ISAYA 1:26 - PIPÏLIA

²⁶ Otöninan pöytoghiku kirurut cho kongityot nko cho kipö tagh. Kïkuro nyu Yerusalem kanasyan nyo pö man, nyo ghanate.”

ISAYA 1:26 Referans Kwoze

SAKARIA 8:3

Omïlenan Sayon amang Yerusalem. Kïkuröy Yerusalem asoni lö, ‘Kanasyan nyo ghanate,’ kekurö kutïng pö ECHOTYON Kimuktoghin, ‘Kutïng nyo tïlil!’

YEREMIA 33:7

Oyokyinan ngat Israel nko Yuda tïkukwa, achïchim chane le wölo kilata tagh.

NGONGUT 21:27

Wölo möminye kïgh nyo le sïmnyon nyo lïtöy kanasyantanoni anta chi anka tïkwïl nyo ighöy tïkwïn cho pö arasï anta nyo mwoghöy putintön. Pich opïn cho lïtöy kanasyantanoni kï cho kikekirchï kaynötutkökwa kitapu Wawa Kech nyo pö söpon.

SAKARIA 8:8

atolapay aghamïtwan kïpka kanasyanta Yerusalem. Lïku nyu chane piköchan, alïkwan Tororötïngwa. Opöytenan chane ompö kighanat nko man.”

SEPANIA 3:13

Melö nyu tökwighöy cho ghach pipö Israel cho kingötï, pïstoy putintön nko lïs. Pöghisïyi chane nyo karam, karkegh nko kechir cho oketïyi akïrusot wölo tïghume, akï puryö kïgh nyo muköy kwotyeghö chane.”

ESEKEL 45:8

Lïku koronï koro pöytoghin nyo pöytoy Israel tömöpïr piköchan, wölo kipïsyï ortïna pipö Israel, kïcheng wölnö köngötï kïrïp kegh nko ortïnekwa.

YEREMIA 33:11

Wölo tökïsis kelïma woptinechoni tïkwïl roröt nko kutïwa pich cho ngöreksot nko kïlïliyöto pich cho mi ichon pö kensyö. Kïlïmöy tïkwïl cho tumotoy ato ipöy Kö pö Tororöt* ropöwo kiyokyinogh pö sörö. Tumöy ato petöy kïlentöy, ‘Oyokyinö sörö ECHOTYON Kimuktoghin, ompöwölo karam nyinte akï chomnyenyi kïpö kokay nko kokay.’ Operuran korenete kïsïch tïkwïn le cho kitïng tagh. Mwoghöy ECHOTYON.

YEREMIA 31:23

Lentöy ECHOTYON Kimuktoghin, Tororöt pö Israel, “Otini koyokwan pipö Israel kïpka korengwa, mwoghöy chane ngat ompö koro Yuda nko kanastinechi lö, ‘Nya kusoyönin ECHOTYON we kutïng pö Yerusalem nyo tïlil, Ichinyi kimpïr pö tïlilyö!’

ISAYA 60:21

Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

ISAYA 60:14

Pkonöy pipö ara pïchoni reyinyi kïkïtïngö tawungu ompö konyït, kïpka cho kisösinyi kïkïtïng akïsagh ompö kelyeku. Kurinyi lö, ‘Kanasyanta ECHOTYON,’ ‘Sayon,* kanasyanta Tororöt pö Israel Nyo Tïlil.’

ISAYA 33:5

Wechï töror ECHOTYON! Pöytoy kïgh anka tïkwïl. Nyïghitöy Sayon* man nko kitenat

ISAYA 1:21

Kötöpö onö kanasyantanï kighanate tökïlïkwï chepores! Kinyïghitate pipö man orinyi osiswe walaka, wölo köngötï ye nyu rïmï opïn.

KIYITUT 12:3

Ki chi Musa nyo kitalas kïtïl pich löwïr cho kimi ngwïny.

SEPANIA 3:9

“Itïtoy ato otïlilan ngölyep pö piköchan kïngalan man, kuranïn akïsaghanïn akïpöghisyewanïn onkït ompö mïkulögh akonga.

KIYITUT 16:15

Kïnarek Musa akïlenchï ECHOTYON, “Mecham ropöwo pïchï. Möminye kïgh nyo gha nyo koghchan chane, amöminye ompö sïkïryö akong nyo kachengan chane.”

ISAYA 54:14

Ighinyi man chïchïma, ilowitunonyi nyarïl nko otyogh.

MIKA 4:8

Ngwïnchininyi we mösöwonto pipö Sayon paytagh nyay kipö tagh nko pöyunöto pipö Yerusalem.

ISAYA 2:3

akïmi kïlentöy, “Apkana kepustena kutïng pö ECHOTYON, ntöketïta Kö pö Tororöt* pö Israel. Atökunetecha ortïnechi, atökepe kerïpa ortïn cho mököy kerïpacha. Ompöwölo pkono kinetut pö ECHOTYON Yerusalem, ngölonchini pikachi kïngetunö Sayon.”*