ISAYA 1:9 - PIPÏLIA

⁹ Ntökimetuch ECHOTYON Kimuktoghin pikö walaka kïchïwïtyö, kitökikewur Yerusalem lökarpïs, le wölo kikida Sodoma nko Komora.

ISAYA 1:9 Referans Kwoze

RUMI 9:29

Lenye nyoni ngat ngölyon nyo kingor Isaya lö, “Ntökile nyo kimetukwechanye Echotyon Kimuktoghin monïng, kötökikewonyecha le pipö Sodoma nko pipö Komora.”

TOWUNÖT 19:24

Kutor ECHOTYON kïropönchï ngeset kanastina Sodoma nko Komora.

LOK 3:22

Möngötönye chomnyo ECHOTYON kokay, melö wonyot kisyonutkachi.

AMOS 4:11

Kyawanyakwa walaka le wölo kiwangta Tororöt Sodoma nko Komora. Kyalatekwa machey nyo kakïchengunö ma, wölo moyokukwanye kegh wölo omitan. Mwoghöy ECHOTYON.

ISAYA 37:4

Muko lö kikïlïm ECHOTYON Tororötïngu ngala Rapsyake nyo köyonï pöytoghintö Asirya kungwïn kumwagh Tororöt nyo satate. Malïm sonye ECHOTYON Tororöt akïmuny pïchoni löwïr ompö kimwosyengwa nyo kalïm nyinte. Kïlenyona soghchinö pich cho köngötï.’ ”

ISAYA 24:13

Nka nyoni kïgh nyo igho ompö pipö ngwïny, kikongityot atoni nko ato kakitimtim keti arol akïtökïmito arolka walaka ketït. Akekongityot nko ato kirorotoy sapipun cho le ngötunön.

ISAYA 17:6

Körökegh atoni pipö Israel nko ket pö orolwö nyo kikepïtö akwechi lömïs kïpoto cho le odeny anta sömök cho köngötunö wölo le walisay. Ngötu chane cho ngörï lenyoni, anta karkegh nko cho ngörï cho köngötunö mori cho mi wölo porö.” Mwoghöy ECHOTYON, Tororöt pö Israel.

ISAYA 6:13

Kïrkegh köngötï chi akonga ompö pich taman ompö korononi, kïmöngötunye tïkwïl, le mïsïkyo ket pö oron anta lilwö nyo kökïtör wölo tökïmi tökïsöpöy mïsïkyenyi.” (Kimustoy mïsïk kösïghyon nyo pö kitoröt nyo rel nyo pö pipö Tororöt.)

TOWUNÖT 18:32

Ato mi lötï kïlö Apraam, “Kaykay menarek, ECHOTYON, pïswante amwagh nyo pö akonga. Ekwoto rumï pich cho pö man cho le taman?” Kïlenchï, “Monyoranye kanasyantanoni ato mi pich cho le taman.”

RUMI 9:27

Kimwa Isaya tïkwïl paraku pipö Israel lö, “Kïrkegh köchang pipö Israel le ngayam cho mi sörömu nanam, wölo pich cho ngörï pat ompö chane cho kïsöru,

MATAYO 7:14

Wölo marich kukat akwaghïgh or nyo ipöy pich wölo mi söpon akï pich cho ngörï cho nyoru.

SEPANIA 2:9

Kïlenyona, le ato ochan satate ECHOTYON Kimuktoghin, Tororöt pö Israel, owolwolan lö, ‘Oghan Moap nko Amon le Sodoma nko Komora. Lïku koro kato nko ngormöm akunyara kokay.’ Pkonöy nyu piköchan cho köngötï kïchengo tïku akïmïl korengwa.”

APAKUK 3:2

Kyalïman tïkwïn cho kighanyi, we ECHOTYON nka nyoni ighanïn awaghinyi tya. Igha ye nyu ngat ompö osiswecha tïkuchoni kighanyi könyisyok. Inan kisyonchin, we ECHOTYON ompö nörekyengu.

YOEL 2:32

Wölo chïwïtöy chi anka tïkwïl nyo kuröy kaynata ECHOTYON, ompöwölo lentöy ECHOTYON, ‘Mi ngötunön cho kïsöru ompö kuntïng pö Sayon nko Yerusalem cho okuran ante.’ ”

ESEKEL 6:8

“Wölo otukan pich walaka ompö akwa cho köchïwïtyeghö chok cho kepertoy kïpa kïlïtöy punton, otini kotoytoyekwa oghömï koros

LOK 4:6

Könyorï piköchan sitöt nyo wow kïmolï nyo kinyorï Sodoma, kanasyan nyo kinyar Tororöt ompö pöroyïn nyo tangogh amemuka kïnam chi kegh möt ompö sönönöt.

