ISAYA 11:11 - PIPÏLIA

¹¹ Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 11:11 Referans Kwoze

MIKA 7:12

Pkonöy piköku kïmïlisyot wölo iminyi kïngeta Asirya ntökwit Misri akïngeta Misri ntökwit lalwa Yuparet kïngeta nanamtin cho lowöch ntökwit kutïngkot cho lowöch.

RUMI 11:26

Kïsöru nyu atoni pipö Israel kïmïkul, kïle wölo mwoghöy Kikirut lö, “Ngwïno asïyech Ghetin Sayon,* akupuktegho nyinte pipö Yakopo ghöyityö.

ISAYA 10:20

Itu osiswö ato melö tökukönöy pipö Israel cho ngötu pipö puntoni walaka cho kimököy kuwuröy chane kuwonyö. Könöy chane lasiny ECHOTYON Tororöt pö Israel nyo Tïlil.

OSEA 11:11

Pkonöy ompö ngörekyö le törit cho pkono Misri, le cheptuken cho pkono koro Asirya. Oyokyinan nyu chane kïpa kestonikwa ngat. Mwoghöy ECHOTYON.

ISAYA 66:19

akunkïtï lö ani nyo kachop kong chane. “Wölo otukan walaka ompö chane atayontan kïpa wölo mi puntonï cho lowöch, cho tomöcha kïlïm kaynatenyan anta sïwa wowïntönyan nko owesyenyan, petöy koro Tarsis nko Lipya nko Lud kïmi nko pich cho nkït kïwutïtoy kotï, akïpa ntökwit Tupal nko Akaya. Mwotïtoy pïchoni walaka wowïntönyan.

ISAYA 42:4

Mömeghönye mu anta wonyeghö nyakanat ntökïtenö kutö man ngwïny. Köngöy koroswö cho lowöch kinetutkachi ompö kikönöt nyo wow.”

ISAYA 24:15

akïsölöy nyinte walaka cho mi okumpö kongasis, sölöy ECHOTYON Tororöt pö Israel pikö walaka cho möngöy sörömu nanam.

ISAYA 10:9

Kyarïntan kanastina Kalno nko Karkemis nko kanastina Amat nko Arpad. Kyarïntan tïkwïl Samaria nko Damaska.

TOWUNÖT 11:2

Kïkany otini kiwuwotö pich kutang kongasis, kwitïta tömko Papilonia kïmang wölini.

TOWUNÖT 10:22

Kïkuro werpö Syem: Elam nko Asyur nko Arpaksyad nko Lud nko Aram.

TOWUNÖT 10:10

Kitowunö paytaghtanyi kanasyanta Papilon, Erek nko Akad, kimi kanastinechoni kïsömök koro Papilonia.

2 KORINTO 3:16

Wölo kïngwïstoy anankanoni ato waghaka chi wölo mi Echotyon.

RUMI 11:15

Ompöwölo ato otini kitagh Tororöt chane, kumuka nyu kïnyorï ptangengmöt linyogh nko Tororöt, ekïlïku ne nyu ato kïcham chane? Sïköy söpon cho kimeghö!

SAKARIA 9:2

Nyoru sitöt tïkwïl kanasyanta Amati nyo poyegho koro Adraki, amöngötunye tïkwïl kanasyanta Tiro nko Sidon, kïrkegh kïmen, lö tïng ngöghomnyö nyo wow.

SAKARIA 5:11

Kïlenchanïn, “Kep koro Papilonia, wölo kïpetöy ketekyini kö aketö kïtöpö ori.”

SEPANIA 2:11

Ighöy ECHOTYON pipö Moap nko Amon kïmïghyö, wongöy tororötino putintön ompö ngwïny le kwïle, atolapay kïsagh pipö ngwïny kïmïkul ECHOTYON Kimuktoghin, ompö koroskökwa.

OSEA 1:11

Kituyot nyu atoni pipö Yuda nko cho pö Israel, atolapay kegh chane kïkïlchï kintöghoghintengwa nyo le akonga, yetu chane akwowesöchitu ompö korengwa, ompöwölo lïku asispa Yesrel asis nyo wow!

DANIEL 11:18

Ato mi löt kïset kïpar koros cho kimi sörömu nanam akïrïnta cho chang wölo rïntoy wowïn pö lïk akuwany otöptanyi nyo gha, kïmïla nyu otöptanyi nyo gha wölo mi nyinte.

DANIEL 8:2

Kyomitan ompö sïwïyaghnoni Susa kanasyan nyo wow ompö koro Elam, kyoghyongenan lalwa Ulay.

ESEKEL 30:14

Oghan koro Patros kïlïkwï kïratyan, apelan kanasyanta Soan, atolapay orwokyan kanasyanta Tepes.

ESEKEL 27:6

Akïcheng ket pö oak cho mi Pasyan takwigh oars, kegha wölo kighyongo ompö sörömu nanam ket cho pkono Kupro atolapay keluma kela pelöw.

YEREMIA 49:23

Kilö ECHOTYON paraku Damaska, “Köwöngisyö pipö kanastina Amat nko Arpad, ompöwölo kalïm lökoy cho ghach. Kinyïghï chane pögh mu ompö mïghö, karkegh nko mirtino nanam cho mösisyot.

YEREMIA 44:1

Anyï ngölyonto ECHOTYON nyo kimwowanïn paraku pipö Yaudi cho kimöngöy kanastina Mikdol nko Tapanes nko Mempis nko cho kimi okumpö Patros.

YEREMIA 31:10

“Akwa pipö koros, atera ngölyonto ECHOTYON. Amwatïtena kurel koros cho lowöch lö, ‘Ghömïtu pipö Israel nyinte nyo kitoyö chane akukaman le mösöwonto kechir.’

