8 Oghinyi tïkwïl lïkuna tighin akwaghïghitun möt le chane.
Kachïchiminyi asisete le kanasyan nyo wakate lasiny. Kaghinyi aghïghituna le pchöri karïn, aiaghïghitï le nayatu tay atömedinyi kïgh pöytoghi Yuda nko yetïntinechi nko tïsichi nko pikachi löwïr.
Kigh kighanata Musa kïwuwö koro Misri, amewaghnye nörekyo pöytoghin amamlanye lötï, ompöwölo kilata chi nyo kisïwïyi Tororöt nyo mösïwïyinye chi.
Wölo nyo le ani otïngetan owesyö Tororöt nko mïkulöwu ECHOTYON nko man nko owesyö ato mwochan pipö Israel ngokikwa.
Oghinyi aghïghituna le nayat nyo kikïteka taghoy ompö kwenu pïchoni. Kïrkegh kïporyegheninyi pung lö ne, memukönye kïlotinyi kokay. Ompöwölo omitan nko nyi tosörunyi aripinyi. Mwoghöy ECHOTYON.
Wölo medonanïnye kïgh chïputkökwa, ompöwölo ngörokanïn ECHOTYON Kimuktoghin. Nka nyoni okilan kegh amïkukönöy, ankïtön lö monyorunanye arasï,
Nyini kisïwa Aap Eliya kïlenchï, “Heywey kenyorwaninyi punyontenyu?” Kuyokyï Eliya lö, “Owöy kangwïnan, atenyorunönyi chïpöto ECHOTYON ompöwölo kitötenyi kegh igh ngokï ompö tawu ECHOTYON.
Nyi we ECHOTYON, onkïtön lö imörenyi pich kwigh man kïtenö osis. Kimïghitönyi chane, wölo malïmtacha kïgh, kiryöpönyi chane, wölo machamcha lö kikelel. Kilïkwï pich cho kiyomö mötöwö kïtïl kogh, kïtagh nyoman kïkötö ngokikwa.
Wölo melö terunyi pipö Israel ompöwölo melö chomöy kïterwanïn oghïghe mötöwöy chane akunowunot.
Oghan mötïngu kïyam le sönkwöt nyo kiyam kïtïl koghïn, nyo mewagh amemïgh ato isïwa chane, ompöwölo kö pö kanyasak pïchï.”
