy sïro pö katani, kulak sarankwachtin. Wöghöko pïchighyengwa kïlïku arasï!

KINONO KIRURUT 34:1

Kïweghö Musa tömköyi Moap akïpus kutang kutïng pö Nepo akïwö ntökwit kutïng pö Piska parak kongasispa Yeriko. Kuporchineghö ECHOTYON atoni koroswechï löwïr, kïngata koro Kiliad okumpö ewu löt ntökwit kanasyanta Dan

KIYITUT 21:30

Kikuwonyö monekwa, kïngeta Espon ntökwit Dipon. Akïngeta Nasyin ntökwit Nopa nyo lekïto Medepa.”

ESEKEL 7:18

Kulokyï kegh sarankwachtin akïnam chane nyarïl akulum arasï konyikwa akïrwach mötöwekwa löwïr.

YEREMIA 48:31

Kïlenyona osönönchinan Moap, oriran akwompö pipö Moap löwïr olokan akwompö pipö Kireres tïkwïl.

YEREMIA 47:5

Karwak pipö Kasa mötöwöy akwompö sönönöt kewonyö kïlïkwï kïratyan kanasyanta Askelon Ayo akwa pipö Anakim cho köngötï, owötowötekwa kegh porwöy ompö sönönöt nko oyï nya?

YEREMIA 7:29

“ ‘Akwa pipö Yerusalem! Arwaka mötöw asönön! Oriryeghenö kutïngkot parak le ato kama chi, ompöwölo kataghakwa ECHOTYON, akwa pïnï kotyorï nörekyenyi!’

ISAYA 22:12

Kimi Echotyon, TORORÖT Kimuktoghin kïkurokwa asisoni lö oriryenö ateghyö ompö nyarïl, angwïl mötöwekwo alak sarankwachtin.

ISAYA 16:12

Kesus kegh kwïle pipö Moap lö kïlentöy kïpetöy tïkumwok, atökïsagha chane wölini tïlil, wölo menyiwunye kïgh ompö chane.

ISAYA 16:7

Riryot asïyech pipö Moap ompö nyarïl nyo nyoru. Riryot chane kïmïkul otini kenan omisyewut cho karamach cho kyomo chane kanasyanta Kirareset. Kitulöy chane akenor lasiny.

ISAYA 15:3

Akulach sarankwachtin pich cho kipestegho ortïna kanastin. Kiriryeghö pich kwenu kanasyan nko paraku korïn wölo le pörkö.

ISAYA 14:31

Oteghenö ariryö akwa kanastina Pilisti! Omïghyenö, atyö akwane lömïs! Ompöwölo anyinö polta terïtyon kengwïna okumpö löt! Pipö lïk chane cho setu, amelö mi chi nyo körtoy.

AYUPU 1:20

Kïnget nyu Ayupu akïkarer sïrokachi ompö nkwonïn akïrwach mötïnyi, atolapay kupïtyï ngwïny

KINONO KIRURUT 14:1

“Ochikwa pipö ECHOTYON Tororötïnkwa. Kïlenyona mawat nyu porwöyikwo amarwak mötöw ato ma chi.

KIYITUT 32:38

nko Nepo nko Paal Meon (nyo kikïwaghach kayne) nko Sipma akïmïnchï kaynötut kanastin cho kitek chane.

KIYITUT 32:3

“Koronay kingarak ECHOTYON pipö Israel kïcheng, choni kï Atarot nko Dipon nko Yaser nko Nimra nko Espon nko Eleale nko Sipma nko Nepo nko Peon, kï kor nyo karam ompö kyak, ompöwölo kïtïngetecha kyak cho chang nyoman,

LAWIN 13:40

“Ato pech chi möt kïklïku palor, wölo melö ighöy nyoni nyinte kïlïkwï sïmnyon.

KIYITUT 21:28

Kinagh asistanka Espon, kinam ma kanasyanta Sion. Akunyar kanasyanta Ar nyo pö Moap nko yetïntino roroköyi Arnon.

2 SAMWEL 10:4

Kïnam Anun mötworichay pö Daudi akïrwak tamughayikwa kareran mut sïrokökwa kïngata löpisöy kwapta atolapay kïyon.

YEREMIA 3:21

Kakïlïma kiteghat kutïngkot parak. Mi pipö Israel kïriryot akïsönönsot, ompöwölo kikïtosonchö ompö ortïnekwa, akiwutyeghö ECHOTYON Tororötïngwa.

YEREMIA 47:2

“Arosa! Keghumonï pögh cho rökuno okumpö löt, lïku lalwa nyo nyïghiti puseryonta kïnyalta. Lumöy puseryontononi kor nko tïkwïn cho mi kor, ametukönye kanastin nko pich cho möngöy ori. Riryot pich kengarak, loksot kuteghyot pich cho möngöy koronete

YEREMIA 48:35

Amelö tochöman, ante ECHOTYON, chi anka tïkwïl ompö koro Moap nyo pusöy kutïngkot akïwö kïpelchï amöros tororötïnyi.

ESEKEL 27:31

Akirwach mötöwöy akulach sarankwachtin akwompö nyi. Atolapay kïriryö ompö ngwonïn akïsönöniö ompö akwa.

ESEKEL 30:2

kïlenchanïn, “Wero chi, ngorsyenö lö lentöy Echotyon TORORÖT, Oriryenö, alentöy, ‘Heywey nyï asista!’

AMOS 8:10

Oghan ichontinekwa kïlïkwï rira, kïlïkwï tumwöyikwa löwïr lok. Oghokwa alaka sarankwachtin, angwïl mötöw, le pich cho lokyini megha monïng le akonga kïpoto, akï ngwonitu nyarïl asisoni lakat.

1 OTÖPTINO OSIS 19:4

Kïnam Anun mötworichay pö Daudi akïrwach tamughayikwa akïtök sïrokökwa kïpesöy akïyon kïpa.

YEREMIA 49:3

“Akwa pipö Espon, osönönchenö! Ompöwölo kikewur kanasyanta Ai! Akwa tipö Rapa, okörmönchinö kegh sarankwachtin ariryö, otïpökpokö olïtöy köser. Ompöwölo kikewï tororötïnkwa Milkom, kikewï nko tïsichi nko mötworichi.