ISAYA 13:7 - PIPÏLIA

⁷ Nyörkölölitu nyu atoni ewuno pich kïmïkul, akuwonyö sirmöy pö chi anka tïkwïl.

ISAYA 13:7 Referans Kwoze

ESEKEL 21:7

Ato tepinyi chi lö ne nyï ilokonenyi, imwochï lö ompö ngal cho pkonöy. Otini ketï, wiröy chane mïghö, akïchïntoy morïn, akïmeghö mutïnö, akïwir kegh kutïngöy ompö potana. Ighisyot ngalechoni nyo mötïny, akikwitï asisoni.” Mwoghöy Echotyon TORORÖT.

NAUM 2:10

Wechï kinyara Ninawi akïtoyeghö pich! Kalïkwï kïratyan nyo tuw! Kimeghö pich mïkulis akïkwangkwang kïgh kutïngöy akïruronchö.

NAUM 1:6

Otini kanarek ECHOTYON, ekï ngo nyo lenchini kegh ongötu? Ngo nyini lentöy oköngöy sïngiryenyi nyo ngwan nya? Mïlu kegh nörekyenyi le lyopöt pö ma, pespesöy ghatoy kïlïkwï terït le kwïle.

ESEKEL 7:17

Wonyot ko chane löwïr akïpotonchö ompö mïghö.

ISAYA 19:1

Anyï ngölyon nyo ngölono koro Misri. Itu ECHOTYON koro Misri, akungwïno poltoy cho ryöghöy lawel. Potonchegho körkeyïntinö tawunyi cho soghöy pipö Misri. Wonyegho nyu nyakanat pïchoni pö Misri.

YEREMIA 50:43

Kalïm pöytoghinto Papilon lökoyechoni akïmïgh lö chïrïm kïlïkwï morïn pörköy, akïnam ngwonïn nyinte, ngwonïn nyo lata nyo pö korka nyo kïghöy.

ISAYA 51:20

Pïtyot pikökwa ompö nyörkölelyö, ompö ara kanasyan anka tïkwïl. Lata cheptirkich nyo kanam ngöghöpo sökosin. Könyorï chane nörekyo ECHOTYON, kanam chane sïngiryo Tororöt.

ISAYA 37:27

Melö kitïng pich owesyö cho kimöngöy kanastinechoni. Kikigh chane kwotyö akïtangany. Ki karkegh chane nko suswo paren anta ratak cho kipita pörkö, nyo otini kela asis nyo kutuno yomat kongasis, kïsilonchö.

WUWÖT 15:15

Kyam nyarïl kirwokoti Edom, köpotonchö kintöghoghi Moap, kömeghö mutïnö pipö Kanan.

YOSWÖ 2:11

Nyini kikïlïmacha, kïmeghecha mïkulis amelö kingötyï chi anka tïkwïl nyakanat akwompö akwa, ompöwölo ECHOTYON Tororötïnkwa kï nyinte nyo mi yïm parak nko ngwïny.

TUMWÖY 58:7

Nya kuwer le pögh cho yintoy, nya ketïkata le sus cho mi arawet.

YEREMIA 51:30

Kikelot lïko Papilon ompö poryot köwïnchï kegh wölo mi teköwekwa amökïtïngcha owesyö nyonikïny karkegh nko kor. Kikeriy kukot pö körin ompö kanastina Papilon, akepela ma korikwa cho möngöy.

ESEKEL 21:12

Rira aitegh, we wero chi, ompöwölo pö chokonï piköchan nko kintöghoghi Israel löwïr. Kiketötö chane kepar nko piköchan walaka löwïr. Kïlenyona chala nyu,

NAUM 2:11

Kunko ye nyu kanasyanta Ninawi nyay kilata köpöno ngötuny, wölo kipöy ngotïny panyechi, akïwïnchï warechï tömam kïgh?