ISAYA 13:6 - PIPÏLIA

⁶ Oteghyenö ompö ngwonïn, ompöwölo kalekïtit asispa ECHOTYON ato ipu Kimuktoghin kiwurat.

ISAYA 13:6 Referans Kwoze

YOEL 1:15

Kikïlekïtit asispa ECHOTYON ato ipu Kimuktoghin kinyarat, Heywey, ghöyitu asisoni kïtya!

SEPANIA 1:7

Kirikï asispa ECHOTYON nyo pö kirwok, kïlenyona, isis chi lasay ompö tawu Echotyon TORORÖT. Kikïsat ECHOTYON amöros akïkur toechi cho kikïl.

AMOS 5:18

Heywey akwa cho opïrchini kwitï asispa ECHOTYON! Ngörokekwa lö ne asisoni nya wey? Ompöwölo lïku tuwïn asisoni ompö akwa, melö löpoyïn.

ISAYA 13:9

Itu asispa ECHOTYON asis nyo pö ngwonïn, nyo nörekyenyi nko sïngiryenyi. Kighöy ngwïny kïlïkwï surkwen, akewur mwokïyis cho mi wöloni lömïs.

NGONGUT 18:10

Ghyongo pöytoghichoni ato low, ompöwölo wöghöy lö nyorwech ana nyarïl pö kanasyantanoni akïlö, “Heywey! Nyarïl nyo tya nya wey ompö kanasyantanï wow pö Papilon! Ompöwölo ketunyi lawel nyarïltangu ompö kirwoko Tororöt!”

YOEL 2:11

Ngölono ECHOTYON lïkenyi, ompö kut nyo wow. Ompöwölo wow lïkenyi nyoman, meyitisyotcha chini rïpöy ngölyontenyi. Wow asispa ECHOTYON akï pö otyogh, ngo nyo lentöy oköngöy?

YEREMIA 51:8

Anyona ye nyu körul Papilon Kamutmuta lö tursïs! Osönönchinö nyinte! Opunö sakïtyan kenyïrena wölo chiröy, töptoy ostoy ana.

ISAYA 34:8

Ato mi nyu ato söru ECHOTYON Sayon* akutökyï pungkachi ghöyityengwa.

ISAYA 2:12

Ighöy ECHOTYON Kimuktoghin asisoni chi anka tïkwïl nyo awes kïmïnïngitu, chi anka tïkwïl nyo kwolöy kegh akï menotyon,

YAKOPO 5:1

Oterwante pich cho ochï sïkon! Oriryö, alokyö ompö nyörilwok cho itwokwa!

MALAKI 4:5

“Arosa nyu! Oyonunan werkoyon Eliya kïtomö kwitï asispa ECHOTYON, asis nyo pö otyogh nyo wow nyoman.

SEPANIA 1:14

Kikïrikï asisoni mamïnïng pö ECHOTYON, kikïlekïtit nyoman, anyona kikwitï kukat! Ngwonöch ngala nyoman asisoni, ompöwölo riryot akïmeghö mutïnö ompö chini le nyökon!

YOEL 2:31

Wengo asis kïtuwitu pïrïritu arawa le kisön kïtomö kwitï asisoni pö ECHOTYON wow akï pö otyogh.

YOEL 1:13

Ay akwa tïsï, alaka sïro cho poru lö omitekwa lok, oriryenö cho opöghisïyi ompö ato kïtïsisyegho. Olïtö Kö pö Tororöt alaka sarankwachtin kïyech, akwa chona opöghisyechini tororötïnyan. Ompöwölo mömicha ropöwo pagh nko cho kïgheghöy cho töketötoy kïpa Kö pö Tororöt.

YOEL 1:5

Ay, akwa ptömösï ongetyenö alokyö. Ochoghö rira lapay ptamasispa dipay,* ompöwölo kikechïchuk, amökïlïtönye kutïwekwa.

ISAYA 14:31

Oteghenö ariryö akwa kanastina Pilisti! Omïghyenö, atyö akwane lömïs! Ompöwölo anyinö polta terïtyon kengwïna okumpö löt! Pipö lïk chane cho setu, amelö mi chi nyo körtoy.

AYUPU 31:23

Ompöwölo kyowöghan nyarïl nyo yoku Tororöt, kimokönganye agh kïgh nyo lata nyoni ompö tawunyi.

