ISAYA 1:13 - PIPÏLIA

¹³ Kopukwa kwïle tïsöwekwo. Kikïghöchachïn ngutogh pö tïkuchoni opelekwa. Melö tomukan omïkukönchini Ichontinekwa cho pö Relïn pö Arawa nko Sapatotinekwa* nko tuyotïnekwa cho oryomokwa ompö sowut. Kewur ngokikwa choni lömïs.

ISAYA 1:13 Referans Kwoze

ISAYA 66:3

“Ighöy pich le wölo kömöktoy. Karkegh ompö chane ato kapar egh akwigh kïlïkwï amöros anta tötö ptangengmöt kïlïkwï amöros. Ato ketötö wawa kech anta karïng katpa kukïy. Ato ketötö pagh cho kïroptoy anta kisön pö nkïruwen. Ato ketötö mankoy cho ngutoy cho onyïn anta sagh körkeyïn. Pïlilöy chane nyoman ortïn cho kïrïpöy ato kïsoghöy.

MALAKI 1:10

Mwoghöy ECHOTYON Kimuktoghin lö, “Opï kakar chi akong ompö akwa kukoti Kö pö Tororöt* atömemï chi kuna ma nyo pö kwïle ompö ato kïpelo amörosechan. Melö ongörökyinekwa amelö otokan ropöw cho opkanïkwa nyonikïny.

MATAYO 15:9

Soghanïn chane kwïle akunetöy kinetut pö pich, atökelentöy kirurutköchan!’ ”

ESEKEL 20:39

Kïlenyona lentöy Echotyon TORORÖT, “Ape nyu, we pipö Israel asaghatena körkeyïntinekwo kokay ato moterwanïkwanye. Wölo itïtoy ato melö tosïmnyonekwa kaynenyan ompö ropöwekwa nko körkeyïntin.

LUKA 11:42

“Ochech akwa Parisaytin! Karoptekwa kareranpa taman nyo pö tïkwïn cho makes cho lata köröstin nko kapïrïmen nko nkïy angetakwa atagh oghchï pich man acham Tororöt. Kömïchokwa agha choni nyo tagh, amopïstö chona walaka.

YOEL 2:15

Akutena kontï Sayon, amala asispa kïrurat okurö tuyot aghamïta pich omwochinö tuyot kutïlil kegh onyoryenö poy

LOK 2:6

Kiraprap ECHOTYON konyi nyo pö saghat le söpoto par. Kitagha ECHOTYON Sayon kïkonyït ichontin nko Sapato.* Katagh tïkwïl pöytoghin nko tïsin anka tïkwïl ompö nörekyenyi nyo ngwan.

EPESO 4:30

Orip kegh magh Mïkulögh nyo Tïlil nyo pö Tororöt kïnarek, ompöwölo nyinte kï macheypa Tororöt nyo poru lö ochikwa pikachi akukïniniot lö itu Asis ato tyokokwa Tororöt.

1 KORINTO 11:17

Wölo otini tomitan orurokwa ompö ngalechoni, kïmelö okwolokwa, ompöwölo kepï tuyotïnekwa cho pö saghat ngwonïn nyo wow kïtïl köromnyö.

YOEL 1:14

Mwatïtena kekïrur kïrurat nyo tïlil okurtenö tuyot nyo tïlil! Aghamïta kintöghoghï nko pipö Yuda löwïr kïpa Kö pö ECHOTYON Tororötïnkwa atökïrirchï nyinte.

NGÖTÏNYÖ 21:27

Ghöchini ECHOTYON amöros pö mwokïyis, ghach nyu kïtya, ato ipï ompö keröt nyo ghach!

TUMWÖY 78:40

Kipeny chane nyinte kïnyïl cho chang ompö surkwen akuchop kong nyinte ompö wölini.

1 OTÖPTINO OSIS 23:31

nko ato kïpelöy ropöwo ECHOTYON ompö Sapato* nko Ichon pö Relïn pö Arawa nko ichontin walaka, kïrïp kegh nko chini machate chik ompö ECHOTYON.

WUWÖT 12:16

Oghekwa tuyot nyo pö saghat ompö asispa tagh nko asispa mut nko odeny. Möminye ighisyö nyo kighöy osiswechoni, wölo oghekwa omisyö nyo omekwa.

PILIPI 1:15

Omtoy pikö walaka ngala Kristo ompöwölo söschinanïn akï syölï chane, wölo omtoy walaka ompö keröt nyo karam.

KIYITUT 10:2

“Tanga kontin odeny cho silpa cho ikutenyi ato ikurenyi pich nko ato imökenyi kïwï.

ISAYA 66:23

Pkonöy puntonï löwïr kïsoghenanïn Yerusalem ato kighöy Ichon pö Relïn pö Arawa nko Sapato* anka tïkwïl. Mwoghöy ECHOTYON.

OSEA 2:11

Owonyan ngörekyenyi nko sapkenechi cho pö relïntino arawa nko ichontino Sapatotin* nko nyoroghtïnechi löwïr cho pö saghat.

LAWIN 26:31

Onyoran kanastinekwa arultan korikwa pö saghat. Amelö tökïnguchinanïn nyo karam tïkukwa chay onyïn.

2 PÖYTOGHÏ 4:23

Kïtep pontenyi lö, “Ompö ne temökenyi wete asisete, akwanyï melö asispa Sapato* anta Ichon pö Relïn pö Arawa?” Kuyokyï korkenyi lö, “Mökïghnye!”

NGÖTÏNYÖ 7:14

“Karoptan amörostin akopuntan ye kiwalwalatenyan,