ISAYA 1:5 - PIPÏLIA

⁵ Kölö ne toletekwa tagh nko penyat? Tomökekwa so kenyörilokwa kong nya? Kikïghömï moyoy mötïngu, we Israel, kikuchir mïkulöwungu nko mötïngu.

ISAYA 1:5 Referans Kwoze

ESEKEL 24:13

Kesïmnyoninyi we Yerusalem ighisyewuköku chï ghach. Kyolan otïlilinyi wölo kimetïlilenyinye. Melö itïlilitunenyi nyonikïny ntökïtenö kuwonyö nörekyenyan ompö nyi.

YEREMIA 5:3

Nyi we ECHOTYON, onkïtön lö imörenyi pich kwigh man kïtenö osis. Kimïghitönyi chane, wölo malïmtacha kïgh, kiryöpönyi chane, wölo machamcha lö kikelel. Kilïkwï pich cho kiyomö mötöwö kïtïl kogh, kïtagh nyoman kïkötö ngokikwa.

ISAYA 31:6

Akïlö ECHOTYON, “Omïlonchenö wölï omitan, pïchï pö Israel. Kaghwanïkwa ngokï, ataghanïn!

YEREMIA 5:31

otï kangor werkoy ngala putintön, kïrïp tïsï lenyini kamwa werkoy, akurosyini kegh piköchan lö kiten nyoman ngalechoni! Oghekwa ne ato itïta sörömu ngalechoni?”

YEREMIA 9:3

Ipo piköchan putintön södök wal, kiyetï lïsa kïtïl man ompö kore. “Ighöy piköchan ghöyityö nko ghöyityö, amönkunkïtnye lö ochan ngo. Mwoghöy ECHOTYON.

YEREMIA 2:30

“Kiwö kwïle sitenyan nyo kinyorï pikökwa, ompöwölo kicham lö kikelel. Kiwany chokengu werkoyköku le ngötïny nyo komï.

NEEMIA 9:34

Melö kirïp kirurutköku pöytoghicha nko kintöghoghicha nko tïsicha nko papotïnecha. Melö ompö kiyang chane ngaleku nko chilatengu.

YEREMIA 5:5

Owetan ongölonöy nko kintöghoghï, cho okönan lö nkït lötok ara ECHOTYON, nko kirurut pö Tororötïngwa.” Wölo kyonyorwan penyï, pich cho makïrïpönye kuti ECHOTYON.

ISAYA 33:24

Melö tökelïmöy chi ngat nyo ngölon kichïr ompö korencha, akelöstoghchini pich löwïr ngokï.

ISAYA 9:21

Poryot pipö Manase nko cho pö Epraim, atolapay kutuyö kegh akïporyeghö Yuda. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

ISAYA 9:13

Wölo melö kakitö pipö Israel, kïrkegh kichop kong ECHOTYON Kimuktoghin chane.

ISAYA 1:23

Kalïkwï pöytoghiku pich cho kichumpön akïlïkwï kongoti chorï. Toköy chane tïpö pich akïcham kerop chane. Melö syonchini pönon ompö ka kirwok anta chömchï mïsïktin kwipchï chane lokekwa.

2 OTÖPTINO OSIS 28:22

Kitas tagh kwigh nyo gha tya pöytoghintö Aas ompö tawu ECHOTYON kïrkegh kitïng nyarïl nyo wow.

2 PÖYTOGHÏ 1:13

Kïyonta ngat pöytoghintonay yetïntö anka nko askarin tömönut mut. Kïpusta kutïngay akupïtyï tawu Eliya akïsagh nyinte lö, “We, chi pö Tororöt, syonchante nko pikachu wey, sörunö söponwecha!

YEREMIA 13:23

Ayo, muköy so chi pö Etopya kïwaghach tuwïnto portanyi? Akumuköy möril kïngongoghta sömughïntanyi? Kötomukekwa nyu oghe man cho kanaghta agh ngokï.

YEREMIA 17:9

“Lïsin mïkulöwu ptangengmöt kïtïl kïgh anka tïkwïl, möminye wölo kisoptoy. Ekï ngo nyo muköy kunkïtu?

YEREMIA 44:15

Atolapay kïlenchanïn mïrön löwïr cho kinkït lö kipelchï korukwa amörostin tororötin walaka nko kor löwïr cho kimi atoni nko pipö Israel cho chang cho kimöngöy Patros ompö koro Misri,

LOK 5:17

Kikösyö acha mïkulis akïtïpecha lok konyïn tömökerosïtone lasiny.

ESEKEL 34:4

Melö kötayangakwa chona le chankulan amasararakwanye cho ketongu amelö kyaropakwa cho kimïrisyö amayarakwanye cho kepotyö wölo angetakwa aghapghap apayta nyo gha.

ESEKEL 34:16

“Oyörotenan nyo kepot, ayokï nyo kamasta, asop nyo kömïrö arosöy nyo le chankulan orosan nyu nyo akwagh akï tïyam oyokuyenan chane man.