YOEL 1:11

Kiwöghisyö ngori paren kiteghyö ripi sapipun ompöwölo puryö nkanun nko matay, ay möminye kïgh nyo tökeköso par.

ESEKEL 21:12

Rira aitegh, we wero chi, ompöwölo pö chokonï piköchan nko kintöghoghi Israel löwïr. Kiketötö chane kepar nko piköchan walaka löwïr. Kïlenyona chala nyu,

YEREMIA 49:3

“Akwa pipö Espon, osönönchenö! Ompöwölo kikewur kanasyanta Ai! Akwa tipö Rapa, okörmönchinö kegh sarankwachtin ariryö, otïpökpokö olïtöy köser. Ompöwölo kikewï tororötïnkwa Milkom, kikewï nko tïsichi nko mötworichi.

ISAYA 65:14

Tumöy chane ompö ngörekyö, wölo orirsokwa ompö nyarïl.

ISAYA 52:5

Anyï ye nyu kegha kïgh nyo lata nyoni ompö koro Papilon. Ochikwa rötote akï möminye kïgh nyo kikyalenakwa. Kwolöy kegh pïchoni pöytonokwa akunisonchö akïsasanïn.

ISAYA 23:1

Anyï ngölyon nyo cheröy Tiro. Oteghyenö ompö nyarïl pïchï opegho melino Tarsis! Ompöwölo kakiwur möngenkwa kïtuwit, möminye kö nyo köngötï anta wölo kïlïtöy. Kikïngongchï chane lökoyechoni otini kingetunö melinekwa koro Kupro.

YEREMIA 25:34

Akwa mösöw, osönönienö, ariryö! Akwa kintöghoghi okwotïn, omelmelö aryon. Ketïta ato kïyengekwa nko ato kitoytoyonekwa kïmutekwa sïghiny le makal nyo kikekïl lö lïku peny.

ISAYA 10:3

Oghekwa ne ato itï asis nyo kichopokwa? Oghekwa ne ato ipï nyinte rïmöt nyo ngwïno wölo low wölo omitekwa? Orïpchinekwa onö tonyorunö kingarakat? Owïnchinekwa onö sïkönötengwa?

ISAYA 10:25

Ompöwölo tomönye kite kuwonyö kichopatenyan ompö akwa, atökutang nyu kiwuratenyan wölo mi chane.

ISAYA 14:23

Owöghökan korononi kïlïkwï wölo möngöy chemasinchen akïlïkwï takaray, opuktenan korononi kïlowit ompö kopukyonto kiwurat.” Mwoghöy ECHOTYON Kimuktoghin.

ISAYA 34:2

Ompöwölo tïng ECHOTYON nörekyö nyo wow ompö pipö punton kïmïkul. Könörekyï nyinte pipö punton löwïr cho pö lïk ompö nörekyö nyo ngwan kerwokyï chane kiwurat lömïs.

ISAYA 47:11

Kïlenyona, itunyi ghöyityö, akï möminye panengu nyo muköy kuyoda. Mirinyi kiwurata lawel nyo melö kikönenyi!

ISAYA 61:2

amwatïta lö kikwitïta ato pöropchini ECHOTYON pikachi, nko asis nyo tökisïyi Tororötïnyo, tökïnyorï saghsaghat pich löwïr cho riryot,

ESEKEL 13:5

Melö kip kïrïp adoketis cho ponkos anta tek nïyet cho kirulyö tökïgheta kegh pich ato ngwïn poryot ompö asis ECHOTYON.

DANIEL 5:9

Kïmïgh Pelsyasar tya akïwoyö kupöl kirwokotichi kïgh nyo ighöy.

DANIEL 5:26

Nyï kï waghakatenyi nyo pö ngalechoni, MENE kï: kikuyit Tororöt osiswo pöyunötengu lö kikuwonyö.

SAKARIA 14:1

Arosa, kikïrik asispa nörekyo ECHOTYON! Pkonöy pung kïchengöy tïku kanasyanta Yerusalem akïchöghchï kegh kurosu chane.

ISAYA 63:4

Kyamwaghan lö kikwitïta ato kïsöru piköchan. Ketïta nyu ato kichopöy kong pungkökwa.

YOEL 2:1

Akuta kontï ompö Sayon,* kutïngtönyan nyo tïlil. Nya kïpotonchö piko kore kïmïkul. Ompöwölo ngwïnöy asispa ECHOTYON lawel.