ISAYA 10:22 - PIPÏLIA

²² Kïrkegh chang ye pipö Israel le ngayam cho mi nanam, wölo mïlonchot cho ngörï. Mi kiwurata kïköngöy chane akwigho lenyoni ompö man.

ISAYA 10:22 Referans Kwoze

ISAYA 6:13

Kïrkegh köngötï chi akonga ompö pich taman ompö korononi, kïmöngötunye tïkwïl, le mïsïkyo ket pö oron anta lilwö nyo kökïtör wölo tökïmi tökïsöpöy mïsïkyenyi.” (Kimustoy mïsïk kösïghyon nyo pö kitoröt nyo rel nyo pö pipö Tororöt.)

NGONGUT 20:8

Akwotini kingwïn sany, kïlïsata pich kïghömï ngwïny kïmïkul choni kï Kok nko Makok. Ghömïtöy Onyötö chane löwïr kïpa lïk, lïko pich cho makïrar, pich cho tenö ngayam cho mi sörömu nanam.

DANIEL 9:27

Omöy pöytoghintononi muma nko pich cho chang ompö könyis mut nko odeny, ompö kwenu könyiswechoni kïtagh amörostin nko ropöw, ketö körkeyïn nyo pö otyogh Kö pö Tororöt akïtöpö atoni ntökïtenö kïma nyinte nyo kitö atoni lenyini kimwa Tororöt.”

RUMI 2:5

Akwompöwölo kelïkunyi tighin, nyo mölïmönye ngal, imitenyi itösini kegh kïngwanit tya sitöt nyo koninyi Tororöt ompö asis nyo poru nyinte nörekyenyi ompö ngokï akurwokï pich ompö man.

IGHISYEWUT 17:31

Ompöwölo kikïror asis akonga nyo rwokinegho ngwïny ompö man ompö chichoni kikïl nyinte. Akakuporchï nyoman pich lapay ngalechoni tömömi chi nyo tomtomönöy ompöwölo kigh nyinte kututï ompö meghat.”

ISAYA 8:8

Pukotoy koro Yuda ompö puseryon nyo itöy pugh, akulum kïgh anka tïkwïl.” Mi Tororöt nko acha! Körtoy köpepokachi cho kakikarkar koronete.

ISAYA 6:11

Atepan lö, “Akïlïku nyoni nko oyï nya Echotyon?” Kuyokï lö, “Ntökïtenö kepar kanastin lömïs, ntökïtenö kepïstö korïn kïtïryolöchitu, ntökïtenö kïlïkwï kore nyinte kïmïkul surkwen.

1 PÖYTOGHÏ 4:20

Kïchangit tya pipö Yuda nko Israel, kikarkegh chane nko ngayam cho mi sörömu nanam, kwomisyö akïgheghsyö akïngörekyö.

TOWUNÖT 18:25

Megh kïgh nyo lata nyoni! Mepar pich cho karamach nko cho ghach. Kikongityot chi nyo karam nko mwokïyon! Ewo, megh lenyoni! Meghönye so man kirwokinto ngwïny kïmïkul?”

OSEA 1:10

Wölo chongitu nyu pipö Israel le ngayam ompö sörömu nanam, cho mökimukönye kepim anta kiyit. Wölay kilenchï Tororöt chane, “Mochikwanye piköchan,” wölo itïtoy ato lenchini, “Ochikwa monïngo Tororöt nyo satate!”

ISAYA 46:3

“Alïme ngalechan akwa pipö ara Yakopo akwa löwïr cho le ngötunön pö piköchan. Kyoripokwa kïngeta otini kikïyiyokwa.

ISAYA 48:19

akitö chongitu monekwa le ngayam, akitö oripan chane tömökiwany ompö tawunyan.”

ISAYA 60:22

Yetu nyu cho mïnkech ompö akwa le pipö or okonga, kwawesit nyo mïnïng le kor nyo awes nyoman. Ochan ECHOTYON, akwotini ketï asisoni oghan nyu choni kwighisyö lawel!”

ISAYA 65:8

Mwoghöy ECHOTYON lö, “Möminye chi nyo nyoröy sapipun, wölo ighöy kïlïkwï dipay.* Kïlenyoni tïkwïl ompö ani. Monyoranye pikachu löwïr. Osörunan cho pöghisyewanïn.

2 PÖYTOGHÏ 19:31

Ompöwölo ngötuno pich Yerusalem nko kutïng pö Sayon,* ompöwölo ECHOTYON nyo tötöy lenyoni.

ISAYA 37:31

Tösisyot pich cho ngötuno koro Yuda akïpit le ket cho setöy ighinkökwa akïlïtöy ngwïny lasiny atökïyiyï akwa.

ISAYA 59:20

“Ongwïnan nyo ochï Ghetintenkwa Sayon,* ongwïnchinan pipö Yakopo cho kökötö ngokikwa. Mwoghöy ECHOTYON.

YEREMIA 3:14

“ ‘Momïlisyö sonye akwa monechï mochï ghönote nya? Mwoghöy ECHOTYON. “Ompöwölo ochan Echotyontenkwa. Ochengan chi akonga ompö kanasyan achengan odeny ompö or anka tïkwïl nyo pö pipö Israel, atolapay amïtan kutïng pö Sayon.*

YEREMIA 44:28

Wölo pich cho ngörï cho chïwïtyegho Misri akïmïlisyö kïpa koro Yuda. Atoni nyu ato nkïtu ngötunön choni pö Yuda lö ngölyonto ngo nyo nïkis, nyinyan anta nyingwa!