1 PÖYTOGHÏ 19:18

Wölo opïsinan koro Israel pich 7,000 cho melö kikïtïnchï Paal anta chïchïn kutïwekwa körkeyïntanyi.”

KINONO KIRURUT 29:23

Lïku parenikwa ghatoy cho nöghyot le ngeset cho kilum paryan. Puryö kïgh nyo kïkötkötyini akïghya, melö pito ompö cho le ratok. Lïku korenkwa le kanastina Sodoma nko Komora nko Adma nko Sepoim, cho kinyar ECHOTYON kuwonyö ompö nörekyenyi nyo wow tya.

2 PETRO 2:6

Kirwokyï Tororöt kanastina Sodoma nko Komora akïpela chane ma akwigh kanastinechoni kïlïkwï körkeyïn nyo igho ompö pich cho mewöghöy Tororöt.

ESEKEL 14:22

Wölo ato ngotï chi nko monechi akïpkonchinyi, iros wölo lata ortïnekwa nko otöptinekwa. Ichömunenyi nyu lö, ki pö man omungön Yerusalem.

TOWUNÖT 18:26

Kïlenchï ECHOTYON, “Ato töp ntökïmi pich cho pö man cho le tömönut mut kanasyantanoni pö Sodoma, opïstonan kanasyante kïmïkul ompö paraku pïchoni.”

NGONGUT 11:8

Ghömu nyu atoni mïntïruch ortïna kanasyantanoni wow, wölo kikïwudochï Echotyontengwa kimurtöwon. Kïkuro kaynata kanasyantanoni Sodoma, anta Misri ompö körkeyïn.

2 PÖYTOGHÏ 19:4

Köyonï pöytoghinto Asirya Rapsyake nyo kengwïn kumwagh Tororöt nyo söpöy. Nya kunan ECHOTYON Tororötïngu ngalechï pö chïpö atökïkar kong pïchoni kangalana kutingwa ngalechoni. Kïlenyona, soghchinö piköcho cho le ngötunön.”

ISAYA 1:8

Ngötu Sayon* onkït nyo kïmi keriköy, kikongityot nyinte nko pancha nyo mi para sapipun, akïkarkegh nko kö pö par nyo mi para mïnyanytin, kikongityot nko kanasyan nyo kïmi keriköy.

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 11:16

Akïrumunö or nyo wow nyo pkono pipö Israel cho le ngötunön koro Asirya kïkarkegh nko wölo kilïkwï asis nyo kingetunö pikökwa koro Misri.

ISAYA 46:3

“Alïme ngalechan akwa pipö ara Yakopo akwa löwïr cho le ngötunön pö piköchan. Kyoripokwa kïngeta otini kikïyiyokwa.

ISAYA 65:8

Mwoghöy ECHOTYON lö, “Möminye chi nyo nyoröy sapipun, wölo ighöy kïlïkwï dipay.* Kïlenyoni tïkwïl ompö ani. Monyoranye pikachu löwïr. Osörunan cho pöghisyewanïn.

YEREMIA 23:14

Wölo kasïwan werkoy pö Yerusalem kwighöy cho ghach tya. Kegh cheporsnan akïmïr putintön, rompöröy chelölos, tömökïmi chi nyo töghöy kwighöy ngokï. Ghach pïchoni löwïr ompö konyichan, karkegh nko pipö Sodoma nko Komora.

YEREMIA 42:2

akïlenchanïn, “Kaykay ighwecha kïgh nyo kïsomichanyi! Soghwecha ECHOTYON Tororötïngu! Kakïmwaghacha lenyoni löwïr chete tökemitenö, ompöwölo kikïchicha tagh chang wölo ye kökïngötucha chete le tïkwïte isïwïyenyi nyinte tïkwïl.

YEREMIA 50:20

Otini ketïta osiswechoni, mönyorchininye chi ngokï koro Israel anta Yuda ompöwölo olöstoghchinan ngötunön choni ngokikwa löwïr.” Mwoghöy ECHOTYON.

ISAYA 24:6

Nka nyoni köchïp Tororöt ngwïny. Akunka nyoni kewongwï pïchoni möngöy orinyi, akïngötï cho ngörï.