ISAYA 10:4 - PIPÏLIA

⁴ Kïpörokwa otini osetekwa anta kïrangakwa alïkuna mampustin. Akï kïrkegh keghisyö lenyoni, kïmelö wonyot nörekyo ECHOTYON, wölo tökïghïteghote ewunyi nyo nyete le ye.

ISAYA 10:4 Referans Kwoze

ISAYA 5:25

Kïnagh nyu nörekyo ECHOTYON ompö pikachi akughïtö ewunyi atö kunyaril kong chane. Potonchot kutïngkotï atökesupchï mïntïruch ortïna kanasyan le samï. Amelö choni opïn, melö wonyot nörekyenyi, wölo tökughïtoy ewunyi kïnömöy sitenyi nyo mungoy pikachi.

YEREMIA 37:10

Akï kïrkegh alotakwa lïko Papilonia ntökelö pich cho le kot opïn cho köngötï kïghïtegho emenikwa, wölo ngetyot choni akïpela ma kanasyantanete kïnagh lö tïtu.”

ISAYA 9:12

Mito pipö Sirya kongasis, kïmi pipö Pilisti to, kingany chane kutïwekwa atökwam Israel. Wölo kïrkegh kighisyö choni löwïr melö kiwany nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

KINONO KIRURUT 32:30

Kïlö ne tökïyon chi akong pich cho le elpu akonga, akïyon pich odeny opïn pich elpun taman? Kïpoto ato kyalta ECHOTYON chane, akïpïstö Ghetintengwa chane.

OSEA 9:12

Nyo kïrkegh kanam monïng ochengan löwïr möminye ompö akong nyo ngötyini nyinte.

ISAYA 66:16

Pöro chane ma nko chok. Wongöy pipö ngwïny kïmïkul cho tökïle mwokïyis akï chang cho kïpöröy atoni.

ISAYA 34:3

Melö kïtïpöy porwoyikwa, wölo nïniegho wölini kewonyeghö akworöröchitu, pïröchitu kutïngkotï ompö kisön.

ISAYA 24:22

Tuyot Tororöt chane löwïr ompö pïrïm le mampustin. Körchini chane chela ntökwitïta asistangwa nyo pö kichopat.

ISAYA 22:2

Kiteghyö piko kanasyan kïmïkul, akïpölyö kïmarikit akïsïch sirmoy nyo wow. Melö kimeghyö piköku cho kikïpara poryonete otini kimi poryot.

ISAYA 9:21

Poryot pipö Manase nko cho pö Epraim, atolapay kutuyö kegh akïporyeghö Yuda. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

ISAYA 9:17

Nka nyoni nyu kïgh nyo ighöy Echotyon möchïwïtyö pikökwa cho le chumwak, amesyonchï pönonkökwa nko mïsïktinekwa, ompöwölo kighachitu pikö tïkwïl, akïngölonöy kutïweko pïchoni löwïr ngala sölwontön. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

LAWIN 26:17

Onörekyinokwa akïparakwa pungkökwa, chane chona reyokwa kïpöytonekwa. Okörköritukwa nyo oryöghekwa kwïle kïrkegh melö kayonokwa chi.

YEREMIA 4:8

Kïlenyona, alaka sarankwachtin asönön ariryö, ompöwölo tomönye kïpïstecha nörekyo ECHOTYON nyo ngwan lakat.”

ISAYA 9:11

Kïlenyona, ketö ECHOTYON sirmoy pung pö Resin tökïporyeghö chane.

ISAYA 9:16

Ompöwölo kimït pïchoni kintöghoghichini kitosonchö, akwigh kïkwongkwongisyö.

ISAYA 9:20

Söro kegh pich omisyewut cho kemï kïnyorï ompö kore kïmïkul, wölo melö pïghyongi nyonikïny. Omöy chane ompö chini le monekwa!

YEREMIA 15:2

Akwato tepinyi lö kïpetecha onö, ilenchï kamwaghan ante ECHOTYON lö, ‘Chona kikemwa lö wongöy sömewö, kwomöy sömewö! Chona kikemwa lö wongöy ngot, kwomöy ngot! Chona kikemwa lö wongöy kömöy, kuwongöy kömöy! Chona kikemwa lö kïrongöy pïnotön, kerongöy kïpa pïnotön!’