ISAYA 11:5 - PIPÏLIA

⁵ Lïku man angweto muyenyi nyo röto kegh, akïlïkwï kighanata angwa nyo röto kegh.

ISAYA 11:5 Referans Kwoze

EPESO 6:14

Kïlenyona otïpinö kïpsach, akichena kegh man le angwa mu, alak tïliyö le alakam,

1 YOANA 1:9

Wölo ato kïngangacha akelasta ngokicho, ghanate Tororöt akwighöy man. Löstewecha nyinte ngokicho akïmwatecha ompö ghöyityenyo anka tïkwïl.

2 KORINTO 6:7

ompö amtaghtancha nyo pö man nko ompö owesyo Tororöt. Lïku man karicha cho kïporyegho akeripo kegh ompö ewu tagh nko nyo pö löt.

ISAYA 59:17

Loköy nyinte man le ato kiloköy karïn nyo körtoy takat nko rïntagh le kopiyo. Lokyini kegh machat nyo awes atökwigh tïkwïn kuten akuchop kong kutak tïkwïn cho kewongunö pich.

ISAYA 25:1

Ichinyi Tororötïnyan, we ECHOTYON, okonyïtinyi asal kaynatengu. Ompöwölo keghanyi tïkwïn cho pö töngönchin, kepuntenyi ompö man möchutköku cho kitatanyi könyisyok.

NGONGUT 3:14

“Kirchinö malaykayan nyo mi kanisa Laodikea ilenchï, ‘Anyï ngölyon nyo ngwïno wölo mi nyinte nyo le Amen, nyo ghanate akï söwinto man akï nyinte nyo pöytoy tïkwïn löwïr cho kigh Tororöt.

NGONGUT 1:13

akimi kwenungwa kïgh nyo kilata chi ato kirosöy, kiloköy sïra nyo kogh nko angwa nyo kikigha koltin nyo kirat kuwit takatenyi.

1 PETRO 4:1

Ompöwölo kiwongwï Kristo* ompö por, mïchinokwa tïkwïl okile kegh ompö keröt nyo kitïng nyinte ompöwölo chi nyo kikïcham kuwongwï ompö por akwompö kighanatenyi kï kikuchal ngokï.

OSEA 2:20

Opinyi ompö kighanatenyan lïkuna nyinyan kokay, atenkïtunö lö ochan ECHOTYON.

EPRANIA 2:17

Kïlenyona, kimïchï egh nyinte kïkarkeyit nko tupchenichi ompö ngal lapay atökumï kïlïkwï tïsintengwa nyo Wow nyo kighönöy, nyo tïng kisyonöt otini pöghisyechini nyinte Tororöt, atökelöstoghchï pich ngokikwa.

TUMWÖY 93:1

ECHOTYON kï pöytoghin, kelokyï kegh ororyö nko owesyö. Kegh ECHOTYON ngwïny kïchïchïm amelö timtimo nyonikïny.

TUMWÖY 109:19

Nya kïnanagh le sïro nyo körmönö nyinte akïnap kïtenö osis le angwa mu.

ISAYA 9:7

Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

ISAYA 32:1

Arosa lö itu asistanka pöytoghintö nyo pöytoy ompö konyït nko kintöghoghï cho pöytoy ompö man.

SAKARIA 8:16

“Achï tïkwïn cho mïchini agha, angalana man amutyï pich kalya.

TUMWÖY 45:4

Leta tagh ompö wowïntöngu aterïntena atenoghyechinö kirwoko kisyonchin nko man ipu owesyengu rïntaghtin cho echön.

TUMWÖY 89:9

Ipöytonyi mirtino nanam cho owesöch aighanyi kïsisyö ato wasawas kegh.

ISAYA 9:6

Kakïyiywecha monïng! Kakïkonecha worö! Akïlïku nyinte pöytoghintencha. Kïkuro kaynatenyi, “Kirurin nyo pö Töngönchin,” “Tororöt nyo Awes,” “Papo nyo pö Kokay,” “Pöytoghinto Kalya.”