ISAYA 45:14

Kïlenchï ECHOTYON pipö Israel, “Lïku nyinkwa sïkönöto koro Misri nko Etopya, akïlïku pipö Sepa cho koghöch sekeykökwa rïpokwa chane löt kïrötote. Kïtïngöy chane ompö tawunkwa akïcham lö, ‘Omikwa nko Tororöt pö man, amöminye Tororöt anka kïpoto nyinte.

ISAYA 42:12

Nya kutö ECHOTYON salat nko ororyö, pich tïkwïl cho möngöy koros cho lowöch!

ISAYA 42:10

Otumchinö ECHOTYON tum nyo rel otumchinö ngwïnya kïmïkul salatenyi! Asala nyinte akwa cho opegho nanam, asala tïkwïn löwïr cho mi nanam ori, otumö koroswö cho lowöch nko löwïr cho möngöy koroswechoni!

ISAYA 11:16

Akïrumunö or nyo wow nyo pkono pipö Israel cho le ngötunön koro Asirya kïkarkegh nko wölo kilïkwï asis nyo kingetunö pikökwa koro Misri.

TUMWÖY 68:22

Lentöy Echotyon, “Oyokunonan chane Pasyan, ayokunan chane nanam kwen,

TOWUNÖT 14:1

Kituyö osiswechoni pöytoghï angwanï, Amrapel nyo pö Papilonia nko Ariok nyo pö Elasar nko Kedorlaomer nyo pö Elam nko Tidal nyo pö Koyim,

ESTA 10:1

Kikwagha surï pöytoghintö Aasuero piko pöyunötenyi kïmïkul cho kimöngöy kor wölo tïyame nko koros cho kiwit pögh.

ISAYA 1:9

Ntökimetuch ECHOTYON Kimuktoghin pikö walaka kïchïwïtyö, kitökikewur Yerusalem lökarpïs, le wölo kikida Sodoma nko Komora.

ISAYA 19:21

Porchini kegh ECHOTYON pipö Misri, atolapay kïwöghokisyö chane akïsagh nyinte, akïropchï nyinte ropöw nko amörostin. Atolapay kwomchï chane ECHOTYON muma akwigh kïrïp kegh nko kiyomisötengwa.

ISAYA 19:22

Töni ECHOTYON nyarïl pipö Misri, wölo sopöy chane ato le lötï. Wöghökyini kegh nyinte, akïterchï chane sowutkökwa, akusop.

ISAYA 37:31

Tösisyot pich cho ngötuno koro Yuda akïpit le ket cho setöy ighinkökwa akïlïtöy ngwïny lasiny atökïyiyï akwa.

ESEKEL 29:14

Atolapay apintitan pipö Misri, akanyan kïmang chane koro Patros nyo kile nyingwa kïngata wïyay. Lïku nyu chane pöyunöt nyo melö tïng owesyö ompö otini.

ESEKEL 32:24

“Mi Elam wölini nko pikachi pö lïk löwïr, kiwit pïrïmpoti pich cho kïmeghö ompö chok, kiröytö chane ngwen cho le sompen. Kyotyeghyö atanya pich cho kisöpchote, wölo ye kinam arasï nyu chane nko chini petöy kïröytoy ngwen.

ESEKEL 38:8

Weröy osiswö cho te, kekurinyi napa kegh, akï ompö könyis cho pkonöy iwetenyi poryegho kor nyo kösöpö poryot, kor nyo kighamïtyï kegh pich akïpa kutïngkoti Israel cho kikilïkwï kïratis, kikipï pich kïpkana punton kïpka kïmöngisyö löwïr ompö kalya.

DANIEL 1:2

Kutö nyu Echotyon Yeoyada pöytoghinto Yuda mori Nepukadnesa akïpïsyï kïcheng kari Kö pö Tororöt.* Kip nyu kutang koro Papilonia akutö kaplawachpa kö pö tororötïnyi.

TOWUNÖT 2:13

Kekurö lalweto odeny Kion, kiyinta lalwanoni kuwit koro Kus.

KINONO KIRURUT 9:29

Akwanyï piköku chane kegh, cho kimïtunenyi Misri ompö owesyengu nyo wow.’

2 PÖYTOGHÏ 17:24

Kumïtuna pöytoghinto Asirya pich kanastina Papilon nko Kuta nko Apa nko Amat nko Separpaim akutö kïmang kanastina Samaria kuker pipö Israel. Kïcheng chane kanastinechoni akïmöngisyö.

ISAYA 21:2

Kasïwan sïwïyagh nyo pö tïkwïn cho pö rïmö, sïwïyagh nyo kïwïchtoy kegh nko kiwurat. Kepokwï pipö Elam cho pö lïk akïporyö! Kusyep pipö Mede cho le setï kanastin! Wongöy Tororöt nyörilwok löwïr cho kepï pipö Papilon.

ISAYA 22:6

Kisetunö pipö lïk koro Elam cho kitïng kïwantis nko kotï. Kimi askarine walaka kïpsach nko longokökwa cho kipkono koro Kir.

ISAYA 49:12

Pkono piköchan koros cho lowöch, ngetuno walaka okumpö löt nko wölnö le to, kïngetunö walaka Aswan nyo mi okumpö tagh.”

OSEA 11:10

Pkonöy piköchan kïrïpanïn otini kotïlön le ngötïny pkono werkachï ta kïpotonchöt otini kötïl ECHOTYON le ngötïny.

SAKARIA 8:7

Osörunenan piköchan koros cho mi okumpö kongasis nko ta